Ŋilep. 18:24 - Ebaibul

²⁴ “‘Nyimunaasi ŋawat kus anakiro a ŋun a ŋadi, anerae ŋakiro ŋun itiyaete ŋituŋa ŋulu eritari ayoŋ alokiŋaren kus, ŋulu amunaasi ŋawat kec.

Ŋilep. 18:24 Iomraidhean Croise

Akisy. 15:16

ido eboŋunete ŋiletok kon ne edoli anyamet ŋina a ŋaomwon; anerae eriŋa aronis ŋina a Ŋiamori nyedauna.”

1 Ŋirw. 9:7

ŋun nai alemarya ayoŋ Ŋisirael anakwap a ŋina adau ayoŋ ainakin ikes. Akai daŋ ŋina etaleu ayoŋ aŋuna ekiro kaŋ, alemari ayoŋ ojoŋo akitere; toruwor Isirael akwap ŋina nyeriŋa eyai toruwor ŋina edoŋ erae eemut bon, ŋina ekyenatar ŋituŋa a ŋakwapin a daadaŋ.

2 Ŋakiro a ŋirwa 33:2

Tosec Manase aneni ke Ekapolon, kiwuap ŋakiro ŋuna aronok nooi ŋuna sek etiyaete ŋituŋa ŋulu eritari Ekapolon anakwapin kec alokiŋaren Ŋisirael.

Esir 9:1

Kedaun akitiya ŋakiro ŋun daadaŋ apotu ŋikapolokinitok ŋituŋa potu neni kaŋ temasi, “Nyetyakara ŋituŋa a Isirael ka ŋilepi alotuŋa a ŋakwapin ka anakiro kec a ŋuna asiilyanak, nyetyakara ikes aneni a Ŋikanaani, a Ŋiitaiti, a Ŋiperisi, a Ŋiyebusi, a Ŋiamoni, a Ŋimoabi, a Ŋijipitian ka aneni a Ŋiamori,

Ŋikiru. 106:39

Aŋun, apotu ikes toruworos ŋulu emam ajokis alotooma ŋuna etiyaete, apotu ikes toŋero Akuj aloticisyo kec kilipa neni a ŋakujo.

Yer. 44:4

Kikote neni daŋ, abu ayoŋ orubak ekeyakianakini iyes ŋiketiyak kaŋ ŋikadwarak abala, ‘Ekemaimai ayoŋ iyes, nyitiyata ŋakiro ŋuna ka asiilyo ŋun ŋuna aremokino ayoŋ!’

Esek. 36:17

“Lokoku a ituŋanan, apaki ŋina eboiyoto Ŋisirael anakwap kec, apotu ikes tomunaasi akwap kec alopitesyo kec ka aloticisyo kec. Apotu ŋipitesyo kec kikokis eketisiilyanete ayoŋ ŋulu ka aberu a ŋina eyai lolap.

Ŋilep. 18:3

Nyitiyata ŋakiro ŋuna itiyaete ŋituŋa ŋulu a Ijipit, ŋituŋa akwap a ŋina iboitotor iyes, ido nyitiyata ŋakiro ŋuna itiyaete ŋituŋa ŋulu a Kanaan, ŋituŋa akwap a ŋina akayai ayoŋ iyes. Nyiwuapa ŋakiro ŋuna etubunito ikes.

Ŋilep. 18:30

Kiwuapa ŋuna abala ayoŋ, ido nyitiyata asiilyo ŋin ŋina apotu ŋituŋa a nen kitiya eriŋa iyes nyedolo nen. Nyimunaarosi anasiilyo a ŋin. Arae ayoŋ Ekapolon Akuj kus. ’”

Ekim. 35:34

Nyinyasa akwap ŋina iboiyoto iyes, neni eboiyo ayoŋ daŋ, anerae ayoŋ Ekapolon ikiboi kaapei ka Ŋisirael.”

1 Ŋikor. 3:17

Ituŋanan ŋini emunaari Akai ka Akuj, emunaari Akuj iŋes daŋ, anerae erae Akai ka Akuj ŋina keŋ bon ka iyes pei iraakasi Akai keŋ.

Ŋikis. 12:31

Nyemaikina iyes kitiyata ŋun neni ke Ekapolon a Akuj kus, anerae apotu ikes kitiyata neni a ŋakujo kec asiilyo daadaŋ ŋina eŋerit Ekapolon. Ewuanakinete ikes tari ŋidwe kec ŋulupesur ka ŋulusapa nakim aŋuna a ŋakujo kec.

Ŋikis. 18:12

Eŋerit Ekapolon ituŋanan daadaŋ ŋini itiyae ŋakiro ŋun. Erae aŋuna etiyaata ŋituŋa a ŋakwapin ŋuna eŋerit Ekapolon, iŋes eritarya Ekapolon ikes alokiŋaren kus.

Ŋikis. 9:4

Ani iritari Ekapolon Akuj kus ikes alokiŋaren kus, nyetema ituŋanan ebe, “Erae aŋuna ka akiyookino kaŋ iŋes akaunia ayoŋ Ekapolon nakwap na akituruwor ŋina kaŋ” Nai toyenete atemar erae aŋuna ka aronis a ŋituŋa a ŋakwapin a ŋun, iŋes eritarya Ekapolon ikes alokiŋaren kus.

Ŋikis. 9:5

Meere aŋuna ka akiyookino kus, kori aŋuna ka akiyookino a ŋitai kus iŋes ilosyoto iyes akituruwor akwap kec ŋina kus, nai erae aŋuna ka aronis a ŋituŋa a ŋakwapin a ŋun, iŋes eritarya Ekapolon ikes alokiŋaren kus, ikotere isiyookinio akiikinet ŋina abu iŋes kikoŋ neni atapapaa kus Aburaam ka Isaka ta Yakob.

Ŋikat. 20:10

Alotooma ŋituŋa amiat earyo ŋituŋa ŋitomon alokabilae a daadaŋ a ŋulu a Ŋisirael, eseunio alotooma ŋituŋa aliput earyo ŋituŋa amiat ka alotooma ŋalipyo ŋatomon earyo ŋituŋa aliput, aŋuna ka akiwok akimuj a ŋasigarya a ŋuna elosete akinyaŋar ŋakiro a ŋituŋa a Gibea a etaun a ŋolo a Benjamin, ŋakiro daadaŋ ŋuna ka akapil a ŋina apotu ikes kitiyata alo Isirael.”

Ŋikat. 20:5

Tosodi apotu ŋituŋa a Gibea potu neni kaŋ nakwaare kirikaut akai ecamito ikes akiar ayoŋ, apotu nai ikes, torata aberu kaŋ tari ŋina atwania.

Ŋikat. 20:6

Abu nai ayoŋ olemu akuwan a aberu kaŋ otubutubu, ido eyakiya ŋatubutubeta ŋun nakwap a ŋituŋa a Isirael daadaŋ, anerae etiyata ikes akapil alo Isirael.