Ŋilep. 17:11 - Ebaibul

¹¹ anerae ŋaokot ikes iteyarete ŋinisubuna daadaŋ, ido akainak ayoŋ iyes ŋaokot a ŋisubuna amookunia akiyar kus alokidiama namuroet; erae ŋaokot akiyar ikes emookunere akiyar a ituŋanan.

Ŋilep. 17:11 Iomraidhean Croise

Akisy. 9:4

Nai nyinyama akiriŋ eyakasi ŋaokot, nyiira ŋaokot tari anakiriŋ.

Ŋilep. 1:5

Emaikina ituŋanan ŋin toar ibarasit ŋin a nen, tosodo nai ŋidwe ka Aron ŋulusapa ŋulu erae ŋisacaradotin tolemut ŋaokot, yaasi kipakakis lowaetin daadaŋ anamuroet a ŋina eyai lopuke ŋolo elomarere loeema ŋolo ilipere.

Ŋilep. 16:11

“Elemuni Aron emoŋ erae ainakinet aŋuna ka asecit keŋ, ido tomookun elope bon ka tomooku ŋituŋa a ekal keŋ. Eari iŋes emoŋ ŋol aŋuna ka asecit keŋ.

Ŋilep. 17:12

Aŋun, alimok ayoŋ Ŋisirael atemar, mam ikes ŋini emaikina tonyam ŋaokot, mam tari igelaanot ŋini iboiyete ka ikes emaikina tonyam ŋaokot.

Ŋilep. 17:14

“‘Erae ŋun, anerae ŋaokot ikes iteyarete ŋinisubuna daadaŋ. Ŋakiro ŋun ikes alimokinitor ayoŋ Ŋisirael atemar, nyemaikina iyes tonyama ŋaokot a isubuna a idio. anerae ŋaokot ikes iteyarete ŋinisubuna daadaŋ. Kenyam ituŋanan idio ŋaokot, emaikina kiritarae aneni a ŋuluce.

Ŋilep. 4:25

Ani ekaku, emaikina esacaradoti tolemu ŋaokot ŋadi anainakinet a aŋuna ka asecit a ŋin, kilumok ekimoin keŋ, ido ya kiosak loboorei ŋulu esibito ŋamomwar alokoonae anamuroet a ŋina icunyere ŋainakineta. Ŋaokot ŋunace ŋuna idoŋete, emaikina iŋes tobukok kwap namuroet.

Ŋilep. 4:26

Emaikina iŋes kicuny asepwae daadaŋ alokidiama namuroet lopite ŋolo ecunyia iŋes ŋina ka ainakinet a ŋina ke ekisil. Alopite a ŋol, emookuni esacaradoti ituŋanan ŋin anasecit keŋ, ido isyonio ituŋanan ŋin.

Ŋilep. 8:15

toarae nai emoŋ ŋol. Tolemu Moses ŋaokot ke ekimoin keŋ, kiwosak loboorei ŋulu asibito ŋamomwar anamuroet aŋuna ka akitaleun namuroet. Tobukok ŋaokot ŋunace ŋuna idoŋete neni ewuar namuroet. A ŋun, abu Moses kitaleu amuroet tomooku.

Mat. 20:28

Ikwaŋinapei, pa abunit Lokoku a Ituŋanan akitiyanakino, nai abunit akitiyanakin ka akijal akeekiyar tolakunere ŋulu alalak.”

Mat. 26:28

anerae erae nugu ŋaokot kaŋ, ŋaokot ŋuna ka Acamunet, ŋuna ebukoritae ikotere ŋulu alalak isyoniyo ŋasecisya.

Mar. 14:24

Tolimok Yesu ikes tema, “Erae nu ŋaokot kaŋ, ŋuna ka Acamunet, ŋuna ebukoritae ikotere ŋikalalak.

Ŋirom. 3:25

Abu Akuj kipoto Yesu Kristo, ikotere akeetwanare eruwor ŋina isyoniyere ŋasecisya a ŋituŋa a ŋulu enupete iŋes. Abu Akuj kitiya ŋun, ikotere kitoodiunia atemar iyookino iŋes alope. Koloŋ sek abu Akuj totitinyik ka nyemitak ŋasecisya a ŋituŋa.

Ŋirom. 5:9

Aŋuna ka atwanare keŋ, adaun acamun iwon ikirae ŋulu ikiyookino alokiŋaren Akuj. Ani kikote nen, kire jik ikiuni Kristo iwon ananyunyura a ŋina ka Akuj.

Ŋiep. 1:7

Anerae ikituruwor iwon ŋulu ikilakuna a ŋuna a ŋaokot a Kristo, a ŋuna aponi tobukoroe alomusalaba; iŋes nai atemar esyoni ŋasecisya yok. Alopite a ŋol, ikitoodik Akuj iwon epite ŋolo epoloo nooi ajokis keŋ.

Ŋikis. 12:23

Nai tocoito inyamete ŋaokot, anerae erae ŋaokot ibore ŋini kiteyari, akiyar, tosodi nyemaikina iyes tonyama ibore ŋini ikiteyari kaapei ka akiriŋ.

Ŋikol. 1:14

ŋolo ikilakunia Akuj iwon, iŋes atemar, esyoni ŋasecisya yok.

Ŋikol. 1:20

Abu daŋ iŋes alotooma Lokoku tolakari tocamu akisil ka ŋituŋa daadaŋ anakwapin. Abu Akuj kitiyau ekisil alotooma atwanare a Lokoku keŋ alomusalaba, ido abu kinyaku neni keŋ ŋiboro daadaŋ ŋulu alokwap ka ŋulu alokidiama.

Ŋibur. 13:12

Ŋakiro ŋun, iŋes atwania Yesu daŋ alokiŋa Yerusalem, ikotere itesegi ŋituŋa anasecisya a ŋaokot keŋ ke elope.

Ŋibur. 9:22

Kire, aŋuna a Ŋikisila, etaleununuyo ŋiboro ŋulu alalak a ŋaokot, nabo nyisyoniyo ŋasecisya, mati kebukorosi ŋaokot.

1 Pet. 1:2

Ikiseu iyes Akuj Papa anayenut keŋ a daadaŋ ka ikituruwo ŋituŋa ŋulu ikiteseg Etau keŋ, akiwuap Yesu Kristo ka ikitesegun a ŋaokot keŋ. Tolalaar aneni kus ajokis ka ekisil!

1 Yoa. 1:7

Nai ani kikiboi iwon anakica, ikwapei eyakar iŋes nakica, ikiyakar iwon akimorikina ka ŋuluce ka ikitesegunete iwon ŋaokot a Yesu a Lokoku keŋ anasecit a daadaŋ.

1 Yoa. 2:2

Iŋes erae amuronot ŋina isyoniyere ŋasecisya yok; meere ŋasecisya yok bon, nai ŋasecisya a ŋituŋa a daadaŋ.

Akis. 1:5

ta aneni a Yesu Kristo ŋolo erae esuuda ŋolo ikinyomitae, ŋolo esyaunan ayarun alokatwak, torae daŋ ekepukan ŋolo a ŋirwosi a ŋulu ka akwap. Ikimina iŋes iwon, ka aŋuna ka atwanare keŋ abu itolacak iwon anasecisya yok.