Ŋilep. 22:21 - Ebaibul

²¹ “‘Ani keyau ituŋanan idio ainakinet ŋina ke ekisil neni ke Ekapolon, ŋina erae akisiyookinio ŋuna ikoŋit iŋes, kori ainakinet keŋ a ilope ŋina elemunit iŋes anacamit keŋ, ŋina elemunit iŋes anaatuk, kori anakinei, ecamunio erae kejok ka kemam neni eŋwalit.

Ŋilep. 22:21 Iomraidhean Croise

Akisy. 28:20

Kikoŋ Yakob a nen tema, “Ani kikiruki Akuj ka ayoŋ, ido ekeyok ayoŋ analosit a na, okoinak ayoŋ akimuj onyam ka ŋilowi onap,

Ŋikiru. 50:14

Inakisi Akuj ŋamuronisya ŋuna ka alakara neni keŋ, ido kisiyookisi ŋuna ipotu iyes kikoŋo neni ka Akuj a ŋina alokidiama nooi.

Awos. 35:29

Apotu Ŋisirael daadaŋ ŋikilyok ka ŋaberu, ŋulu acamito alotai kec akitiya ŋuna abu Moses kicik ikes akitiya, yaut ŋainakineta kec neni ke Ekapolon emam akitiŋakinit.

Ŋakit. 7:14

“Ikiyakar ayoŋ kai kaŋ amuronot ŋina a ekisil, esiyookini ayoŋ nakoloŋit na ŋuna adau akikoŋ.

Ŋilep. 22:22

Ibarasit daadaŋ ŋini emudukana, kori ŋini ewanan, kori itelitoe, kori ŋulu etuboritae iwace anakuwan keŋ, kori ŋini ipi akuwan, kori ŋini eyai emitina, nyemaikina iyes inakis erae ainakinet neni ke Ekapolon, kori kiwuakis kidiama namuroet erae ainakinet ŋina epeyo aŋuna ke Ekapolon.

Ŋilep. 3:1

Ani kerae ainakinet amuronot ŋina ke ekisil, ido tolemu ituŋanan ibarasit alosipan, kerae ŋinimoŋ, kori ŋiniberu, emaikina ituŋanan ŋin yau neni ke Ekapolon ibarasit ŋini ajokan, ŋini emam neni eŋwalit.

Ŋilep. 3:6

Ani kerae ainakinet neni ke Ekapolon amuronot ŋina ke ekisil, ido tolemu ituŋanan alosipan a ŋamesekin keŋ, ibarasit ŋinimoŋ, kori ŋiniberu emaikina erae ŋini ajokan ŋini emam neni eŋwalit.

Ekim. 15:3

ido inakis neni ke Ekapolon ainakinet ŋina epeyo ŋina elemunitae alosipan a ŋaatuk, kori alosipan a ŋamesekin, kerae ainakinet ŋin ŋina epeyo, kori amuronot aŋuna ka akisiyookin akikoŋet, kori ainakinet ŋina elemunit ituŋanan ka acamit keŋ, kori aŋuna a ŋasuban a ŋuna etubunitoe;

Ekim. 15:8

Ani ilemunete iyes emoŋ erae ainakinet neni ke Ekapolon ŋina epeyo, kori amuronot aŋuna ka akisiyookinio akikoŋet, kori erae ainakinet ŋina ke ekisil,