Ŋilep. 22:2 - Ebaibul

² “Tolimok Aron ka ŋidwe keŋ ŋulusapa kisitiyata ejok ŋainakineta ŋuna asegak ŋuna eketaleikinito Ŋisirael ayoŋ, ikotere nyemunaasi ekiro kaŋ ŋolo asegan. Arae ayoŋ Ekapolon.

Ŋilep. 22:2 Iomraidhean Croise

Esir 8:28

Tosodi abu ayoŋ olimok ikes otema, “Ikitaleoritae iyes neni ke Ekapolon, italeoritae tari ŋiboro ŋulu isitiyao alo Kai ka Akuj, ido erae esilipa ka egolid ŋainakineta ŋuna elemunitae aŋuna ke Ekapolon Akuj atapapaa kus.

Awos. 13:12

emaikina iyes totyakasi aŋuna ke Ekapolon, ŋikiyae daadaŋ ŋulu a ŋibaren kus ŋulu erae ŋimoŋin, emaikina ŋul toruwor ŋulu ke Ekapolon.

Awos. 28:38

Emaikina enapit Aron akaparaparat ŋin aloreet keŋ. Adyakaret daadaŋ ŋina eyakaun nainakineta ŋuna adaut Ŋisirael akitaleun ainakin ayoŋ, eruwor nakou ka Aron. Eruwor adyakaret ŋinaruba aneni ka Aron, nai Ŋisirael ŋuluce eruwor ŋulu italakarito Ekapolon.

Isa. 52:11

Torotokisi, torotokisi toloto a nen! Nyitapa ibore idio ŋini itoroniyaritae, toloto aneni eya ŋiboro ŋulu itoroniyaritae, kitaleutu ŋawat kus iyes ŋulu iyakatar ŋiboro ŋulu ke Ekapolon.

Esek. 44:8

Akilo iyes akitiya ŋiticisyo kus ŋulu a ŋitalyo kaŋ alo Kai kaŋ, iwuakis iyes ŋituŋa ŋulugelaanotin apolokin Akai kaŋ.

Ŋilep. 15:31

“‘Alopite a ŋol, iyokiuni iyoŋ Ŋisirael erae ŋulu nyitoroniyaritae ikotere nyetwaka erae ŋulu itoroniyaritae aŋuna ka amunaar eema kaŋ ŋolo eyai kidiŋ kec.’ ”

Ŋilep. 18:21

Nyipotosi idio alodwe kus erae amuronot neni a akuj a ŋina enyaritae Molek, erae ŋun akiyanya ekiro ŋolo ka Akuj kus. Arae ayoŋ Ekapolon.

Ŋilep. 19:12

Nyikoŋo alokiro kaŋ akidiŋ, ido a nen kiyenya ekiro ka Akuj kus. Arae ayoŋ Ekapolon.

Ŋilep. 20:3

Aŋoikini ayoŋ ituŋanan ŋin, ido eritari ayoŋ ituŋanan ŋin alotuŋa keŋ, anerae anainakin iŋes ikoku keŋ neni a Molek, adau iŋes amunaar akibois kaŋ ŋina asegan ka eyany ekiro kaŋ ŋolo asegan.

Ŋilep. 21:6

Emaikina ikes erae ŋulu esegak aneni ka Akuj kec, ido nyemaikina ikes kiyanya ekiro ka Akuj kec, anerae ikes eayeneneete neni ka Akuj ŋainakineta ŋuna epeyo, akimuj ŋina ka Akuj kec, aŋun, emaikina ikes erae ŋulu esegak.

Ŋilep. 22:1

Tema Ekapolon neni a Moses,

Ŋilep. 22:32

Nyemaikina iyes tomunaasi ekiro kaŋ ŋolo asegan. Emaikina ayoŋ akacamunito ŋituŋa kaŋ Ŋisirael arae ŋolo aseg. Arae ayoŋ Ekapolon, ŋolo abu eketuruwo iyes ŋulu isegak.

Ekim. 18:32

Nyikitoroniaryo iyes kitiyata ŋun, anerae iinakis iyes neni ajokan nooi a ŋainakineta a ŋun neni ke Ekapolon. Nyemaikina iyes tomunaasi ŋainakineta a Ŋisirael ŋuna asegak, ani kitiyata iyes ŋun itwakete.’ ”

Ŋikis. 15:19

Emaikina iyes kitaleiyosi aŋuna ke Ekapolon ŋikiyae ŋulumoŋin a ŋamesekin kus, kori a ŋamee kus, nyisitiyata emoŋ kus ŋolokiyae aŋuna a etic adio, kori nyitubo ŋajul a ŋikiyae a ŋamesekin kus.