Ŋilep. 23:4 - Ebaibul

⁴ “‘Erae nu ŋasuban ŋuna etubunit Ekapolon ŋuna asegak, ŋuna emaikina itiyaeneneo, ŋasuban ŋuna icunakinotor iyes iwapei kilipa.

Ŋilep. 23:4 Iomraidhean Croise

Neem. 8:15

ka atemar emaikina ikes kigira ka kiserata alotaunio kec a daadaŋ ka alo Yerusalem ŋakiro nu, “Toloto lokamukumukui, yaut ŋaten ŋuna a ŋikito ka olipa, ŋuna a ŋikito ka olipa a ŋulu ka ariet, ŋaten a ŋiŋolya, a ŋikito a ŋulu ikwaan ka ŋikamurya ka a ŋikito ca a daadaŋ a ŋulu eya ŋakwii aŋuna ka adukokinia ŋisakaitei, lopite ŋolo igiritere.”

Awos. 12:14

“Emaikina iyes torubakis itamunito akoloŋit na, kitiyaete ŋasuban aŋuna ke Ekapolon akoloŋit na ananyameta kus a daadaŋ ka itamunito ŋasuban ŋun erae etal ŋoloruba jik.

Awos. 23:14

“Kitiyata ŋasuban neni kaŋ ŋakitiyaet ŋauni alotooma ekaru.

Isa. 29:1

Ekaŋ iyoŋ Ariel, Ariel, etaun ŋolo abu Daudi kiboikin! Kimoryanak ŋikaru elunyanar a ŋipeipei, kimyek ŋasuban daadaŋ ŋuna a ŋolokaru torubakinae itiyao.

Esek. 44:24

Ani keyakaun ebura edio, ŋisacaradotin ikes emaikina totubo ŋakiro a ebura a ŋol, emaikina ikes totubo ŋakiro iwuapito ŋuna adau ayoŋ atubun. Emaikina ikes kirica ŋikisila kaŋ ka ŋakiro ŋuna atubu ayoŋ kitiyata ikes anasuban a daadaŋ a ŋuna ainak ayoŋ ikes akitiyaenen. Emaikina ikes torubakis etamunito akituruworit akoloŋit kaŋ ŋina a Sabato ŋina asegan.

Ŋilep. 23:2

“Tolimok Ŋisirael ebe, ‘Erae ŋasuban nu ŋuna Ekapolon, ŋuna emaikina itiyaeneneo kaapei, ŋuna emaikina kiserakinae lotuŋa erae ŋuna esegak. Erae nu ŋasuban ŋuna atubunit ayoŋ kitiyae.

Ŋilep. 23:21

Akoloŋin ŋin, emaikina kiserata ŋakiro ŋuna a ŋasuban, tocunakinos iwapei kilipa irae ŋulu asegak; nyilot loticisyo kus akitiya. Erae ŋun ŋakiro ŋuna etubunitoe ŋuna a ŋikaru ka ŋikaru ananyameta kus a daadaŋ ka aneni daadaŋ iboiyoto iyes.

Ŋilep. 23:37

“‘Erae ŋasuban ŋun ŋuna etubunit Ekapolon, ŋuna emaikina iyes kinumunuma icunakinosi irae ŋulu asegak, apaki ŋina iyauniata neni ke Ekapolon ŋainakineta ŋuna epeyo. Ŋainakineta ŋuna epeyo, ŋuna a ŋikinyom, ŋamuronisya ka ŋainakineta ŋuna a ŋimaten, emaikina yaunae ŋainakineta ŋun edoli akoloŋit ŋina itemokinitoe aŋuna kec.

Naum 1:15

Kiirasi iyes ŋituŋa a Yudaya, adolu alokidiama ŋimoru ekiyakia ŋolo eyaunit ŋakiro ŋuna ajokak, iserae iŋes ŋuna ke ekisil. Iyes ŋituŋa a Yudaya, kinumunuma ŋasuban kus, kisiyookisi ŋakikoŋieta kus, anerae nyikiremete nabo iyes ŋimoe kus, adaun amunyar ikes jik.”