Ŋilep. 2:1 - Ebaibul

¹ Ani keyau ituŋanan idio ainakinet ŋina erae ŋikinyom neni ke Ekapolon, emaikina iŋes kirye yau erae ŋakirya. Emaikina iŋes kiwuak nakirya ŋun akimyet ka ekinyate,

Ŋilep. 2:1 Iomraidhean Croise

Awos. 29:2

Tolemu ŋakirya a ŋaganoi emam ŋakinyalet kitiyau ŋabopuloe ka ŋamugati igurokinit ka akimyet. Kitiyau daŋ ŋabisikotyo kiosak akimyet. Emaikina ŋun daadaŋ itiyaunitae a ŋakirya a ŋuna a ŋaganoi a ŋuna ajokak nooi.

Isa. 43:23

Nyeyauna iyes neni kaŋ ŋamesekin kus ikwapei ŋainakineta ŋuna epeyo, kori nyikitopolooro iyes ayoŋ a ŋamuronisya kus. Nyicana ayoŋ iyes a ŋainakineta, kori nyituupa ayoŋ iyes anainakin ayoŋ ekinyate.

Isa. 66:20

Eyaunete ikes ŋiyeneta kus daadaŋ anakwapin a daadaŋ erae ainakinet neni ke Ekapolon iwuokito a ŋaŋolei ka a ŋagaari a ŋuna iritae a ŋaŋolei, a ŋitak a ŋaŋolei, a ŋaŋolei-sigirya ka a ŋikaala, eyaunete ikes ŋituŋa ŋul lomukura kaŋ ŋolo asegan Yerusalem, lopite ŋolopei eyaununiata Ŋisirael ŋainakineta a ŋikinyom, a ŋiboro a ŋulu asegak Kai a Ekapolon.

Esek. 46:20

Tema ekile ŋol neni kaŋ, “Erae akibois ŋin neni ipooto ŋisacaradotin akiriŋ a ŋainakineta a ŋuna ka akiilit anasecit ka ŋuna ka asecit ta neni ipooto ikes ŋainakineta aŋuna a ŋikinyom ikotere ikes nyelomuniata ŋainakineta ŋun nalapatu ŋina alokiŋa, yaasi asegis neni a ŋituŋa.”

Yoel 1:9

Alemar ŋainakineta ŋuna a ŋikinyom ka ŋuna a ŋimaten alo Kai ke Ekapolon. Igworosi ŋisacaradotin, ŋulu erae ŋiketiyak ŋulu ke Ekapolon.

Yoel 2:14

Ŋae eyeni? Acepaki epedori Ekapolon Akuj kus akilocokin ŋatameta keŋ, ikiterereŋ iyes nooi ikiinak ŋikinyom ka ŋimaten; topedosi nai iyes ainakin iŋes ŋikinyom ka ŋimaten.

Ŋilep. 14:10

“Ani epete ŋirwa ŋikanikauni, emaikina iŋes tolemu ŋikaalei ŋulumoŋin ŋiarei ka ikale ipei ŋiniberu ŋinimesek. Emaikina ŋikaalei ŋul emam neni eŋwalito ka nyedeparit apolou kec ekaru epei, tolemu daŋ ainakinet ŋina a nyikinyom ŋina erae ŋakiloi ŋauni ŋuna a ŋakirya a ŋuna iguritoe ka akimyet a ŋina nyetalitae a atutubet apei alotooma ŋauni a elita.

Ŋilep. 24:7

Aŋololain a ŋamugati, kiwuakisi ekinyate ŋolo ajokan, ikwapei ainakinet aŋuna ka akimuj ka ainakinet neni ke Ekapolon ŋina epeyo.

Ŋilep. 5:11

Ani pa kepedo ituŋanan ŋin aryamun ŋakuryo ŋaarei, kori ŋatemeleudi ŋaarei, eyauni iŋes akilo a ŋakirya apei toruwor ainakinet aŋuna ka asecit keŋ. Nyemaikina iŋes kiwuak nakirya ŋun akimyet, kori ekinyate, anerae erae ainakinet aŋuna ka asecit.

Ŋilep. 6:7

Alopite a ŋol, emookuni esacaradoti ituŋanan ŋin anasecit keŋ alokiŋaren Ekapolon, ido isyonio ituŋanan ŋin anakiro a daadaŋ a ŋuna abu iŋes kitiya toruworor ŋini esecit.”

Ŋilep. 9:17

Abu daŋ iŋes yau ainakinet ŋina a ŋikinyom, tomuk ŋakirya ŋuna eleleba akan, ido kicuny alokidiama namuroet, kiyatak neni a ŋainakineta a ŋuna epeyo a ŋinataparacu.

