Ŋilep. 19:30 - Ebaibul

³⁰ Totamunito Sabato kaŋ, ido kitopoloorito akibois kaŋ ŋina asegan. Arae ayoŋ Ekapolon.

Ŋilep. 19:30 Iomraidhean Croise

2 Ŋakiro a ŋirwa 33:7

Abu kiwuak Kai ka Akuj etorube ŋolo ka akuj a ŋina anyaritae Asera, etorube ŋolo ecieuni iŋes, kiwuak Kai ŋin ŋina koloŋ alimokinit Ekapolon Daudi ka lokoku keŋ Solomon ebe, “Kai ka Akuj na ka ne Yerusalem, iŋes aseu ayoŋ anakwap a daadaŋ a ŋina a ŋikabilae a Ŋisirael atemar ekelipere ayoŋ ŋikaru ka ŋikaru.

2 Ŋakiro a ŋirwa 36:14

Apotu ŋisacaradotin daadaŋ ŋulu apolokinito ŋuluce kaapei ka ŋituŋa ŋuluce daadaŋ toruwor nooi ŋulu pa ekinyoma. Apotu kiwuapa ŋakiro ŋuna asiilyanak daadaŋ ŋuna etiyaete ŋituŋa a ŋakwapin a ŋunace, aŋun, apotu kitorona Akai ke Ekapolon alo Yerusalem ŋina sek aris Ekapolon kitaleu.

Ŋikiru. 89:7

Itopolooritae Akuj nooi anatukot aŋisubuna a ŋulu eya nakuj; ilipete neni keŋ daadaŋ ŋulu irimokinito iŋes kidiŋ.

Awos. 20:8

“Totamunito akoloŋit ŋina a Sabato, ido kituruworito iŋes ŋina asegan.

Ekal. 5:1

Toceikinite epite daadaŋ ŋolo ilosyononoo iyoŋ Kai ŋina ka Akuj. Ape kai ŋin akiirar ŋakiro ka Akuj akilo alosit ainakin ŋamuronisya ŋuna eayeneneete ŋibaŋaanotin nen; anerae nyeyenete ikes epite ŋolo eŋeryoto akitiya aronis.

Esek. 9:6

Toara ŋikasikou, ŋisorok, ŋasorok ka ŋidwe ta ŋakimak, nai nyiar ituŋanan daadaŋ ŋini eyakar emacar loreet keŋ. Kisyakisi akiar anakibois kaŋ a ŋina asegan.” Aŋun, apotu ŋikilyok ŋul kisyakis akiar, alokasikou a ŋulu eboiyete alokiŋaren Akai ka Akuj.

Ŋilep. 10:3

Tema nai Moses neni ka Aron, “Arae ŋakiro ŋun ŋuna esileereunit Ekapolon ŋinibore abaakar ebe, ‘Itoodiun asegis kaŋ aneni, a ŋulu eketopoloorito ayoŋ ka eketopoloorete ayoŋ ŋituŋa daadaŋ.’”

Ŋilep. 15:31

“‘Alopite a ŋol, iyokiuni iyoŋ Ŋisirael erae ŋulu nyitoroniyaritae ikotere nyetwaka erae ŋulu itoroniyaritae aŋuna ka amunaar eema kaŋ ŋolo eyai kidiŋ kec.’ ”

Ŋilep. 16:2

Tema Ekapolon neni a Moses, “Tolimok lokaato kon Aron atemar nyeloma adiopaki nakibois ŋina asegan nooi, nyeloma yaye anaŋga kiŋaren ekicoloŋ ŋolo ka akisyonio ŋolo eyai kidiama Asaduku ŋina ka Acamunet, ani kebu nen, etwani, anerae atakanuni ayoŋ alodou omin kidiama ekicoloŋ ŋol.

Ŋilep. 19:3

Emaikina ŋinituŋanan alokidiŋ kus kitopoloorite toto keŋ ka papa keŋ, ido totamunite akoloŋit ŋina a Sabato. Arae ayoŋ Ekapolon Akuj kus.

Ŋilep. 26:2

Totamunito akoloŋit kaŋ ŋina a Sabato, ido kitopoloorito akibois kaŋ ŋina asegan. Arae ayoŋ Ekapolon.

Mat. 21:13

tolimok ikes tema, “Igiritae Nakigireta atemar, ebala Akuj, ‘Enyarao Akai kaŋ Akai ŋinakilipet.’ Nai tokona ituruwosi iyes iŋes Akai ŋina eŋopitotor ŋikokolak.”

2 Ŋikor. 6:16

Ikokinete ŋakujo ŋace elomarete Kai ka Akuj ai? Anerae ikirae iwon Akai ka Akuj a ŋina eyari! Ikwaŋina elimunitor Akuj ebe, “Abuni akiboi alotuŋa kaŋ, ido oruko ka ikes; oruwor ayoŋ Akuj kec ka eruworosi ikes ŋituŋa kaŋ.”

1 Pet. 4:17

Adolu apaki ŋina isyakinia atubokino; isyaunio mono atubokin ŋituŋa ŋulu erae ŋulu ka Akuj. Ani kisyaunio aneni yok, ikokini nai eŋetakin aneni a ŋulu eŋerito Ŋakiro ŋuna Ajokak, ŋuna eponito aneni ka Akuj ai?