Ŋilep. 2:12 - Ebaibul

¹² Ipedorete iyes ayaun ŋakinyalet, kori ao neni ke Ekapolon erae ŋamuja ŋuna ajokak nooi, nai nyemaikina iyes yaasi ikes namuroet erae ŋuna ibasi kicunyae ebob eure aneni ke Ekapolon.

Ŋilep. 2:12 Iomraidhean Croise

Akisy. 23:17

Aŋun, apotu ŋalup a Epiron daadaŋ ŋuna aya Makipela Kide Mamure, ŋuna ayai aturukan kaapei ka ŋikito keŋ daŋ toruworos

2 Ŋakiro a ŋirwa 31:5

Ŋinapei adolioto ŋakiro ke erwosit lotuŋa, apotu Ŋisirael tolemut ŋainakineta ŋuna alalak nooi, ŋuna a ŋikinyom a ŋulu alemunete ikes ekiŋaren, epiini, akimyet, ao, ka ŋamuja ŋace daadaŋ ŋuna a ŋimanikorin kec; yaut ikes ŋainakineta ŋuna alalak nooi, yaut atutubet apei alotooma ŋitomon a ŋinibore.

Awos. 22:29

“Nyiŋero ainakin Akuj ŋainakineta ŋuna a ŋikinyom kus, kori ŋamyeta ŋuna icuyete iyes. Emaikina iyes ikiinakis ayoŋ ŋidwe kus ŋulusapa ŋulu kiyae.

Awos. 23:19

“Toseutu ŋaraito alokinyom kus a ŋulu ke ekiŋaren ŋuna ajokak, ido yaut Kai a Ekapolon Akuj kus. “Nyidorokis ikale ŋinimeot a ŋakile a toto keŋ.”

Awos. 34:22

Totamunito akitiya ŋasuban ŋuna a ŋisabito ŋuna a ŋikinyom a ŋulu ikwaan ke erau a ŋulu esyaunio alemun. Totamunito akitiya ŋasuban ŋuna idauniata iyes acunun edaun ekaru ŋikinyom ŋulu itato lomanikorin kus.

Ŋilep. 23:10

“Tolimok Ŋisirael ebe, ‘Ani ilomarete iyes nakwap ŋina alosi ayoŋ ainakin iyes, ido tolema ŋikinyom ŋulu itaete iyes, emaikina iyes yaut neni ke esacaradoti ŋaraito ŋuna ilemunete iyes a nen ekiŋaren.

Ŋilep. 23:17

Aneni iboiyoto iyes a daadaŋ, yautu ŋabopuloe ŋaarei emaikina ŋinabopulo itiyaunitae a ŋakirya a ŋuna erae ŋakiloi ŋaarei toyakas ŋakinyalet. Yautu ŋun erae ŋainakineta ŋuna ikyaaryo, anaraito a ŋuna ke ekiŋaren neni ke Ekapolon.

Ŋilep. 7:13

Emaikina ituŋanan ŋin yau ainakinet keŋ ŋina ka alakar neni ke Ekapolon kaapei ka ŋamugati ŋuna ipounitoe eya ŋakinyalet.

Ekim. 15:20

Anamuret a ŋakirya a ŋuna igeunete iyes amurakin, emaikina iyes inakis Ekapolon abopulo ŋina esyaunan. Iinakinete iyes iŋes lopite ŋolo einakinere ainakinet ŋina a ŋikinyom a ŋulu isyaunio aramun analos.

Ekim. 18:12

Akimyet ŋina ajokan daadaŋ, epiini ŋolo ajokan daadaŋ ka ŋikinyom ŋulu ajokak daadaŋ ta ŋainakineta ŋuna ajokak ŋuna einakinete Ŋisirael neni ke Ekapolon, adau ayoŋ ainakin ikes neni kon.

1 Ŋikor. 15:20

Nai kire, adaun akiteyarun Kristo alokatwak ka itoodiunito ŋun atemar iteyarunio daŋ ŋulu etwakito.

Ŋikis. 26:10

Aŋun, tokona, okoe Ekapolon ayau ayoŋ ŋaraito ŋuna esyaunak ŋuna a akwap ŋina ikiinak iyoŋ ayoŋ.” Iwuakinete nai iyes ŋainakineta kus kiŋaren Ekapolon Akuj kus, ido kijuuroto kipuro Ekapolon Akuj kus.

Akis. 14:4

Erae ikes ŋikilyok ŋulu nyiryamakina ka ŋaberu, anerae etaleoro ikes. Iwuapito ikes Imesek neni elosi daadaŋ. Aponi toiunae ikes alokidiŋ ŋituŋa ŋuluce ka erae ikes ainakinet ŋina ke ekiŋaren ŋina ainakinio neni ka Akuj ka neni a Imesek.