Ŋilep. 19:7 - Ebaibul

⁷ Ani ibore idio anainakinet a ŋin ŋini enyamyo kepena ŋirwa ŋiuni, erae nen asiilyo, ido nyecamuni Ekapolon ŋun.

Ŋilep. 19:7 Iomraidhean Croise

Isa. 1:13

Mam ajokis eyai nayaunun ŋainakineta, nyeketalakarit ayoŋ ekinyate kus. Nyacamit ayoŋ ŋasuban kus ŋuna a elap a ŋolokitete, ŋuna a Sabato ka ŋasuban kus ŋace ŋuna inyaraununotor iyes iwapei, erae ŋun daadaŋ ŋuna aronok. Nyacamit ayoŋ akidaŋidaŋ ŋasuban ŋuna ka asecit ŋuna ilipyata iyes.

Isa. 65:4

a ŋituŋa a ŋulu iboiyete alotooma ŋalyalin ka iboiyete nakwaare anakiboisyo a ŋuna nyeyenio; a ŋituŋa a ŋulu enyamete akiriŋ a ŋiguruwei ka eboka ŋolo eya ŋiboorei ŋulu itoroniyaritae;

Isa. 66:3

“Ituŋanan daadaŋ ŋini akaaranakini ayoŋ emoŋ erae amuronot, ikwaan ituŋanan ŋin ka ŋini eari ituŋanan; ituŋanan daadaŋ ŋini akaaranakini ayoŋ ikale ŋinimesek erae amuronot, ikwaan ituŋanan ŋin ka ŋini emojiri emosiriŋ a iigok tobil; ituŋanan daadaŋ ŋini akainakini ayoŋ ainakinet ŋina a ŋikinyom ikwaan ituŋanan ŋin ka ŋini akainakini ayoŋ ŋaokot a eguruye; ituŋanan daadaŋ ŋini icunyi ekinyate aŋuna ka atamunitor ayoŋ, ikwaan ituŋanan ŋin ka ŋini ilipi neni ka etorube a ŋolo itiyaunitae. Adaut ŋituŋa ŋulu ikote ŋul akiwuap ŋuna kec a ŋikulepek, ido elakara ikes anakitiya asiilyo kec;

Yer. 16:18

Aboŋokini ayoŋ akisican ikes nabo aŋuna ka aronis kec ka aŋuna ka asecit kec, anerae apotu ikes kitoroniyasi akwap kaŋ a ŋalyalin, a ŋamuja, a ŋakujo kec a ŋuna nyeyarete, ido elelebikis nakwap kaŋ asiilyo.

Ŋilep. 19:6

Emaikina ainakinet ŋin tonyamae akoloŋit ŋinapei ŋin, kori akoloŋit ŋina etupakini ŋin; ibore daadaŋ ŋini epiyanun pena ŋirwa ŋiuni, emaikina kicunyae.

Ŋilep. 19:8

Ituŋanan daadaŋ ŋini enyami ainakinet ŋin adio kepena ŋirwa ŋiuni, emaikina kisicanae, anerae amunaa ainakinet ŋina asegan neni ke Ekapolon; emaikina ituŋanan ŋin kiritarae alotuŋa keŋ.

Ŋilep. 22:23

Ipedorete iyes ainakin Ekapolon ainakinet ŋina ka acamit kus, emoŋ, kori emesek ŋolo eoya, kori euruwuana akeju apei, nai nyecamakinio ŋin erae kerae ainakinet ŋinakisiyookinet ŋuna ikoŋito iyes.

Ŋilep. 22:25

ido nyicamut ŋibaren ŋulu ikote ŋul eaunete ŋigelaanotin inakis Ekapolon erae akimuj neni ka Akuj kus. Nyecamunio ŋibaren ŋul aŋuna kus, anerae iŋwalitae, ido eyakatar neni eŋwalit.’ ”