Ŋilep. 16:31 - Ebaibul

³¹ Erae akoloŋit ŋin ŋina a Sabato, ŋina emaikina kieŋunere, ido emaikina iyes kiredakis akiron; erae ŋun ŋakiro ŋuna etubunitoe ŋuna a ŋikaru ka ŋikaru.

Ŋilep. 16:31 Iomraidhean Croise

Esir 8:21

Abu nai ayoŋ olimu atemar kiredakinae akiron anaŋolol Aapa, emika ŋawat kosi alokiŋaren Akuj kosi ibore ŋini ecamito ka eŋita iŋes ikiyok isua analosit kosi kaapei ka ŋidwe kosi ka a ŋuna a ŋiboro a daadaŋ ŋulu ikiyakar isua,

Awos. 31:15

Kitiyata ŋiticisyo kus alotooma ŋirwa ŋikanikapei bon, nai akoloŋit ŋina a ŋakanikaarei, erae ŋina a Sabato, ŋina italetoe aŋuna ka akieŋunia akoloŋit ŋina italetoe aŋuna ke Ekapolon. Ituŋanan daadaŋ ŋini itiyae etic edio akoloŋit ŋina a Sabato, emaikina toarae.

Awos. 35:2

“Emaikina iyes kitiyata ŋiticisyo kus alotooma ŋirwa ŋikanikapei, akoloŋit ŋina a ŋakanikaarei, kituruwosi akoloŋit ŋin ŋina asegan, akoloŋit ŋina a Sabato ŋina ka akieŋun aŋuna ke Ekapolon. Ituŋanan daadaŋ ŋini itiyae etic edio akoloŋit ŋin, emaikina toarae.

Isa. 58:3

Ebasi ikes, “Kaanukiro ikiredanakinia isua akiron, nai nyikite iyoŋ isua? Ikitiditeunun isua make, nai nyimisit iyoŋ.” Topupokisi, itiyaete iyes ŋuna ikitalakarito iyes pei akoloŋit ŋina iredanakineta akiron, ido isicanito iyes ŋiketiyak kus.

Isa. 58:5

Itamete iyes erae ŋin akiredakin akiron ŋina acamit ayoŋ a? Itiditeuna iyes alotooma akoloŋit apei bon a? Acamit mono ayoŋ akijurur a ituŋanan esibit eoot ŋolo isijuurui ekuwuam a? Acamit mono ayoŋ akiper kus aloguniyae ka alokurono a? Erae mono ibore ŋin akiredanakin akiron a? Erae mono ŋin akoloŋit ŋina italakarit Ekapolon a?

Dan. 10:12

Tema iŋes neni kaŋ, “Daniel nyikuryaniar, anerae ameun akoloŋit ŋina esyaunan ŋina icamunia iyoŋ akitiditeun bon alokiŋaren Akuj ikotere iryamuni ayenut ŋakiro, eirar ŋakiro kon, ido abunit ayoŋ aŋuna a ŋakiro kon.

Ŋilep. 23:32

Erae akoloŋit ŋin ŋina a Sabato ŋina emaikina kieŋunere, ido itemokino iyes kiredakis akiron. Ameun eboŋ, ŋirwa ke elap a ŋol ŋikanikaomwon, akitodol ataboŋ ŋinace, emaikina iyes totamunito Sabato.”

Ŋilep. 25:4

Nai ani edoli ekaru ŋolo a ŋikanikaarei, emaikina ŋalup kieŋut toryamut Sabato kec, Sabato ŋina erae etal ke Ekapolon. Nyitata ŋimanikorin kus, kori nyitubo ŋaten a ŋikito kus a ŋulu ke epiini.