Ŋilep. 18:4 - Ebaibul

⁴ Kiwuapa ŋikisila kaŋ ka ŋakiro ŋuna atubunit ayoŋ irae ŋulu icoikinito. Arae ayoŋ Ekapolon Akuj kus.

Ŋilep. 18:4 Iomraidhean Croise

Ŋikiru. 105:45

Abu Akuj kitiya ŋun, ikotere iwuapete Ŋisirael ŋakiro ŋuna etubunit Akuj ka ŋikisila keŋ. Kipuroe Ekapolon!

Ŋikiru. 119:4

Ekapolon, idau iyoŋ ainakin isua ŋikisila kon, ŋulu emaikina isua kiwuapae emam akibil tari epei.

Esek. 20:19

Ayoŋ Ekapolon arae Akuj kus; kiwuapa ŋikisila kaŋ ka kiwuapa icoikinito nooi ŋakiro ŋuna akalimok ayoŋ iyes atemar kiwuapa.

Esek. 36:27

Ewuakini ayoŋ etau kaŋ neni kus ka akainakini ayoŋ iyes kiwuapa ŋakiro ŋuna atubunit ayoŋ ka tocoikis nooi epite ŋolo iwuapitotor ŋikisila kaŋ.

Esek. 37:24

“‘Eketiyan kaŋ Daudi iŋes eruwor erwosit kec, iyoki ikes ekeyokon epei bon. Iwuapete ikes ŋikisila kaŋ ka iwuapete ŋuna atubunit ayoŋ ecoikinito nooi.

Ŋilep. 18:2

“Tolimok Ŋisirael ebe, ‘Arae ayoŋ Ekapolon Akuj kus.

Ŋilep. 18:26

Nai emaikina iyes kiwuapa ŋakiro ŋuna atubunit ayoŋ ka ŋikisila kaŋ ŋul. Iyes Ŋisirael ka ŋigelaanotin ŋulu iboiyete ka Ŋisirael, nyemaikina iyes kitiyata asiilyo ŋin adio;

Ŋilep. 18:5

Kiwuapa ŋakiro ŋuna atubunit ayoŋ ka ŋikisila kaŋ, anerae ituŋanan ŋini iwuapi ŋun, eyari a ŋun. Arae ayoŋ Ekapolon.

Ŋilep. 19:19

Kiwuapa ŋakiro ŋuna atubunit ayoŋ. Kiuryasi ŋibaren kus ŋulu egelegelya ŋikabilae nyesuposi. Nyiekis ŋikinyom kus ŋulu egelegelya lomanikor epei. Nyinap ŋilowi ŋulu edonyunitoe alolowi a ŋiarei a ŋulu egelegelya.

Ŋilep. 19:37

Kiwuapa ŋakiro kaŋ ŋun daadaŋ ŋuna atubunit ayoŋ ka ŋikisila kaŋ daadaŋ, ido totamunito ikes. Arae ayoŋ Ekapolon.’ ”

Ŋilep. 20:22

“‘Kiwuapa ŋakiro kaŋ ŋuna atubunit ayoŋ ka ŋikisila kaŋ ŋul daadaŋ, totamunito ikes, ikotere nyikiela iyes akwap ŋina akayai ayoŋ iyes tokona.

Luk. 1:6

Eyookino ikes daadaŋ alokiŋaren Akuj, ericakinito ŋakiciketa ka Ŋikisila ŋulu ke Ekapolon, emam akisec.

Yoa. 15:14

Irae iyes ŋikonei kaŋ, erae kitiyata ŋuna ekecikakini ayoŋ iyes.

Ŋikis. 6:1

Erae tokona nu ŋakiciketa, ŋakiro ŋuna etubunitoe ka ŋikisila, ŋakiro ŋuna akalimoki ayoŋ Ekapolon akitatam iyes kiwuapa anakwap a ŋina eapi iyes alomar kituruwosi ŋina kus,