Ŋilep. 21:15 - Ebaibul

¹⁵ Erae ŋun ikotere nyeruwor ŋidwe keŋ ŋulu ejamuwaritae alotuŋa keŋ. Arae ayoŋ Ekapolon, ŋolo abu eturuwo iŋes ŋolo eseg.’ ”

Ŋilep. 21:15 Iomraidhean Croise

Akisy. 18:19

Nyemunoni, anerae adau ayoŋ aseun iŋes ikotere iciki ŋidwe keŋ ka ŋituŋa a ekal keŋ ŋulu iwuapete iŋes, kiwuapa erot ŋolo ke Ekapolon anakitiya ŋuna iyookino ka ŋuna ecamakinitae; ikotere nai isiyookini Ekapolon ŋuna adau akiikin Aburaam.”

Esir 2:62

Apotu ŋul kiwara ŋirorwa kec lokitaaboi ŋulu egiritae ŋirorwa a ŋiletok a Ŋisirael daadaŋ, nai aponi nyeryamun ŋirorwa kec alokitaaboe a ŋul, aŋun, aponi nyimarakin ikes nasacaradotanu, temarae nyesegak ikes,

Esir 9:2

anerae eitununut ikes ŋidwe ŋulupesur ŋulu a ŋituŋa a ŋul ikwapei ŋaberu kec ka ŋaberu a ŋidwe kec a ŋulusapa. Aŋun, enyalakin ŋituŋa ŋulu asegak ŋulu ka Akuj ka ŋituŋa a ŋakwapin, ido anamamukau akikinyomit Akuj arikokis ŋikapolokinitok ŋituŋa akitiya ŋakiro ŋun.

Awos. 34:16

Ani kicamunosi ka ikes, ipedorete iyes akiitakin ŋidwe kus ŋulusapa ŋidwe kec ŋulupesur, tosodo ŋidwe kec ŋulupesur ŋulu ilipete ŋakujo kec, kituruwosi ŋidwe kus ŋulusapa ŋulu ilipete ŋakujo a ŋaberu kec.

Ŋilep. 19:2

“Tolimok Ŋisirael daadaŋ ebe, ‘Toruworos ŋulu asegak, anerae aseg ayoŋ Ekapolon Akuj kus.

Ŋilep. 20:7

Aŋun, kitaleunos, toruworos ŋulu isegak, anerae arae ayoŋ Ekapolon Akuj kus.

Ŋilep. 21:14

Nyemaikina iŋes kiit apuserut, kori aberu ŋina elakitae, kori aberu ŋina sek iryamakina ka ekile, kori amalaat, nai emaikina kiit aberu ŋina sek nyiryamakina ka ekile, ŋina erae ŋina alotuŋa keŋ.

Ŋilep. 21:16

Tema Ekapolon neni a Moses,

Ŋilep. 21:8

Emaikina iyes kitopoloorito ŋisacaradotin erae ŋulu esegak, anerae ikes eayeneneete akimuj ŋina ka Akuj kus. Kitopoloorito ikes erae ŋulu esegak, anerae ayoŋ Ekapolon ŋolo eketuruwonori iyes ŋulu isegak, arae ŋolo aseg.

Ŋilep. 22:16

inak ikes aryamun akiilit ŋina itelemuni ikes ainakinet ŋina ka akiilit aŋuna anyamyata ŋainakineta ŋuna asegak. Arae ayoŋ Ekapolon, ŋolo abu eturuwo ikes ŋulu esegak.’ ”

Mal. 2:11

Adaun anupit a lotuŋa a Yudaya, ido etiyae aronis alo Isirael ka alo Yerusalem, anerae ajamuwasi ŋituŋa a Yudaya akibois ŋina asegan ŋina ke Ekapolon, akibois ŋina emina Ekapolon. Adaut ŋikilyok akiitun ŋaberu ŋuna ilipete ŋakujo ŋunagelae.

Mal. 2:15

Pa mono abu Akuj ikituruwo iyoŋ ka iŋes akuwan apei ke etau epei a? Kaanukiro ikituruworya iŋes iyes ŋipei? Arae aŋuna acamitor Akuj iyes touruut ŋidwe ŋulu itopoloorit iŋes. Aŋun, toripiripas make, ido nyemaikina idio alokidiŋ kus eesikini akikinyomit aberu keŋ ŋina abu iŋes kiit eriŋa erae esorokit.

Mat. 23:17

Iyes ŋibaŋaanotin ŋulu imudukaka! Nyo epol, egolid kori Akai ka Akuj ŋina iteseguni egolid?

Ŋirom. 11:16

Ani keinakin Akuj anyilet ŋina ke ekiŋaren anamugati, erae nai amugati daadaŋ ŋina keŋ ka ani keinakin Akuj ŋataagor ŋuna ke ekitoe, erae ŋaten daŋ ŋuna keŋ.

1 Ŋikor. 7:14

Anerae ecamunit Akuj iŋes aŋuna ka akimorikina ka aberu keŋ. Aberu ŋina nyerae Akristoit daŋ ecamunit Akuj aŋuna ka akimorikina ka ekile ŋolo Kristoit. Kerae nyikote nen, kikote ŋidwe kec ŋulu a ŋituŋa a ŋulu nyenupito Akuj; nai ecamunit Akuj ikes.