Ŋilep. 17:7 - Ebaibul

⁷ Nyemaikina Ŋisirael yaasi ŋainakineta kec inakis neni a ŋipyan a ŋulu esibito ŋamee a ŋulu ituruwosi ikes ŋimalaanotin. Emaikina ŋakiro ŋun toruwor etal ŋoloruba aŋuna kec ka aŋuna a ŋanyameta a ŋuna eponito.’

Ŋilep. 17:7 Iomraidhean Croise

2 Ŋakiro a ŋirwa 11:15

Abu Yeroboam toseu ŋisacaradotin keŋ, kiwuak nakiboisyo ŋuna adukitoe neni amukur, ikotere ilipete neni a ŋitorubei a ŋulu abu iŋes kitiyau ikwaan ka ŋikorwa ta ŋitak.

Ŋikiru. 106:37

Apotu yaanasi ŋidwe kec ŋulusapa ka ŋulupesur neni a ŋakujo erae amuronot.

Ŋikiru. 106:39

Aŋun, apotu ikes toruworos ŋulu emam ajokis alotooma ŋuna etiyaete, apotu ikes toŋero Akuj aloticisyo kec kilipa neni a ŋakujo.

Awos. 22:19

“Ituŋanan daadaŋ ŋini elosi akiryamanakin ka ŋibaren, emaikina toarae.

Awos. 22:20

“Ituŋanan daadaŋ ŋini einakini amuronot keŋ neni ka akuj ka ace akilo Ekapolon bon, emaikina toarae.

Awos. 27:21

Emaikina Aron ka ŋidwe keŋ ŋulusapa kidara ŋitaae enokete ŋinapei eboŋ tari taparacu alokiŋaren Ekapolon, anakibois a ŋina ilipere a ŋina ayaaye anaŋga alokiŋaren Eema. Emaikina nu toruwor etal ŋolo erae eruba aneni a Ŋisirael tari a ananyameta a ŋuna eponito.

Awos. 32:8

Emyekis ikes atipei ŋuna abu ayoŋ ecik ikes, ido etiyaut aŋuna kec etorube a itaok aruwor akuj kec. Ilipete tokona ikes neni a itaok ka aya ŋamuronisya kec nen, ido ebasi, ‘Ŋisirael, akuj yok na ŋina paaran abu ikitipeunio iwon anakwap a Ijipit!’

Awos. 34:15

Toceito icamunosi ka ŋituŋa ŋulu iboiyete anakwap a ŋina ilosete iyes, anerae ani elosete ikes akilip neni a ŋakujo kec ka yaasi ŋamuronisya nakujo ŋun, ikinyaraarete ikes iyes, ido tonyama iyes ŋamuronisya kec.

Yer. 3:1

Ŋakiro ŋuna irworo Ekapolon ikes nu, “Ani kelak ekile aberu keŋ, ido tolot aberu ŋin aneni keŋ toruwor aberu a ekile a ece eboŋori mono iŋes neni a aberu a ŋin a? Nyeruwor mono ŋun ŋuna emunaarete akwap ŋin a? Itiyata iyes amalao ka ŋulu iminatar ŋulu alalak; ipedorete nai iyes aboŋun neni kaŋ a?

Esek. 23:3

Apotu ikes toruwor ŋamalaae alo Ijipit, kitiyata ŋakiro ŋuna ka amalao akisyakin anasoroko kec. Apotu tonuwae ŋikisin kec alo Ijipit ka aponi totapatapae ŋamuroi kec alo Ijipit ŋuna sek pa atapatapatae.

Esek. 23:8

Pa abu iŋes toesik amalao keŋ ŋina sek abu iŋes kisyak alo Ijipit, ŋina sek ani eriŋa iŋes esorokana, abu iŋes kisyak akiryamanakin ka ŋikilyok, aponi totapatapae ŋamuroi keŋ ŋuna sek pa atapatapatae ka apotu ŋikilyok ŋul tominakis iŋes nooi.

Ŋilep. 17:8

“Tolimok nabo ikes atemar, ‘Esiraelit daadaŋ kori igelaanot daadaŋ ŋini iboiyete ka ikes ŋini ainakini ainakinet ŋina epeyo, kori amuronot adio,

Ŋilep. 20:5

Aŋoikini ayoŋ ituŋanan ŋin kaapei ka ŋituŋa a ekal keŋ, ido eritari ayoŋ ituŋanan ŋin alotuŋa keŋ kaapei ka ŋulu daadaŋ apotu kiwuapa ŋuna keŋ, tomalaaniyasi neni a Molek.

Ŋilep. 3:17

Emaikina nu toruworos etal ananyameta kus a daadaŋ ka anakiboisyo kus a daadaŋ: Nyemaikina iyes tonyama asepwae adio, kori tonyama ŋaokot ŋadi.

Yoa. 12:31

Adol tokona apaki ŋina etubere ŋakiro ŋuna ka akwap a na; imasaryo tokona ekepukan ŋolo ka akwap a na.

Yoa. 14:30

Nyikirworo ayoŋ ka iyes ekaoyan, anerae ebunit ekepukan ŋolo ka akwap a na. Nyeyakar iŋes apedor ŋina ekepukaa ayoŋ,

1 Ŋikor. 10:20

Emam, nai alosikinit ayoŋ atemar ŋamuronisya ŋun, einanakinitae neni a ŋipyan, meere neni ka Akuj. Nyacamit ayoŋ iyes kimorikina ka ŋipyan.

2 Ŋikor. 4:4

Adau ekepukan ŋolo ka akwap a na akitumudukan ŋatameta a ŋulu nyenupito, ikotere nyiŋolikiniata akica ŋina a Ŋakiro a ŋuna Ajokak, ŋuna ka apolou a Kristo, a ŋolo ikwaan ka Akuj per.

Ŋiep. 2:2

Apaki ŋin ipotu iyes kiwuapa ŋipitesyo ŋulu ka akwap ŋulu aronok; ipotu iyes kisipukas ekepukan ŋolo epolokinit ŋipyan ŋulu eyakasi kidiama, ekipye ŋolo tokona epolokinit ŋituŋa ŋulu nyiwuapito ŋakiro ka Akuj.

Ŋikis. 31:16

Kirwor Ekapolon neni a Moses tema, “Alotooma apaki ŋina ewuruana, itwani iyoŋ ikwapei atapapaa kon. Egeikinete nai ŋituŋa lu akilip neni a ŋakujo a ŋunagelae a ŋuna eyakasi kidiŋ kec, ŋakujo a akwap a ŋina elosete ikes alomar, akeŋerete ikes ayoŋ, nyiwuapete acamunet kaŋ ŋina ikicamunor ayoŋ ka ikes.

Ŋikis. 32:17

Apotu ikes inanakis ŋamuronisya neni a ŋipyan meere neni ka Akuj, neni a ŋakujo a ŋuna sek pa ayenunito, neni a ŋakujo a ŋunakitet a ŋuna ariŋa eyaunio neni kec, ŋakujo ŋuna pa etopoloorito atapapaa kus.

Akis. 9:20

Ŋituŋa ŋulu pa apotu ŋakisicaneta ŋun toara, apotu nyekiwa akilip neni a ŋipyan ka neni a ŋakujo a ŋuna etiyaunito ikes ŋilopeyek. Etiyaunitae ŋakujo ŋun a egolid, a esilipa, a eburonis, a ŋamoru ka a ŋakito; ŋakujo ŋuna nyepedorete aanyuwar, akiirar, kori alosit.