Ŋilep. 16:6 - Ebaibul

⁶ “Emaikina Aron tolemu ainakinet ŋina erae emoŋ aŋuna ka asecit keŋ, ido tomookun elope bon ka tomooku ŋituŋa a ekal keŋ.

Ŋilep. 16:6 Iomraidhean Croise

Yob 1:5

Ani elunyar ŋirwa ŋulu a ŋasuban, anyaraenene Yob ŋidwe keŋ akitaleun; taparacu sek, inak Akuj ŋainakineta ŋuna epeyo, ŋainakineta ŋuna erae ekimar a ŋidwe keŋ a daadaŋ, anerae abu Yob tema, “Acepaki aseca ŋidwe kaŋ, ecieno Akuj alotai kec.” Erae ŋun ŋuna etiyaenene Yob a ŋinakoloŋit.

Esek. 43:19

Ŋisacaradotin ŋulu alokabila a Lepi ŋulu erae ŋiletok a Sadok bon emaikina potu kiŋaren kaŋ akitiya etic kaŋ, ayoŋ Ekapolon Akuj ekecik iyoŋ ŋun. Emaikina iyoŋ inak ikes emoŋ ŋolosorokit yaut ikes neni kaŋ erae ainakinet ŋina ka asecit kec.

Esek. 43:27

Ani elunyarosi ŋirwa ŋul, edoli ŋirwa ŋikanikauni tomyaa kiŋaren, emaikina ŋisacaradotin yaut ŋainakineta kus ŋuna epeyo, ŋuna a ekisil, Kiwuakis kidiama namuroet. Alimu Ekapolon Akuj atemar, apaki ŋin nai akacamunia ayoŋ iyes Ŋisirael.”

Ŋilep. 16:3

Epite lo iŋes emaikina Aron elomarya nakibois ŋina asegan ŋin: Emaikina iŋes ya emoŋ ŋolosorokit ikwapei ainakinet aŋuna ka asecit ka emesek ikwapei ainakinet ŋina icunyio.”

Ŋilep. 16:7

Ani kitiya ŋun, ya ŋikorwa ŋul kiŋaren Ekapolon lopuke ŋolo ke Eema a ŋolo iryamununoi.

Ŋilep. 9:7

Tema nai Moses neni ka Aron, “Toapiya namuroet, ido ya ainakinet kon aŋuna ka asecit ka ŋina epeyo, ikotere tomookun bon ka tomooku ŋituŋa ŋuluce daŋ, ya ainakinet ŋina a ŋituŋa daŋ, ikotere tomooku ikes; lopite ŋolo adaunia Ekapolon akicik.”

Ŋibur. 7:27

Nyikwaan iŋes ka ŋisacaradotin ŋulu apolok nooi ŋuluce; nyiitana iŋes ainanakin ŋamuronisya neni ka Akuj a ŋinakoloŋit, mono, aŋuna a ŋasecisya keŋ ka aŋuna a ŋasecisya a ŋulucetuŋa, anerae apaki ŋina ainakinia akuwan keŋ, abu inak amuronot apeiinakinet ŋina itemokino jik.

Ŋibur. 9:12

Abu Kristo toloma loeema akitodol Nakibois ŋina Asegan nooi apeilomaret ŋina itemokino jik; pa atiŋit iŋes ŋaokot ŋuna a ŋamee ka ŋuna a ŋitak a ŋulu moŋin, nai abu toloma a ŋaokot keŋ ke elope, ido eyau alakuno yok ŋina a jik.

Ŋibur. 9:7

nai arae Esacaradoti ŋolo Apolon nooi bon elomanari nagule ŋina a ŋaarei ŋina a yaaye anaŋga apeilomaret a ŋolokaru. Nyepedori iŋes alomar nen emam ŋaokot ŋuna ka ajulot, ŋuna einakini iŋes Akuj kisyoniyere ŋasecisya keŋ ka ŋasecisya ŋuna apotu ŋituŋa kitiyata pa eyenete atemar ikisecit.