Ŋilep. 19:19 - Ebaibul

¹⁹ Kiwuapa ŋakiro ŋuna atubunit ayoŋ. Kiuryasi ŋibaren kus ŋulu egelegelya ŋikabilae nyesuposi. Nyiekis ŋikinyom kus ŋulu egelegelya lomanikor epei. Nyinap ŋilowi ŋulu edonyunitoe alolowi a ŋiarei a ŋulu egelegelya.

Ŋilep. 19:19 Iomraidhean Croise

Akisy. 36:24

Ŋidwe a Sibeon ŋulusapa ikes lu: Ayia ka Ana; Ana ŋol iŋes ŋolo abu toryamu ŋicowae analoŋisat apaki ŋina eyokiyo iŋes ŋisigirya a Sibeon a papa keŋ.

2 Sam. 13:29

Aŋun, apotu ŋiketiyak ka Abusalom kitiyata neni ka Aminon ŋuna ecikit Abusalom ikes. Tonyout nai ŋidwe a erwosit ŋulusapa daadaŋ, todokak ŋinituŋanan aŋole-sigirya keŋ, toem.

2 Sam. 18:9

Kiryamun Abusalom apaki ŋin ka ŋirukitos a Daudi. Adokit iŋes aŋole-sigirya, toloma aŋole-sigirya tooma ŋaten ŋuna ke ekuyon a ŋolo apolon nooi. Kikamut ŋaten akou ka Abusalom, kidoŋ Abusalom ineno anaten a ŋun iyeliyelo. Toem aŋole-sigirya nariet.

1 Ŋirw. 1:33

tema erwosit neni kec, “Torukosi ka ŋiketiyak kaŋ a ekapolon kus, kitodakakisi Solomon lokoku kaŋ aŋole-sigirya kaŋ totiyaarotor iŋes Gion.

Esir 2:66

Ayakatar ikes ŋaŋolei ŋamiae ŋakanikaarei ka ŋatomoniuni ka ŋakanikapei, ŋaŋolei-sigirya ŋamiae ŋaarei ka ŋatomoniomwon ka ŋakan,

Ŋilep. 18:4

Kiwuapa ŋikisila kaŋ ka ŋakiro ŋuna atubunit ayoŋ irae ŋulu icoikinito. Arae ayoŋ Ekapolon Akuj kus.

Ŋilep. 19:37

Kiwuapa ŋakiro kaŋ ŋun daadaŋ ŋuna atubunit ayoŋ ka ŋikisila kaŋ daadaŋ, ido totamunito ikes. Arae ayoŋ Ekapolon.’ ”

Ŋilep. 20:8

Kiwuapa ŋakiro kaŋ ŋuna atubunit ayoŋ ka totamunito ikes. Arae ayoŋ Ekapolon ŋolo eketuruwori iyes ŋulu isegak.

Ŋilep. 22:31

“Alopite a ŋol, iwuapete iyes ŋakiciketa kaŋ ka iricete ikes. Arae ayoŋ Ekapolon.

Ŋilep. 25:18

“Emaikina iyes totamunito ŋakiro kaŋ ŋuna atubunit ayoŋ ka alotooma akikinyoma, kiwuapa ŋikisila kaŋ, ikotere iboiyete emam ŋace anakwap.

Luk. 5:36

Tolimok nabo Yesu ikes akitadapet na tema, “Emam ituŋanan ŋini eciluni arac alolou a ŋolokitete, todapak lolou ŋoloŋorot. Ani kitiya ituŋanan ikoŋina, ecili elou ŋolokitete, nabo emam nyikwaanikin arac keŋ ka elou ŋoloŋorot.

Ŋirom. 11:6

Eseunit Akuj ikes kire aŋuna ka ajokis keŋ, meere aŋuna adaut ikes akitiya. Anerae kerae toseununuye Akuj ŋituŋa aŋuna a ŋiticisyo kec, pa kerae ajokis keŋ ŋina a kire.

Ŋikis. 4:1

Aŋun, nai tokona, iyes Ŋisirael kiirasi, kiwuapa ŋakiro ŋuna etubunitoe ka ŋikisila ŋulu eketatami ayoŋ iyes, ikotere iyes iyarete, ido tolomasi ka kiboikinos nakwap ŋina ikiinit iyes Ekapolon Akuj atapapaa kus.

Ŋikis. 4:5

Kiirasi, lopite ŋolo ekecikia ayoŋ Ekapolon Akuj kaŋ, eketatami ayoŋ iyes tokona ŋikisila ka ŋakiro ŋuna etubunitoe, ikotere iyes iwuapete ŋun anakwap a ŋina eapi iyes alomar ka akiboikin.