Ŋilep. 23:27 - Ebaibul

²⁷ “Ani edoli ŋirwa ke elap ŋitomon, elap ŋolo a ŋikanikaarei, erae akoloŋit ŋin ŋina itiyaere amooki. Tocunakinos iwapei irae ŋulu asegak, kiredakisi akiron ka yaasi ainakinet ŋina epeyo neni ke Ekapolon.

Ŋilep. 23:27 Iomraidhean Croise

Esir 8:21

Abu nai ayoŋ olimu atemar kiredakinae akiron anaŋolol Aapa, emika ŋawat kosi alokiŋaren Akuj kosi ibore ŋini ecamito ka eŋita iŋes ikiyok isua analosit kosi kaapei ka ŋidwe kosi ka a ŋuna a ŋiboro a daadaŋ ŋulu ikiyakar isua,

Ŋikiru. 35:13

Nai apaki ŋina adyakatar ikes, abu ayoŋ onap ŋilowi ŋulukigworet egwor aŋuna kec, ido abu etiditeun bon eredak akiron ka elip ejuurui,

Awos. 30:10

Alotooma ekaru, emaikina Aron kitiya akitiyaet apei bon a Namuroet a ŋin etal ŋolo ka alemar ŋasecisya. Emaikina iŋes kiosak neni esibit ŋamomwar a Namuroet ŋaokot a ibarasit a ŋini eyaunitae aŋuna ka alemarya asecit. Emaikina kitiyae a ŋolokaru a nanyameta a daadaŋ. Emaikina Namuroet ŋin erae ŋina italeunitoe aŋuna kaŋ a Ekapolon.”

Isa. 58:5

Itamete iyes erae ŋin akiredakin akiron ŋina acamit ayoŋ a? Itiditeuna iyes alotooma akoloŋit apei bon a? Acamit mono ayoŋ akijurur a ituŋanan esibit eoot ŋolo isijuurui ekuwuam a? Acamit mono ayoŋ akiper kus aloguniyae ka alokurono a? Erae mono ibore ŋin akiredanakin akiron a? Erae mono ŋin akoloŋit ŋina italakarit Ekapolon a?

Ŋilep. 16:11

“Elemuni Aron emoŋ erae ainakinet aŋuna ka asecit keŋ, ido tomookun elope bon ka tomooku ŋituŋa a ekal keŋ. Eari iŋes emoŋ ŋol aŋuna ka asecit keŋ.

Ŋilep. 16:15

“Ani irikakin ŋun, elemuni iŋes ekoroe ŋolo erae ainakinet aŋuna ka asecit a ŋituŋa, toar ya ŋaokot yaaye anaŋga, kisitiya lopite ŋolo abunio kisitiyaa ŋuna ke emoŋ: kipakak kiŋaren akibois ŋina ka akisyonio ka kiŋaren Asaduku ŋina ka Acamunet.

Ŋilep. 16:16

Alopite a ŋol, emookuni iŋes akibois ŋina Asegan nooi ŋin, aŋuna abunio toruwor ŋina apotu Ŋisirael kituruwosi ŋina itoroniyaritae aŋuna etoroniyaritere ikes ka aŋuna ka aŋecanut kec ta aŋuna a ŋasecisya a daadaŋ aŋuna etiyato ikes. Emaikina Aron tomooku eema ŋolo ilipere daŋ, eema ŋolo eyai kidiŋ alomar kec a ŋulu itoroniyaritae.

Ŋilep. 16:24

Emaikina iŋes kiloŋar anakibois a ŋina asegan, ido tonap ŋilowi keŋ ŋulu sek enapenene. Tolomu nai kiŋa inak Ekapolon ainakinet keŋ ŋina epeyo ka ainakinet a Ŋisirael ŋina epeyo. Tomookun bon ka tomooku ŋituŋa.

Ŋilep. 23:26

Tema Ekapolon neni a Moses,

Ŋilep. 23:28

Nyitiyata etic edio akoloŋit ŋin daadaŋ, anerae erae akoloŋit ŋin ŋina itiyaere amooki, akoloŋit ŋina ikimookunere iyes alokiŋaren Ekapolon Akuj kus.

Ŋilep. 25:9

Ani edaun ŋul, edoli ŋirwa ŋitomon, elap ŋolo a ŋikanikaarei, akoloŋit ŋina itiyaere amooki, emaikina iyes tokutakis ŋabureryaŋae a ŋimeesekin anakwap kus a daadaŋ.

Sakar 12:10

“Elelebikini ayoŋ neni a ŋipapae a Daudi ka ŋituŋa ŋuluce ŋulu a Yerusalem etau ŋolo ka akisyon ka ŋolo ka akilip. Iŋoliunete ikes neni kaŋ a ŋolo apotu ikes kicuma, igworete ikes aŋuna kaŋ lopite ŋolo igworor ituŋanan aŋuna a ikoku a ŋini sek arae ipei bon. Iyaloloŋete ikes aŋuna keŋ nooi, lopite ŋolo iyaloloŋio ituŋanan ikoku ŋini erae ikiyae.

Ŋitic. 27:9

Ikwapei abunio apaki ŋina alalan tolunyar ka aris kelunyar apaki ŋina ka akikany akimuj, togogoŋior alosit ka ameeli, anerae aapuunit apaki ŋina ejoŋoere alosit a ŋameeli. Tolimok Paulo ŋituŋa ŋakiro ŋuna eŋarakinak tema,

Yak. 4:9

Kiyaloloŋo aŋuna ke epite kus a ŋolo ka aseconu, kiluurwoto ka kigworo! Kilocokisi akiena kus toruwor akigworo ka alakara kus toruwor akiyaloloŋ!