Ŋilep. 18:27 - Ebaibul

²⁷ anerae apotu ŋituŋa ŋulu eboiyete anakwap a ŋina ilosete iyes kitiyata asiilyo ŋin daadaŋ, idio abu akwap tomunaar.

Ŋilep. 18:27 Iomraidhean Croise

1 Ŋirw. 14:24

Ŋuna aronok nabo nooi, ayakasi ŋimalaae ka ŋamalaae nakiboisyo ŋun, ŋuna elipyata ŋituŋa alo Yudaya. Abu Reoboam kisyak akitiya ŋakiro ŋuna aronok ŋuna etiyaete ŋituŋa ŋulu abu Akuj kirita anakwapin kec a ŋuna abu iŋes inak Ŋisirael.

2 Ŋirw. 16:3

nai abu iŋes kiwuap epite ŋolo a ŋirwosi a Isirael. Abu tari kisitor lokoku keŋ kidiŋ akim, iwuapit ŋitalyo ŋulu aronok ŋulu a ŋituŋa a ŋakwapin a ŋuna abu Ekapolon kirita apaki ŋina adolunioto Ŋisirael nakwap ŋina aya ikes.

2 Ŋirw. 21:2

Tosec Manase aneni ke Ekapolon, kiwuap ŋakiro ŋuna aronok nooi ŋuna sek etiyaete ŋituŋa a ŋakwapin ŋulu eritari Ekapolon alokiŋaren Ŋisirael.

2 Ŋakiro a ŋirwa 36:14

Apotu ŋisacaradotin daadaŋ ŋulu apolokinito ŋuluce kaapei ka ŋituŋa ŋuluce daadaŋ toruwor nooi ŋulu pa ekinyoma. Apotu kiwuapa ŋakiro ŋuna asiilyanak daadaŋ ŋuna etiyaete ŋituŋa a ŋakwapin a ŋunace, aŋun, apotu kitorona Akai ke Ekapolon alo Yerusalem ŋina sek aris Ekapolon kitaleu.

Esek. 16:50

Arae ikes ŋiketurok ka etiyaete ŋakiro ŋuna ka asiilyo alokiŋaren kaŋ; aŋun, abu ayoŋ olema ikes eŋolikini ŋun.

Esek. 22:11

Eyakasi tooma kon ŋikilyok ŋulu itiyaete asiilyo neni a ŋaberu a ŋikidunyet kec, itiyaete ŋice aleeco neni a ŋapesur a ŋuna eyenasi ka ŋaberu kec, iryamanakin ŋice alotooma kon ka ŋakaitotoi kec, kori ŋakaipapae kec.

Osea 9:10

Apaki ŋina arukaunia ayoŋ Ŋisirael abu ayoŋ orukau ikes lopite ŋolo erukaunere ŋikito a epiini analoŋisat, abu daŋ orukau atapapaa kec lopite ŋolo erukaunere ŋaboboryo ŋuna esyaunak ekokito alokitoe. Nai ani edolete ikes Baal-Peor, tosodi kitaleikinos nibore ŋinicaryoit ŋini a ŋileec, apotu Ŋisirael toroketa a nen atipei, kikwaanikin aronis kec ka ŋina a ŋakujo a ŋuna apotu ikes tominakis.

Ŋilep. 18:24

“‘Nyimunaasi ŋawat kus anakiro a ŋun a ŋadi, anerae ŋakiro ŋun itiyaete ŋituŋa ŋulu eritari ayoŋ alokiŋaren kus, ŋulu amunaasi ŋawat kec.

Ŋilep. 18:26

Nai emaikina iyes kiwuapa ŋakiro ŋuna atubunit ayoŋ ka ŋikisila kaŋ ŋul. Iyes Ŋisirael ka ŋigelaanotin ŋulu iboiyete ka Ŋisirael, nyemaikina iyes kitiyata asiilyo ŋin adio;

Ŋilep. 18:28

Ani nai kimunaasi iyes akwap, ikielari akwap ŋin iyes kiŋa keŋ, lopite ŋolo abunio kielarya ŋituŋa ŋulu eboiyete a nen eriŋa iyes nyedolo nen.

Ŋikis. 20:18

ikotere nyikitatam ikes iyes akitiya ŋiticisyo ŋulu aronok ŋulu itiyaeneneete ikes aŋuna a ŋakujo kec, ido toseca iyes aneni ke Ekapolon Akuj kus.

Ŋikis. 23:18

Nyiyaut ŋisiliŋa ŋulu etacitere ŋimalaae ka ŋamalaae Kai ŋina ke Ekapolon Akuj kus, akisiyookinio akikoŋiet adio. Erae ŋun daadaŋ ŋakiro ŋuna eŋerit Ekapolon Akuj kus.

Ŋikis. 25:16

anerae ŋulu daadaŋ itiyaete ŋakiro ŋuna ka amodiyo, eŋerit Ekapolon Akuj kus ikes.

Ŋikis. 27:15

‘Ilamam ituŋanan daadaŋ ŋini itiyauni etorube a akuj, kori etorube edio ca daadaŋ, kori ibore ca daadaŋ ŋini eŋerit Ekapolon, ibore ŋini icieunitae, ido kilip neni keŋ anakimunono.’ Eboŋokinete ŋituŋa daadaŋ temasi, ‘Kiyookin ŋun.’