Ŋilep. 2:13 - Ebaibul

¹³ Nyikimuryak akiwuakin acumbi namuja kus ŋuna iyaunete iyes ikwapei ŋainakineta. Kiwuakisi acumbi namuja kus ŋuna iyaunete iyes, anerae itoodiunit acumbi acamuna kus ka Akuj kus.

Ŋilep. 2:13 Iomraidhean Croise

2 Ŋakiro a ŋirwa 13:5

Nyiyenete mono iyes atemar adau Ekapolon Akuj a Isirael anacamunet keŋ a ŋina ajik ainakin arwosiyo a Isirael neni a Daudi ka ŋipapae keŋ ŋikaru ka ŋikaru a?

Esir 7:22

nyedepasi ŋiboro ŋulu iinakinete iyes iŋes ŋakiloi ŋalipyo ŋauni ka ŋamiae ŋaomwon ŋuna ke esilipa, ŋakiloi ŋalipyo ŋatomon ŋuna akinyom a ŋulu esibito erau, ŋilitae ŋalipyo ŋaarei ŋulu ke epiini, ŋilitae ŋalipyo ŋaarei ŋulu ka akimyet a ŋina ka olipa ka acumbi daadaŋ ŋina iitana.

Awos. 30:35

Kinyalu ekinyate alomina a ŋul ŋolo ajokan, ŋolo ikwaan ka ŋolo inyalunit eketiyan ekinyate ejok. Kiwuak acumbi lokinyate ŋol, ikotere kitojok acumbi iŋes jik erae ŋolo italeuno.

Esek. 43:24

Emaikina iyoŋ ya ŋibaren ŋul kiŋaren Ekapolon, ŋisacaradotin towuatakis acumbi lobaren ŋul, ido inakis neni ke Ekapolon erae ŋainakineta ŋuna epeyo aŋuna a Ekapolon.

Ekim. 18:19

Ŋainakineta ŋuna asegak daadaŋ ŋuna einakinete Ŋisirael neni ke Ekapolon, akainak ayoŋ iyoŋ ka ŋidwe kon ŋulusapa ka ŋulupesur, erae ainakinet ŋina emaikina iyes toryamut erae ŋina kus ŋikaru ka ŋikaru. Erae ŋun Acamunet ŋinaruba alokiŋaren Ekapolon, ŋina emaikina iyoŋ ka ŋiletok kon kiwuapa.”

Mat. 5:13

“Iraakasi iyes acumbi ŋina ka akwap. Nai ani kepyaniar acumbi, itasasamunio nabo iŋes ikwaani? Eruwor ibore koŋin; aŋun, ebukoryo kiŋa, kipudata ŋituŋa.

Ŋikol. 4:6

Itemokino erwor kus jwi jwi tojok ka tobob ka itemokino iyes toyenete epite ŋolo emaikina toboŋonokinioto ŋinituŋanan ejok.