Ŋilep. 22:9 - Ebaibul

⁹ Emaikina ŋisacaradotin kirica ŋakiro kaŋ, ikotere nyeruwor ŋulu iilit, ido totwaka anakibois a ŋina asegan aŋuna emunaaryata akibois ŋin. Arae ayoŋ Ekapolon ŋolo abu eturuwo ikes ŋulu esegak.

Ŋilep. 22:9 Iomraidhean Croise

Awos. 28:43

Emaikina Aron ka ŋidwe keŋ ŋulusapa tonapa ŋilowi ŋul ŋapakio daadaŋ ŋuna elomaryata ikes tooma Eema ŋolo iryamununosi ikes; kori ŋapakio ŋuna eapiyaryata ikes Namuroet elosete akitiya anakibois a ŋina Asegan. Erae ŋun ikotere nyebu asecenu nen, ido totwaka ikes aŋuna eleryoto. Emaikina ŋun toruwor etal ŋoloruba aneni ka Aron ka ŋiletok keŋ.”

Ŋilep. 16:13

Emaikina iŋes kiwuak ekinyate ŋol nakim alokiŋaren Ekapolon, ikotere toburusiya apuru ke ekinyate nakibois ŋina ka akisyonio ŋina eyai kidiama Asaduku ŋina ka Acamunet, erae ŋun akiretakinia iŋes nyetwana.

Ŋilep. 16:2

Tema Ekapolon neni a Moses, “Tolimok lokaato kon Aron atemar nyeloma adiopaki nakibois ŋina asegan nooi, nyeloma yaye anaŋga kiŋaren ekicoloŋ ŋolo ka akisyonio ŋolo eyai kidiama Asaduku ŋina ka Acamunet, ani kebu nen, etwani, anerae atakanuni ayoŋ alodou omin kidiama ekicoloŋ ŋol.

Ŋilep. 18:30

Kiwuapa ŋuna abala ayoŋ, ido nyitiyata asiilyo ŋin ŋina apotu ŋituŋa a nen kitiya eriŋa iyes nyedolo nen. Nyimunaarosi anasiilyo a ŋin. Arae ayoŋ Ekapolon Akuj kus. ’”

Ŋilep. 22:16

inak ikes aryamun akiilit ŋina itelemuni ikes ainakinet ŋina ka akiilit aŋuna anyamyata ŋainakineta ŋuna asegak. Arae ayoŋ Ekapolon, ŋolo abu eturuwo ikes ŋulu esegak.’ ”

Ekim. 18:22

Ameun tokona, nyecamakinitae Ŋisirael ŋuluce eapiyarete loeema ŋolokilipet, ani kitiyata ikes ŋun, esecete ka etwakete.

Ekim. 18:32

Nyikitoroniaryo iyes kitiyata ŋun, anerae iinakis iyes neni ajokan nooi a ŋainakineta a ŋun neni ke Ekapolon. Nyemaikina iyes tomunaasi ŋainakineta a Ŋisirael ŋuna asegak, ani kitiyata iyes ŋun itwakete.’ ”

Mat. 23:17

Iyes ŋibaŋaanotin ŋulu imudukaka! Nyo epol, egolid kori Akai ka Akuj ŋina iteseguni egolid?

Ŋikis. 11:1

Aŋun, emaikina iyes tominas Ekapolon Akuj kus, kitiyata jwi jwi ŋuna elimunit iŋes, ŋuna etubunit iŋes, ŋikisila keŋ ka ŋakiciketa keŋ.