Ŋilep. 23:11 - Ebaibul

¹¹ Emaikina esacaradoti kikyaa ŋaraito ŋun alokiŋaren Ekapolon, ikotere iyes iruwor ŋulu ikicamunit Ekapolon; emaikina iŋes kikyaa ŋaraito ŋun akoloŋit ŋina esyaunan kelunyar Sabato.

Ŋilep. 23:11 Iomraidhean Croise

Awos. 28:38

Emaikina enapit Aron akaparaparat ŋin aloreet keŋ. Adyakaret daadaŋ ŋina eyakaun nainakineta ŋuna adaut Ŋisirael akitaleun ainakin ayoŋ, eruwor nakou ka Aron. Eruwor adyakaret ŋinaruba aneni ka Aron, nai Ŋisirael ŋuluce eruwor ŋulu italakarito Ekapolon.

Awos. 29:24

kiwuak ŋiboro ŋul daadaŋ nakan ka Aron ka nakan a ŋidwe keŋ a ŋulusapa, kikyaa kidiama iinakini ikes, toruworos ainakinet ŋina ikyaaritae alokiŋaren Ekapolon.

Ŋilep. 10:14

Nai atorobu ka amuro ŋinerin ŋulu ikiyaanaryo, emaikina iyoŋ ka ŋidwe kon ŋulusapa tonyama kaapei ka ŋapesur anakibois a daadaŋ a ŋina italeunitoe, anerae adaun atyakakin ŋinerin ŋul neni kon ka ŋidwe kon anainakineta a ŋuna ke ekisil a ŋuna eyaunete Ŋisirael.

Ŋilep. 23:10

“Tolimok Ŋisirael ebe, ‘Ani ilomarete iyes nakwap ŋina alosi ayoŋ ainakin iyes, ido tolema ŋikinyom ŋulu itaete iyes, emaikina iyes yaut neni ke esacaradoti ŋaraito ŋuna ilemunete iyes a nen ekiŋaren.

Ŋilep. 23:12

Akoloŋit ŋina ikyaarere ŋaraito kus, emaikina iyes toara imesek ŋini erae apolou keŋ ekaru epei, ŋini emam neni eŋwalit; toruwor amuronot neni ke Ekapolon ŋina epeyo.

Ŋilep. 9:21

Tolemu Aron ŋatorobwo ka ŋamuroi ŋuna aloteten ŋuna a ŋibaren a ŋul, kikyaa kidiama ikwapei ainakinet ŋina ikyaaritae alokiŋaren Ekapolon, lopite ŋolo ecikitor Moses iŋes.

Rus. 1:22

Epite ŋol iŋes aboŋunio Naomi alo Moab kaapei ka Rus nateran keŋ ŋina arae a Amoabit. Todolut ikes Betelem apaki ŋina esyakinere akilem ŋikinyom ŋulu ikote erau.