Ŋilep. 20:9 - Ebaibul

⁹ Ani kicen ituŋanan idio papa keŋ kori toto keŋ, emaikina ituŋanan ŋin toarae, aŋuna ecenio papa keŋ kori toto keŋ, erae atwanare keŋ nakou keŋ.

Ŋilep. 20:9 Iomraidhean Croise

2 Sam. 1:16

Tema Daudi neni a ekile a ŋolo ecumyo a ŋol, “Ikicenete iyoŋ ŋaokot kon ke elope, anerae iyoŋ elope ibu tolimor bon tema, ‘Abu ayoŋ oar ekapolon ŋolo arae Ekapolon abu toseu.’ ”

1 Ŋirw. 2:32

Inyaŋari Ekapolon aneni a Yoab ŋaokot a ŋituŋa a ŋulu abu iŋes toar, anerae abu pa eyeni papa kaŋ Daudi kitiji ŋikilyok ŋiarei, toar ikes ka atum. Arae ŋuluarei ŋul Abiner lokoku Ner ŋolo arae ekarikon ka ajore anatutubet a ŋina anyaritae Isirael ka arae ŋoloce Amasa lokoku a Yeser ŋolo arae ekarikon ajore a atutubet a ŋina anyaritae Yudaya. Arae ŋuluarei ŋul ŋikilyok ŋulu ajokak ŋulu eyookino akilo Yoab.

Awos. 21:17

“Ituŋanan ŋini iceni papa keŋ, kori toto keŋ, emaikina toarae.

Ŋakit. 20:20

Ani kicen iyoŋ papa kon, kori toto kon, elomari akiyar kon locan, lopite ŋolo elemarere etaa ŋolo ecai aneni iryono cuc.

Ŋakit. 30:11

Eyakasi ŋituŋa ŋulu eminasi akicen atapapa kec, ido nyegasete toryamut atatoto kec arereŋu.

Ŋakit. 30:17

Ituŋanan ŋini ite papa keŋ ejamuwarit, ido tojamuwarite akiwuap ŋakiro a toto keŋ, editarete ŋikurukwa ŋakonyen keŋ anakadipaalat, enyamete ŋataruk akuwan keŋ.

Esek. 18:13

kidenionokini iŋes ŋuluce ŋisiliŋa aŋuna ka aryamunia ŋice, kori pa kiyatanakini ŋulu alalak; epedori ituŋanan ŋini ikoni ŋin arubakin eyari a? Nyeyari jik! Nyeyari iŋes, anerae etiya ŋakiro ŋuna ka asiilyo ŋun daadaŋ, emaikina iŋes kire jik totwan, emaikina atwanare keŋ toruwor nakou keŋ a ilope.

Esek. 22:7

Alotooma kon Yerusalem nyeriŋa ŋituŋa ekerito atapapa kec, kori atatoto kec; alotooma kon Yerusalem, iteryamunito iyes ŋigelaanotin ŋican ka isicanito iyes ŋikokyok ta ŋapuseru.

Ŋilep. 20:16

Ani kelot aberu akiryamakin ka ibarasit, emaikina iyes toara aberu ŋin ka ibarasit ŋin, emaikina ikes toarae. Erae atwanare kec nakyes kec.

Ŋilep. 20:27

“‘Ekile kori aberu ŋina emuroe, kori ŋina eyakar ŋililae, emaikina toarae. Emaikina iyes tocaka ikes a ŋamoru; erae atwanare kec nakyes kec.’ ”

Mat. 15:4

Anerae ikicikakinit Akuj atemar, ‘Tokerite papa kon ka toto kon ka ituŋanan ŋini iceni papa keŋ kori toto keŋ, itemokino totwan jik.’

Mat. 27:25

Toboŋokis ikes daadaŋ temasi, “Kimyekisi ŋaokot keŋ pena nakyes kosi ka ŋuna a ŋikosidwe.”

Mar. 7:10

Anerae abu Moses tema, ‘Kitopoloorite papa kon ka toto kon; abu nabo iŋes tema, iŋes ŋini iceni papa keŋ kori toto keŋ, itemokino totwan jik.’

Ŋikis. 27:16

“‘Ilamam ituŋanan daadaŋ ŋini nyitopoloorit papa keŋ ka toto keŋ’ Eboŋokinete ŋituŋa daadaŋ temasi, ‘Kiyookin ŋun.’

Yos. 2:19

Ituŋanan kon daadaŋ ŋini elomari kiŋa, ido toarae, eruwor atwanare keŋ nakou keŋ, meere nakyes kosi. Nai ani keari ituŋanan idio ŋini eyai tooma akai kon, eruwor atwanare keŋ nakyes kosi.

Ŋikat. 9:24

Apotu ŋun kitiyakinos ikotere inyaŋaryo aronis ŋina keponi kitiyae neni a ŋidwe a ŋulusapa a ŋulu Yerubaal a ŋulutomonikanikaarei ka amaikina ŋaokot kec toruwor nakou alokaato kec Abimelek a ŋolo aari ikes ka neni a ŋikapolok a Sekem a ŋulu apotu kisimukekis iŋes akiar ŋikaitotoi keŋ.