Ŋilep. 17:15 - Ebaibul

¹⁵ Ituŋanan daadaŋ, kerae Isiraelit kori igelaanot, ŋini enyami ibore ŋini etwani bon, kori ŋinikeari etyaŋ ŋoloce, emaikina kilota ŋilowi keŋ, kiloŋar, ido erubakini itoroniyaritae akitodol eboŋ, toruwor nai ŋini nyitoroniyaritae.

Ŋilep. 17:15 Iomraidhean Croise

Awos. 22:30

Kitiyata ŋun anaatuk ka anamesekin daŋ. Kimyekisi ŋitak ka ŋikaalei toruko ka atatoto kec ŋirwa ŋikanikaarei bon, ido ikiinakis ayoŋ edolete ŋirwa kec ŋikanikauni.

Awos. 22:31

Emaikina iyes irae ŋituŋa kaŋ ŋulu italeuno neni kaŋ. Aŋun, nyemaikina iyes tonyama akiriŋ ŋina enyamitor etyaŋ ibarasit, kori etyaŋ. Emaikina inakis ŋiŋokwo tonyama akiriŋ ŋin.”

Esek. 4:14

Abu nai ayoŋ otema, “Meere ikoŋina Ekapolon Akuj! Nyemunaara ayoŋ ŋinapei akuwan kaŋ. Ŋinapei anasoroko kaŋ akitodol tokona, nyenyama ayoŋ ibore ŋini etwani bon, kori ŋini earito ŋityaŋ ŋulu ka ariet. Nyiwuakina ayoŋ nakituk kaŋ akiriŋ ŋina eketaleo.”

Esek. 44:31

Emaikina ŋisacaradotin nyenyam ibore idio kerae ikeny, kori ibarasit, kori etyaŋ, ibore ca daadaŋ ŋini ketwani bon, kori ŋini kepotu ŋityaŋ ŋulu ka ariet toara.”

Ŋilep. 11:24

“‘Iruworosi iyes ŋulu ikitoroniyaritae alotooma ŋakiro nu: Ituŋanan daadaŋ ŋini etapi akuwan ke etyaŋ, kori a ibarasit a ŋini adau atwanare, a ŋini italeo iŋes akitap, eruwor ŋin ŋini itoroniyaritae akitodol eboŋ.

Ŋilep. 11:25

Ituŋanan daadaŋ ŋini elemuni ekiner edio alotyaŋ a lu kori alobaren a lu, emaikina ituŋanan ŋin kilota ŋilowi keŋ, ido erubakini erae ŋini itoroniyaritae akitodol eboŋ.

Ŋilep. 11:27

ŋityaŋ daadaŋ ŋulu elosete a ŋakejen a ŋaomwon, toyakatar ŋimoyo, itoroniyaritae aneni kus. Ituŋanan daadaŋ ŋini etapi ŋawat a ŋul kedaut atwakare, eruwor ŋini itoroniyaritae akitodol eboŋ.

Ŋilep. 11:28

Ituŋanan daadaŋ ŋini elemuni akuwan a etyaŋ kori a ibarasit a ŋin kedau atwanare, emaikina kilota ŋilowi keŋ, ido erubakini ituŋanan ŋin erae ŋini itoroniyaritae akitodol eboŋ erae ŋawat a ŋityaŋ a ŋul, kori a ŋibaren a ŋul ŋuna itoroniyaritae aŋuna kus.

Ŋilep. 11:31

Erae ŋul ŋulu itoroniyaritae aŋuna kus alokidiŋ ŋisubuna ŋulu elosete alokwap daadaŋ; ituŋanan daadaŋ ŋini etapi ŋawat a ŋul kedaut atwakare, eruwor ŋini itoroniyaritae akitodol eboŋ.

Ŋilep. 11:32

Ani kimasakin edio alosubuna a ŋul nibore idio etwanit, eruwor ibore ŋin ŋini itoroniyaritae, kerae loborosit ŋolo icieunitae anakitoe, kori elou, kori ejamu, kori eguniya, eborosit ca daadaŋ ŋolo isitiyao a ŋakiro a ŋadi; emaikina eborosit ŋol kilumokinae nakipi; ido erubakini erae ŋolo itoroniyaritae akitodol eboŋ, toruwor nai ŋolo nyitoroniyaritae.

