Ŋilep. 17:6 - Ebaibul

⁶ Emaikina esacaradoti kipakak ŋaokot namuroet ke Ekapolon ŋina eyai lopuke ke eema a ŋolo ilipere, ido kicuny asepwae erae ŋina ebob eure keŋ aneni ke Ekapolon.

Ŋilep. 17:6 Iomraidhean Croise

Awos. 29:13

Tolemu asepwae daadaŋ ŋina a ŋiboro ka akook ŋatune ke emany ta ŋiŋalur daadaŋ ŋiarei erukito ka asepwae kec. Tope ŋul daadaŋ a Namuroet topuruut.

Awos. 29:18

tope nai emesek daadaŋ alokidiama Namuroet, anerae erae iŋes ainakinet neni ke Ekapolon ŋina epeyo, ŋina ebob eure keŋ ka ŋina emaikina topeoi einakinio Ekapolon.

Esek. 44:15

“Nai ŋisacaradotin ŋulu alokabila a Lepi torae ŋiletok a Sadok, ŋulu apotu anakikinyomit ayoŋ kitiyata ŋiticisyo ŋulu ka akibois a ŋina asegan apaki ŋina a ŋeryoto Ŋisirael akiwuap ayoŋ, ikes emaikina toapuut neni kaŋ kitiyata etic kaŋ alokiŋaren kaŋ. Emaikina ikes towua alokiŋaren kaŋ, okoinakis ayoŋ ŋasepwa ka ŋaokot a ŋainakineta.

Ŋilep. 17:5

Erae ŋun ikotere Ŋisirael eyaunete neni ke Ekapolon ŋamuronisya kec ŋuna earete ikes anariet. Emaikina ikes yaut neni ke esacaradoti lopuke ke eema a ŋolo ilipere, inakis Ekapolon erae ŋainakineta ŋuna ke ekisil.

Ŋilep. 3:11

Epedori nai esacaradoti akicuny ŋinerin ŋul daadaŋ alokidiama anamuroet ikwapei akimuj ka ainakinet ŋina epeyo ŋina einakinitae Ekapolon.

Ŋilep. 3:13

ido kidokok ituŋanan ŋin akan keŋ nakou ka ameot a ŋin; toarae nai alokiŋaren epuke ŋolo ke eema a ŋolo ilipere; ido kipakakis ŋidwe ka Aron ŋulusapa ŋaokot lowaetin anamuroet daadaŋ.

Ŋilep. 3:16

Epedori nai esacaradoti akicuny ŋinerin ŋul daadaŋ alokidiama namuroet ikwapei akimuj ka ainakinet ŋina epeyo, ŋina ebob eure keŋ aneni ke Ekapolon. Emaikina asepwae daadaŋ erae ŋina ke Ekapolon.

Ŋilep. 3:2

Emaikina ŋini eyaunit ainakinet ŋin kidokok ŋakan keŋ nakou ka ainakinet a ŋin, ido nai toar alopuke ke eema a ŋolo ilipere; kipakakis nai ŋidwe ka Aron ŋulusapa ŋulu erae ŋisacaradotin ŋaokot lowaetin anamuroet daadaŋ.

Ŋilep. 3:5

Emaikina nai ŋidwe ka Aron ŋulusapa kicunya ŋinerin ŋul alokidiama namuroet, kaapei ka ainakinet ŋin ŋina ikaca nakito anakim, ŋina emaikina kicunyae ikwapei ainakinet ŋina epeyo, ŋina ebob eure keŋ aneni ke Ekapolon.

Ŋilep. 3:8

Emaikina ituŋanan ŋin kidokok akan keŋ nakou ka ainakinet keŋ a ŋin, ido toar alopuke ke eema a ŋolo ilipere. Kipakakis nai ŋidwe ka Aron ŋulusapa ŋaokot lowaetin anamuroet daadaŋ.

Ŋilep. 4:31

Emaikina esacaradoti tolema asepwae daadaŋ lopite ŋolo alemanarere ŋina ka ainakinet a ŋina ke ekisil, ido emaikina kicuny alokidiama namuroet ikwapei ainakinet ŋina epeyo, ŋina ebob eure keŋ aneni ke Ekapolon. Alopite a ŋol, emookuni esacaradoti ituŋanan ŋin anasecit keŋ, ido isyonio ituŋanan ŋin.

Ekim. 18:17

Nai ikiyae ŋini ka ate, kori a amesek, kori a ameot, nyilokonyunio, erae ikes ŋulu asegak. Emaikina iyoŋ towuatak ŋaokot kec namuroet ka kicuny ŋasepwa kec erae ainakinet ŋina epeyo ŋina ebob eure keŋ aneni ka a Ekapolon,