Ŋilep. 22:4 - Ebaibul

⁴ Ani keyai ipapait ka Aron idio ŋini eyakar edeke ŋolo ka amuny a akuwan, kori ibore idio anakuwan, nyemaikina iŋes tonyam ŋainakineta ŋuna asegak ŋun, akitodol ŋina italeunere. Eruwor daŋ iŋes ŋini itoroniyaritae erae ketapakin ibore idio ŋini kebu totapakin neni a ituŋanan a ŋini etwanit, kori ketapakin neni a ituŋanan a idio ŋini kebukuno ŋaokot ŋuna ka aur,

Ŋilep. 22:4 Iomraidhean Croise

Ŋilep. 11:39

“‘Ani ketwana etyaŋ edio ŋolo emaikina sek iyes tonyama, ido totap ituŋanan idio etyaŋ ŋol, eruwor ituŋanan ŋin ŋini itoroniyaritae akitodol eboŋ.

Ŋilep. 15:17

Ibore daadaŋ ŋini kepotu ŋaokot ŋun pena kerae elou, kori ejamu emaikina kilotarae, ido erubakini erae ŋini itoroniyaritae akitodol eboŋ.

Ŋilep. 2:10

Tosodi nai akimuj ŋinace ŋina idoŋit, emaikina kidoŋ erae ŋina ka Aron ka ŋidwe keŋ ŋulusapa. Erae ainakinet ŋina a ŋikinyom ŋin ŋina asegan nooi ŋina epeyo aŋuna ke Ekapolon.

Ŋilep. 2:3

Tosodi nai ŋikinyom ŋuluce ŋulu idoŋito anainakinet, emaikina kidoŋo erae ŋulu ka Aron ka ŋidwe keŋ ŋulusapa. Erae ainakinet ŋina ŋikinyom ŋina asegan nooi ŋina epeyo aŋuna ke Ekapolon.

Ŋilep. 21:1

Tema Ekapolon neni a Moses “Tolimok ŋisacaradotin, ŋidwe ka Aron ŋulusapa ebe, ‘Mam esacaradoti emaikina tomunaar bon aŋuna elosyo neni eyai iyenet keŋ ŋini etwanit,

Ŋilep. 21:22

Epedori ipapait ŋin akinyam akimuj ka Akuj ŋina asegan nooi, kaapei ka ŋamuja ŋunace ŋuna asegak.

Agai 2:13

Kiŋit nai Agai ikes tema, “Ani mono ketap ituŋanan ŋini etapit ituŋanan ŋini etwanit apei a ŋamuja a ŋun, eruwor mono akimuj ŋin ŋina nyitaleoritae a?” Toboŋokis ŋisacaradotin temasi, “Ee, eruwor ŋina nyitaleoritae.”

Ekim. 18:19

Ŋainakineta ŋuna asegak daadaŋ ŋuna einakinete Ŋisirael neni ke Ekapolon, akainak ayoŋ iyoŋ ka ŋidwe kon ŋulusapa ka ŋulupesur, erae ainakinet ŋina emaikina iyes toryamut erae ŋina kus ŋikaru ka ŋikaru. Erae ŋun Acamunet ŋinaruba alokiŋaren Ekapolon, ŋina emaikina iyoŋ ka ŋiletok kon kiwuapa.”

Ekim. 18:9

Erae ŋainakineta ŋuna asegak nooi ŋuna nyicunyaryo anamuroet nu ŋuna kon: Ŋainakineta daadaŋ ŋuna akainakinete Ŋisirael ayoŋ ikwapei ŋuna asegak nooi, kerae aŋuna a ŋikinyom, ŋainakineta aŋuna ka asecit ka ŋainakineta aŋuna ke ekaile, erae ŋainakineta ŋun ŋuna kon ka ŋuna a ŋidwe kon a ŋulusapa.

Ekim. 19:20

Ituŋanan daadaŋ ŋini itoroniyaritae, ido nyitaleun, emaikina ituŋanan ŋin totyakarae anatukot aŋuna amunaarya iŋes eema ŋolo ke Ekapolon, anerae nyewuatakina iŋes ŋakipi ŋuna italeere ŋituŋa, aŋun, itoroniyaritae iŋes.