Ŋilep. 19:11 - Ebaibul

¹¹ “‘Nyikoŋo; nyimodyanakinosi make ka nyirworosi alyokonu.

Ŋilep. 19:11 Iomraidhean Croise

2 Sam. 17:20

Ani epote ŋirukitos ka Abusalom kai ka aberu a ŋin, kiŋita ikes temasi, “Ai eyakasi Aimas ka Yonasan?” Toboŋok aberu ŋin ikes tema, “Apotu todokasi ekekwaye ayonae.” Tosaka ŋikilyok ŋul Aimas ka Yonasan nen, nai apotu nyeryamut; aŋun, apotu toboŋosi Yerusalem.

1 Ŋirw. 13:18

Tema nai ekadwaran ŋolo amojoŋit ŋol neni keŋ, “Ayoŋ daŋ arae ekadwaran ikwapei iyoŋ, ido abu emalaika kirwor neni kaŋ ŋakiro ke Ekapolon ebala, ‘Kinyaku iŋes toboŋut ka iyoŋ kai kon, ikotere iŋes imuji akimuj ka emasi ŋakipi.’ ” Nai amodikinit ekadwaran ŋol ekile ŋol.

Ŋikiru. 101:7

Mam ipei daŋ ŋulu irworosi amodiyo ŋini iboikin kai kaŋ; mam ipei daŋ a ŋulu irworosi alyokonu ŋini ewoi alokiŋaren kaŋ.

Ŋikiru. 116:11

Abu ayoŋ anakadakinit kaŋ otema, “Erae ŋituŋa daadaŋ ŋikalyokonok.”

Awos. 20:15

“Nyikoko.

Awos. 20:16

“Nyisudo ŋakiro neni a ŋikidunyet kus.

Awos. 20:17

“Nyiŋobel ŋinituŋanan akai a ikidunyet keŋ, nyiŋobel aberu a ekidunyet keŋ, kori eketiyan ka aketiyan a ikidunyet keŋ, kori emoŋ, kori esigirya, kori ibore ca daadaŋ ŋini erae ŋini a ikidunyet keŋ.”

Awos. 22:1

“Ani kekokoiya ituŋanan emoŋ, kori amesek toar, kori togyela, emaikina ekokolan ŋol totac ŋimoŋin ŋikan aŋuna ke emoŋ ke epei ka totac ŋamesekin ŋaomwon aŋuna ka amesek ka apei.

Awos. 22:7

“Ani kicikak ituŋanan ikidunyet keŋ ŋisiliŋa, kori ŋiboro akiyok aŋuna keŋ, ido tokokoiyarae a nen, emaikina ŋini akokoiyarit erae kikamun, totacu ŋice ŋiarei aŋuna a ipei.

Awos. 23:1

“Kimyekisi akisirop ŋakiro ŋuna erae alyokonu. Nyiriwo ka ituŋanan ŋini irworo alyokonu, nyiruworosi esuuda keŋ.

Ŋakit. 24:28

Nyiruwor esuuda ŋolo irworo imanit ikidunyet kon emam ŋakiro iŋoitotor ka iŋes, nyirwor neni keŋ ŋakiro ŋuna erae alyokonu.

Yer. 6:13

Ameun aneni a ŋulu itopolooritae ka ŋulucaryo, ecamit ŋinituŋanan akitiya ŋuna nyiyookino, ido ameun aneni a ŋikadwarak ka ŋisacaradotin itiyae ŋinituŋanan ŋuna ka alyokonu.

Ŋilep. 19:10

Nyemaikina iyes isokataete emanikor kus ŋolo ke epiini, kori ilosete akidep ŋaraito a epiini ŋuna ecakanakina kwap. Kimyekisi ŋul aŋuna a ŋulu a ŋican ka ŋigelaanotin. Arae ayoŋ Ekapolon Akuj kus.

Ŋirom. 3:4

Mam jik! Erubakini Akuj iricit ŋakiikineta keŋ tari kelyokoko ŋituŋa daadaŋ. Ikwapei igiritere Nakigireta ebe, “Apaki ŋina irworikinia iyoŋ Akuj, ileere atemar iyookino iyoŋ; ka iloununui iyoŋ ŋina ikisitakinere.”

Ŋiep. 4:25

Tojoŋoto amodyanakin! Itemokino ŋinituŋanan kirwor ŋuna a kire neni ke ekanupan a ŋoloce, anerae ikirae iwon daadaŋ ŋipei alotooma Kristo ikwapei ikiraakar iwon ŋinerin ŋulu ka apeikuwan.

Ŋiep. 4:28

Tojoŋo ekademanaran ademanar, nai emaikina togeu akitiya etic, ikotere toryamu eropit aŋuna ke etic keŋ ka topedo tari akiŋarakin ŋulu iitanito akiŋarakino.

Ŋikis. 5:19

“Kori nyikoko

Ŋikol. 3:9

Nyimodyanakinosi make, ikwapei idauniata alemar ekuwane ŋoloŋorot kaapei ka ŋipitesyo keŋ

1 Tim. 1:10

aŋuna a ŋulu emalaaka, aŋuna a ŋikilyok a ŋulu iteperete ŋikilyok ŋuluce, aŋuna a ŋulu ekokoiyanarete ŋituŋa ŋuluce, aŋuna a ŋikalyokonok ka ŋulu ikoŋete ka alyokonu ka ŋulu itiyaete ŋace ŋuna nyemaasi ka akitatam ŋina iyookino.

Akis. 21:8

Nai ŋikakuryanak, ŋikalukinok, ŋulu nyenupito, ŋikaarak, ŋimalaanotin, ŋikekukujak, ŋulu ilipete neni a ŋakujo ka ŋikalyokonok daadaŋ imasakinio ikes nanam ŋina ka akim ka ŋina a Sulpa. Erae ŋin atwanare ŋina a ŋaarei.”