Ŋilep. 19:16 - Ebaibul

¹⁶ Nyirimit irworor ŋuluce alokidiŋ ŋituŋa kon. Nyitiya ibore idio aŋuna ka aryamunia epoida ketwana ikidunyet kon. Arae ayoŋ Ekapolon.

Ŋilep. 19:16 Iomraidhean Croise

Yob 17:5

Ŋituŋa ŋulu esyomatar ŋikonei kec aŋuna ka aryamunia ibore idio, eryamunete ŋidwe kec ŋican aŋuna aŋakiro aŋuna etiyato ŋikauruunak kec.

Ŋikiru. 101:5

Amunyari ayoŋ ŋituŋa daadaŋ ŋulu irworosi itoroniarito ŋuluce, nyacamuni ayoŋ arukit ka ŋulu itopolooro bon ka ŋulu eturok.

Ŋikiru. 15:3

ikes ŋulu nyecamito asyomar ŋuluce, ŋulu nyitiyaete aronis neni a ŋikonei kec, kori ŋulu nyinyaŋete ŋikidunyet kec.

Ŋikiru. 50:20

Irworosi iyes a ŋinapaki itoroniarito ŋiyeneta kus, ido iswomatar ŋikaitotoi kus.

Awos. 20:16

“Nyisudo ŋakiro neni a ŋikidunyet kus.

Awos. 23:1

“Kimyekisi akisirop ŋakiro ŋuna erae alyokonu. Nyiriwo ka ituŋanan ŋini irworo alyokonu, nyiruworosi esuuda keŋ.

Awos. 23:7

Nyilomasi nakiro ŋuna etubokinere ituŋanan pa esecit, ido toarae ituŋanan ŋin emam ibore aronon itiyat, kori toarae ituŋanan ŋin emam ibore esecit; anerae atubokini ayoŋ ituŋanan ŋini itiyae aronis ŋin.

Ŋakit. 10:18

Ituŋanan ŋini imunonit ŋuna ikimanitor, irworo alyokonu, ituŋanan ŋini irworor ŋuluce, erae ibaŋaanot.

Ŋakit. 11:13

Emina ituŋanan ŋini irworor ŋuluce alimonor ŋakiro ŋuna nyemaikina tolimoroe, nai emina ituŋanan ŋini ikinyoma akililiŋiyanar ŋakiro ŋuna nyemaikina tolimoroe.

Ŋakit. 20:19

Epedori asyomar ŋuluce akisileereun ŋakiro ŋuna imunono, aŋun, nyimina arukit ka ituŋanan ŋini itobobot akituk.

Yer. 6:28

Erae ikes daadaŋ ŋituŋa ŋulu isyaaka ka eŋeroko, erukito ikes ka ŋikeyanyak, egogoŋ ŋakyes kec ikwaan ka eburonis ka asuwat, itiyaete ikes daadaŋ ka atuna.

Yer. 9:4

Tocoikinito ŋikidunyet kus ka nyikinyomito idio alotooma ŋiyeneta kus, anerae erae ŋiyeneta kus daadaŋ ŋulu amodyanakinak ka irimito ŋikidunyet kus daadaŋ erae ŋikamodiyanak.

Esek. 22:9

Eyakasi tooma kon Yerusalem ŋituŋa ŋulu isudete ŋakiro neni a ŋuluce ikotere earyo ŋulu isudokinitae ŋakiro. Eyakasi tooma kon ŋituŋa ŋulu enyamete ŋamuronisya ŋuna eayeneneo nakiboisyo ŋunamukur ka itiyaete aleeco aneni kon.

Mat. 27:4

ebala, “Asec ayoŋ aŋuna apwakakinia ekile ŋolo nyesecit atwanare.” Toboŋokis ikes temasi, “Erae ŋun ŋuna kon. Emam ŋuna ikikamunito isua a nen!”

Ŋikis. 27:25

“‘Ilamam ituŋanan daadaŋ ŋini ijaari akaluŋuluŋut aarya ituŋanan ŋini emam ibore esecit.’ “Eboŋokinete nai ŋituŋa daadaŋ temasi, ‘Kiyookin ŋun.’

1 Tim. 3:11

Ŋaberu kec daŋ, itemokino erae ŋuna emaikina tokeritetei, nyirworotor ŋulucetuŋa, torae ŋuna etyamaarito ka ŋuna ikinyomitae anakiro a daadaŋ.

2 Tim. 3:3

eruworosi ŋulu emamukatar aminanar, ŋulu emam akitim, ŋulu irworotor ŋuluce, ŋulu ededeŋ ka eryenyaaka; eruworosi ŋulu eremokino ŋuna ajokak,

Tito 2:3

Ikwaŋinapei, kitatam ŋakimak kiboiyoto alopite a ŋolo itoodiunit atemar ekerito ikes Akuj, nyirworotor ŋulucetuŋa ka nyeruworosi ŋakamerak. Itemokino ikes toruworos ŋuna itatamete ŋakiro ŋuna ajokak,

1 Pet. 2:1

Toesikisi aronis daadaŋ; tojoŋoto alyokonu, ŋisoswae, ka arakao ta ŋakiro a ŋiyany daadaŋ.

1 Sam. 24:10

Idau iyoŋ elope nakoloŋit na akiŋolikin epite ŋolo abunio Ekapolon ikipotok iyoŋ neni kaŋ anaturukan; apotu ŋituŋa ŋice temasi ayoŋ toar iyoŋ, nai abu ayoŋ ekeŋarak iyoŋ. Abu ayoŋ otema, ‘Mam nyaari ayoŋ ekapolon kaŋ; anerae Ekapolon iŋes abu kituruwo iŋes erwosit.’