Ŋilep. 20:26 - Ebaibul

²⁶ Emaikina iyes irae ŋulu asegak aŋuna kaŋ, anerae arae ayoŋ Ekapolon, arae ayoŋ ŋolo aseg, ido akaseu ayoŋ iyes alotuŋa a ŋakwapin toruworos ŋituŋa kaŋ.

Ŋilep. 20:26 Iomraidhean Croise

Neem. 10:29

kimorikin ka ŋiyeneta kec ta ŋikapolok kec tocamut aryamun ŋicen erae pa kiwuap ŋikisila a Akuj ka kikoŋo akiwuap ŋikisila ŋulu ka Akuj, ŋulu ainakini Moses ŋolo arae eketiyan ka Akuj ikes ka akiwuap ejok ŋakiciketa daadaŋ ŋuna ke Ekapolon Akuj yok ka ŋikisila keŋ ka ŋakiro ŋuna etubunit iŋes.

Ŋikiru. 99:5

Kipuro Ekapolon Akuj yok; kilipa neni ke Ekapolon alokiŋaren neni ipukator iŋes. Erae iŋes ŋolo Eseg!

Ŋikiru. 99:9

Kipuro Ekapolon Akuj yok, kilipa neni keŋ alomukura keŋ a ŋolo asegan, anerae erae Ekapolon Akuj yok ŋina asegan.

Awos. 33:16

Ikokini nai ai ituŋanan idio eyenuni atemar ajokyar ayoŋ ka ŋituŋa kon aneni kon arae pa kerukor isua ka iyoŋ? Nyo eketegelaani ayoŋ ka ŋituŋa kon alotuŋa a daadaŋ a ŋulu iboiyete anakwap?”

Isa. 30:11

Nyiwuapa ŋakiro ŋuna ajokak, kimyekisi akitiya ŋuna iyookino, nyikilimonokis nabo isua ŋakiro ŋuna ka Akuj a Isirael a ŋina asegan.”

Isa. 6:3

Anyarasi ŋisubuna ŋul ebasi, “Eseg, eseg eseg Ekapolon ŋolo a ŋajoresyo, ileleba apolou keŋ akwap daadaŋ.”

Ŋilep. 11:44

Arae ayoŋ Ekapolon Akuj kus; aŋun, kitaleutu ŋawat kus, toruworos ŋulu isegak, anerae aseg ayoŋ. Nyimunaarosi anakinyam, kori anakitap ŋisubuna ŋulu elosete alokwap.

Ŋilep. 19:2

“Tolimok Ŋisirael daadaŋ ebe, ‘Toruworos ŋulu asegak, anerae aseg ayoŋ Ekapolon Akuj kus.

Ŋilep. 20:24

Nai akalimokini tokona ayoŋ iyes atemar, eruwor akwap kec ŋina kus; akainakini ayoŋ iyes toruwor ŋina irumete iyes, akwap ŋin ŋina eleleata ŋakile ka ao. Arae ayoŋ Ekapolon Akuj kus, ŋina akaseu iyes alotuŋa a ŋakwapin a ŋunace.

Ŋilep. 20:7

Aŋun, kitaleunos, toruworos ŋulu isegak, anerae arae ayoŋ Ekapolon Akuj kus.

Ŋilep. 20:8

Kiwuapa ŋakiro kaŋ ŋuna atubunit ayoŋ ka totamunito ikes. Arae ayoŋ Ekapolon ŋolo eketuruwori iyes ŋulu isegak.

Ŋikis. 14:2

anerae irae iyes ŋituŋa ŋulu asegak aneni ke Ekapolon Akuj kus, iyes ikiseu Ekapolon alotuŋa a ŋakwapin a daadaŋ aruwor ŋulu keŋ, ŋituŋa keŋ ŋulu emina iŋes nooi.

Ŋikis. 7:6

anerae irae iyes ŋituŋa ŋulu asegak aneni ke Ekapolon Akuj kus, irae iyes ŋituŋa ŋulu ikiseu Ekapolon Akuj kus alotuŋa a ŋakwapin a daadaŋ anakwap aruwor ŋituŋa keŋ a alope, ŋituŋa keŋ ŋulu emina iŋes nooi.

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

Yos. 24:19

Nai abu Yosua tolimok ŋituŋa tema, “Nyipedorete iyes akitiyanakin Ekapolon. Erae iŋes Akuj ŋina Asegan; erae iŋes Akuj ŋina alilyan. Nyisyoni iŋes ŋasecisya aŋuna ka aŋerit kus iŋes.

Akis. 3:7

“Kigir neni ke emalaika a ŋolo ka atukot a Ŋikristo alo Piladelipia atemar: “Erae nu ŋakiro ŋuna eponito aneni a ŋolo Asegan ka ŋolo erae kire, ŋolo eyakar ekipuŋguwo ŋolo ka apedor ŋina a Daudi; ekek ŋolo eŋaari iŋes, emam ŋini epedori agolokin ka ekek ŋolo egolokini iŋes, emam ŋini epedori aŋaar.

Akis. 4:8

Ayakar ŋolosubuna ŋabebenuk ŋakanikapei ŋuna eryamito ŋakonyen kiŋa ka tooma. Apaaran ka akuwar nyieŋununuyete ikes aeo ebasi, “Eseg, eseg, eseg Ekapolon Akuj ŋina etiron, ŋina arae ka erae ka ŋina ebuni.”