Ŋilep. 9:4

Tolemutu emoŋ ke emesek erae ainakinet ŋina ke ekisil ŋina earyo alokiŋaren Ekapolon; yautu ŋainakineta ŋuna a ŋikinyom imorikinitae ka akimyet, anerae ebuni Ekapolon neni kus nakoloŋit na.’ ”

Mal. 1:11

Itopoloorete ŋituŋa a ŋakwapin ekiro kaŋ taparacu ka eboŋ. Alotooma ŋinakibois daadaŋ, eyaunete ŋituŋa ekinyate ka ŋainakineta ŋuna ajokak neni kaŋ, anerae epol ekiro kaŋ anakwapin.

Ekim. 18:9

Erae ŋainakineta ŋuna asegak nooi ŋuna nyicunyaryo anamuroet nu ŋuna kon: Ŋainakineta daadaŋ ŋuna akainakinete Ŋisirael ayoŋ ikwapei ŋuna asegak nooi, kerae aŋuna a ŋikinyom, ŋainakineta aŋuna ka asecit ka ŋainakineta aŋuna ke ekaile, erae ŋainakineta ŋun ŋuna kon ka ŋuna a ŋidwe kon a ŋulusapa.

Ekim. 28:5

emaikina inakinae ŋinikale kaapei ka ainakinet ŋina a ŋikinyom ŋina erae akilo apei ŋina a ŋakirya iguritoe a akimyet a ŋina ajokan a ŋina erae elita epei.

Ekim. 29:18

Emaikina daŋ yaut ŋainakineta ŋuna a ŋikinyom ka ŋuna a ŋimaten aŋuna a ŋimoŋin ka aŋuna a ŋimeesekin ta aŋuna a ŋinikale lopite ŋolo elimunitere alokisil aŋuna a ekimar kec.

Ekim. 7:13

Ŋainakineta keŋ ikes nu: Asaani apei ŋina etiyaunitae ke esilipa ŋina arae apotis keŋ apei kilo ka atutubet, abesen ŋina etiyaunitae a esilipa ŋina aapiyarit apotis keŋ akilo apei. Epimitae ŋiboro ŋul alotyae a ŋicekelya a ŋulu ecamunito ŋituŋa daadaŋ isitiyao anakibois a ŋina asegan. Elelebikinitae nasaani ka nabesen ŋakirya ŋuna ajokak ŋuna eguritoe ka akimyet, arae ŋin ainakinet ŋina a ŋikinyom,

Ekim. 7:19

Ŋainakineta keŋ ikes nu: Asaani ŋina etiyaunitae a esilipa ŋina arae apotis keŋ apei kilo ka atutubet, abesen ŋina etiyaunitae a esilipa ŋina aapiyarit apotis keŋ akilo apei, epimitae ŋiboro ŋul alotyae a ŋicekelya a ŋulu acamunito ŋituŋa daadaŋ isitiyao anakibois a ŋina asegan, elelebikinitae nasaani ŋakirya ŋuna ajokak ŋuna eguritoe ka akimyet, arae ŋin ainakinet ŋina a ŋikinyom,

Ekim. 8:8

Ekaku emaikina ikes tolemut etaok kaapei ka ainakinet ŋina a ŋikinyom ŋina erae ŋakirya ŋuna ajokak nooi ŋuna iguritoe ka akimyet, ido tolemu nabo iyoŋ etaok ece erae ainakinet aŋuna ka asecit.

Yoa. 6:35

Tolimok Yesu ikes tema, “Arae Ayoŋ akimuj ŋina ka akiyar. Ŋini enyami akimuj ŋin, nyenyami akoro jik ka ŋini akanupi ayoŋ, nyenyami akure jik.

1 Yoa. 2:20

Nai ikiinak iyes Kristo Etau ŋolo Asegan ka iyenete iyes daadaŋ ŋun.

1 Yoa. 2:27

Nai aŋuna kus, adau Kristo ainakin iyes Etau keŋ. Ani ca kiboi Etau keŋ alotooma kus, nyiitanito iyes ituŋanan idio ikitatam iyes. Anerae ikitatami iyes Etau keŋ ŋakiro daadaŋ ka ŋuna itatami iŋes erae ŋuna a kire, meere alyokonu. Kiwuapa nai akitatam ŋina ke Etau keŋ ka kiboiyoto kaapei ka Kristo.

Yud. 1:20

Nai iyes ŋikaitotoi ŋulu minan, torubakisi ipoloete ananupit a ŋina asegan akilo; torubakisi ilipeneneete alotooma Etau ŋolo Asegan.

Akis. 8:3

Abu emalaika ece ŋolo ayakar abakule ŋina etiyaunitae a egolid, ŋina ecunyeneneere eminae ŋolo ke ekinyate, bu towo alokiŋaren Namuroet. Aponi inakinae iŋes eminae ŋolo ke ekinyate ŋolo alalan, kimorikin ka ŋakilipasinei ŋuna a ŋituŋa a ŋulu ka Akuj a daadaŋ, ya Namuroet ŋin ŋina etiyaunitae a egolid ŋina ayai kiŋaren ekicoloŋ.