Ŋilep. 16:4 - Ebaibul

⁴ Emaikina iŋes tonap esati, tonap alotooma esati ŋilowi ŋice ŋulu amilimilak; toenik arokoba ŋina amilimilan nacir keŋ, ido nai tonap akopiya ŋina amilimilan. Erae ŋinapen ŋul ŋulu asegak. Emaikina iŋes kiloŋar, ido nai tonap ŋinapen ŋul.

Ŋilep. 16:4 Iomraidhean Croise

Awos. 28:2

Kitiyau ŋilowi ŋulu ka apolou ka akibuses ŋulu enapi lokaato kon Aron.

Awos. 29:4

Kidau akitiya ŋun, yau Aron ka ŋidwe keŋ ŋulusapa lopuke ŋolo ke Eema a ŋolo iryamununoi ikes, kiloŋa ikes a nen a ŋakipi.

Awos. 30:20

Emaikina ikes kitiyata ŋun apaki ŋina elomaryata tooma Eema ŋolo iryamununoi, kori apaki ŋina eapuuniata ikes Namuroet akitiya nen, akicuny ainakinet aŋuna ke Ekapolon. Emaikina ikes kisitiyata ŋakipi ŋun akilotarya ŋakan ka ŋakejen kec, ikotere ikes nyetwaka.

Awos. 40:12

Ani irikakin, iyau Aron ka ŋidwe keŋ ŋulusapa lopuke ŋolo ke Eema a ŋolo iiryamununosi ŋituŋa, kiloŋa ikes a ŋakipi a nen.

Isa. 53:2

Abu iŋes topolou alokiŋaren Ekapolon esibit ekitoe ŋolo alomunan ka esibit akipuriteunet ŋina erupunit anakwap a ŋina eonit; amam epite ŋolokitamet iŋes, kori akibuses ŋina ikiinakini iwon akitere iŋes, amam ibore alotakane keŋ ŋini epedori ainakin iwon akiitan iŋes.

Esek. 44:19

Ani elomarete ikes nalapatu ŋina alokiŋa Akai ka Akuj, nalapatu ŋina ayakaunun ŋituŋa ŋuluce, amaikina ikes tolacasi ŋilowi ŋulu sek etiyata alotooma, tolacakis nagulei ŋuna etaleunitoe, ido tonapa ŋilowi ŋice, ikotere ikes nyeya akitaleuno alolowi kec neni a ŋituŋa.

Esek. 9:2

Apotu nai ŋikilyok ŋikanikapei potu alowae a ŋolo a epuke a ŋolo ayai neni amukur alowae a ŋolo alo Kuju Akai ka Akuj. Ayakar ŋolokile ibore ŋiniaaret, arukito ŋikilyok ŋul ka ekile ŋolo anapit ŋilowi ŋulu amilimilak, toyakar nawae keŋ ibore ŋini aya ŋiboro ŋulukigiret. Apotu ikes tolomasi tooma towua alodiyete namuroet ŋina etiyaunitae ke eburonis.

Ŋilep. 16:23

“Ani kedau Aron ŋun, emaikina toloma loeema ŋolo ilipere, tolaca ŋilowi ŋulu amilimilak, ŋulu abu iŋes tonap elomari nakibois ŋina Asegan nooi, ido emaikina kimyek iŋes ŋilowi ŋul a nen.

Ŋilep. 16:24

Emaikina iŋes kiloŋar anakibois a ŋina asegan, ido tonap ŋilowi keŋ ŋulu sek enapenene. Tolomu nai kiŋa inak Ekapolon ainakinet keŋ ŋina epeyo ka ainakinet a Ŋisirael ŋina epeyo. Tomookun bon ka tomooku ŋituŋa.

Ŋilep. 16:32

Esacaradoti ŋolo adaun akios a akimyet ka akituruwor esacaradoti ŋolo Apolon nooi, ŋolo ilunyokin lorot a papa keŋ, iŋes emaikina kitiya amooki ka iŋes emaikina tonap ŋilowi ŋulu ke etal ŋulu amilimilak,

Ŋilep. 6:10

Emaikina esacaradoti tonap ŋilowi keŋ ŋulu amilimilak ka ŋulu alotooma daŋ ŋulu amilimilak, ido tomuda ekuron ŋolo ka ainakinet a ŋina adau akim anyamuwar alokidiama namuroet, tomudak diyete namuroet.

Ŋilep. 6:3

kori ani kirapu iŋes ibore a ŋinice, ido nyelimo, kori kikoŋ alyokonu epega alotooma ibore ŋini epedori ituŋanan akitiya, ido tosec anakiro aŋun,

Luk. 1:35

Toboŋok emalaika tema, “Ebuni Etau ŋolo Asegan neni kon, nabo ikirapuwari iyoŋ apedor ŋina ka Akuj a ŋina alokidiama, ikwa aribo ŋina ke edou. Aŋun, ikoku ŋini idouni iyoŋ, eruwor ŋini ka Akuj ka enyarao Lokoku ka Akuj.

Ŋipil. 2:7

Nai, abu iŋes elope kituruwor ekoŋinait, abu kikok eketiyan, ikwapei edounitere iŋes erae ituŋanan.

Ŋibur. 10:22

Aŋun, oapiyasi neni ka Akuj a ŋitai a ŋulu iwuapito ŋuna a kire ka ananupit a ŋina egogoŋ; nabo a ŋitai a ŋulu iteseguna anasecisya ka ŋawat ŋuna adaun akilotar a ŋakipi a ŋuna asegak.

Ŋibur. 2:14

Aŋuna eraakatar ŋituŋa ŋulu enyarit iŋes ŋidwe, ŋulu eya ŋawat ka ŋaokot, abu Yesu tomora ka ikes ekuwane ŋol; ikotere alotooma atwanare keŋ inyasuni Satan ŋolo epolokinit atwanare.

Ŋibur. 7:26

Yesu nai erae Esacaradoti yok ŋolo Apolon nooi, ŋolo ikitemokino iwon anakiitanit a daadaŋ. Eseg iŋes alotau, emam asecit ka emam ŋuna inyasito iŋes; etyakaritae iŋes alokasecak ka ekyaar iŋes kidiama nakuj.