Ŋilep. 11:39

“‘Ani ketwana etyaŋ edio ŋolo emaikina sek iyes tonyama, ido totap ituŋanan idio etyaŋ ŋol, eruwor ituŋanan ŋin ŋini itoroniyaritae akitodol eboŋ.

Ŋilep. 11:40

Emaikina ŋituŋa ŋulu enyamete etyaŋ ŋol kilotasi ŋilowi kec, ido erubakinete ikes erae ŋulu itoroniyaritae akitodol eboŋ; ŋulu iwokete akiriŋ a etyaŋ a ŋol, emaikina ŋul daŋ kilotasi ŋilowi kec, ido erubakinete erae ŋulu itoroniyaritae akitodol eboŋ.

Ŋilep. 15:10

Ituŋanan daadaŋ ŋini etapi ŋiboro ŋulu sek eboiyo ekile ŋol, eruwor ŋini itoroniyaritae akitodol eboŋ; ido daadaŋ ŋulu iwokete ŋiboro ŋul, emaikina kilotasi ŋilowi kec, kiloŋaros, ido erubakinete erae ŋulu itoroniyaritae akitodol eboŋ.

Ŋilep. 15:21

Ituŋanan daadaŋ ŋini etapi ibore ŋini eperyo aberu ŋin, emaikina kilota ŋilowi keŋ, kiloŋar, ido erubakini erae ŋini itoroniyaritae akitodol eboŋ.

Ŋilep. 15:5

Ituŋanan daadaŋ ŋini etapi ibore ŋini eperyo ekile ŋol, emaikina kilota ŋilowi keŋ, kiloŋar, ido erubakini ituŋanan ŋin, erae ŋini itoroniyaritae akitodol eboŋ.

Ŋilep. 22:8

Nyemaikina iŋes tonyam ibore idio ŋini eryamunio etwanit, kori ŋini eryamunio etyaŋ ŋolo ka ariet kear, anerae ŋiboorei ŋul ŋulu itoroniyaritae. Arae ayoŋ Ekapolon.

Ŋilep. 7:24

Ipedorete iyes akisitiya asepwae a ibarasit a ŋini etwani, kori a ŋini enyami etyaŋ, nai italeo akinyam.

Ekim. 19:19

Ewuatakini ituŋanan ŋini nyitoroniyaritae ŋituŋa ŋulu itoroniyaritae ŋakipi edolete ŋirwa ŋiuni, kori edolete ŋirwa ŋikanikaarei, aŋun, kitaleu ikes edolete ŋirwa ŋikanikaarei. Ekaku ilotarete ikes ŋilowi kec ka kiloŋarosi, ani edoli eboŋ eruworosi ikes ŋulu nyitoroniyaritae.

Ekim. 19:21

Eruwor ŋun ŋakiro ŋuna etubunitoe, ŋuna emaikina kiwuapae ŋikaru ka ŋikaru. Ituŋanan ŋini ewuasi ŋakipi ŋunakitaleet, emaikina kilota ŋilowi keŋ, ido ituŋanan daadaŋ ŋini etapi ŋakipi ŋunakitaleet, eruwor ŋini itoroniyaritae akitodol eboŋ.

Ekim. 19:8

Emaikina ŋolo ecunyi ataok daŋ kilota ŋilowi keŋ ka kiloŋar; erubakini iŋes daŋ itoroniyaritae akitodol eboŋ.

Ŋikis. 14:21

Nyinyama idiobore ŋini etwani bon, ani kicamito inakisi tonyama ŋituŋa ŋulugelae ŋulu iboiyete ka iyes alotaunio kus, kori togyelakisi neni a ituŋanan a ŋinigela, anerae irae iyes ŋulu asegak aneni ke Ekapolon Akuj. Nyidorokis ikale ŋinimeot a ŋakile a toto keŋ.

Akis. 7:14

Abu ayoŋ oboŋok iŋes otema, “Ekapolon, iyoŋ iyeni.” Okolimok iŋes ayoŋ tema, “Erae ŋituŋa lu ŋulu adaut akitorun nakisicanio ŋina aronon nooi, elotasi ikes ŋikaasoi kec ka etokwaŋut kya a ŋaokot a ŋuna a Imesek.