Ŋilep. 16:2 - Ebaibul

² Tema Ekapolon neni a Moses, “Tolimok lokaato kon Aron atemar nyeloma adiopaki nakibois ŋina asegan nooi, nyeloma yaye anaŋga kiŋaren ekicoloŋ ŋolo ka akisyonio ŋolo eyai kidiama Asaduku ŋina ka Acamunet, ani kebu nen, etwani, anerae atakanuni ayoŋ alodou omin kidiama ekicoloŋ ŋol.

Ŋilep. 16:2 Iomraidhean Croise

1 Ŋirw. 6:16

Topaka iŋes agule kwap Kai. Arae aoyau a agule a ŋin alokwap tari kidiama ŋimitae ŋikanikaomwon. Apakaritae agule ŋin a ŋakito a ŋuna a Cedar. Abu iŋes todukok agule ŋin tooma Akai ka Akuj erae akibois ŋina asegan ka akibois ŋina asegan nooi.

1 Ŋirw. 8:6

Ani irikakin todakasi ŋisacaradotin Asaduku ŋina ka Acamunet ke Ekapolon nakibois ŋina amaikina kiwuakinae alo Kai ka Akuj, nakibois ŋina Asegan nooi; kiwuakis kwap neni arounito ŋabebenuk a Ŋikerubim.

2 Ŋakiro a ŋirwa 5:14

nyepedosi ŋisacaradotin akitiya ŋiticisyo kec a nen, anerae abu adis toburusiya nen, aŋuna abunio akica ke Ekapolon kilelebun Kai ka Akuj.

Awos. 30:10

Alotooma ekaru, emaikina Aron kitiya akitiyaet apei bon a Namuroet a ŋin etal ŋolo ka alemar ŋasecisya. Emaikina iŋes kiosak neni esibit ŋamomwar a Namuroet ŋaokot a ibarasit a ŋini eyaunitae aŋuna ka alemarya asecit. Emaikina kitiyae a ŋolokaru a nanyameta a daadaŋ. Emaikina Namuroet ŋin erae ŋina italeunitoe aŋuna kaŋ a Ekapolon.”

Ŋilep. 16:13

Emaikina iŋes kiwuak ekinyate ŋol nakim alokiŋaren Ekapolon, ikotere toburusiya apuru ke ekinyate nakibois ŋina ka akisyonio ŋina eyai kidiama Asaduku ŋina ka Acamunet, erae ŋun akiretakinia iŋes nyetwana.

Ŋilep. 16:34

Emaikina iyes torubakis iwuapito ŋakiro ŋuna etubunitoe ŋun ŋikaru ka ŋikaru. Emaikina iyes tomookete Ŋisirael a ŋolokaru aŋuna a ŋasecisya kec amookunet epei.” Abu nai Moses kitiya ŋun lopite ŋolo ecikitor Ekapolon iŋes.

Ŋilep. 23:27

“Ani edoli ŋirwa ke elap ŋitomon, elap ŋolo a ŋikanikaarei, erae akoloŋit ŋin ŋina itiyaere amooki. Tocunakinos iwapei irae ŋulu asegak, kiredakisi akiron ka yaasi ainakinet ŋina epeyo neni ke Ekapolon.

Ŋilep. 8:35

Emaikina iyes kiboiyoto ŋirwa ŋikanikaarei apaaran ka akuwar alopuke ke eema a ŋolo ilipere, kitiyata ŋuna ecamit Ekapolon iyes kitiyata, ikotere nyitwaka; anerae ŋuna abu Ekapolon ekecikak ayoŋ ikes ŋun.”

Ekim. 17:10

Tolimok Ekapolon Moses tema, “Kinyakak ebela ŋolo ka Aron diyete Asaduku ŋina ka Acamunet, kiŋadakinae nen erae akitaanyikinet neni a ŋikaŋerok, ikotere itojoŋoito ikes akiŋuruŋura neni kaŋ, ani kitiyata ikes ŋun etwakete.”

Ekim. 18:7

Nai iyoŋ ka ŋidwe kon ŋulusapa kitiyata ejok ŋiticisyo kus ŋulu ka asacaradotonu alotooma daadaŋ ŋuna iitana anamuroet ka anakibois a ŋina asegan nooi. Akainak ayoŋ iyoŋ asacaradotonu ikwapei ainakinet, ituŋanan ŋinigela daadaŋ ŋini eapuuni nen, emaikina toarae.”

Ekim. 4:19

Emaikina iyes kitiyata nu, ikotere ikes eyarete ka nyetwaka apaki ŋina eponiata ikes diyete ŋiboro ŋulu asegak nooi ŋul, emaikina Aron ka ŋidwe keŋ ŋulusapa tolomasi tooma eema tokorakis ŋolokile etic keŋ, ido tolimokis ŋolokile ŋiboro ŋulu emaikina iŋes todak.

Ekim. 4:5

“Apaki ŋina ewotokinia alomar, elomarete Aron ka ŋidwe keŋ ŋulusapa loeema tolacut anaŋga ŋina etyakit neni eyai Asaduku ŋina ka Acamunet ka akibois ŋinakilipet, emaikina ikes tolacut anaŋga ŋin kimukoryata Asaduku ŋina ka Acamunet,

Mat. 27:51

Tocila anaŋga ŋina eneno alo Kai ka Akuj beret ageun alokidiama tari kwap. Tomaranik akwap tobwaŋabwaŋas ŋamoru.

Ŋibur. 6:19

Ikiyakar iwon akigeno na erae ŋina ikituruworit iwon ŋulu ikiuna ka ŋulu nyikiryaŋiryaŋa ka itogogoŋit akiyar yok. Edolit akigeno na tari yaaye anaŋga ŋina ineno alokai ka Akuj kiteriboorite akibois ŋina eyai kidiŋ jik Akai ŋina anakuj.

Ŋibur. 9:25

Elomanari Esacaradoti ŋolo Apolon nooi ŋolo a Ŋiyudayan Nakibois ŋina Asegan nooi alomaret apei bon a ŋolokaru etiŋit ŋaokot ŋuna a ibarasit, meere ŋuna keŋ. Nai pa alomari Kristo nen, ikotere inakinor ŋarwa ŋuna alalak,

Ŋibur. 9:3

Yaaye anaŋga ŋina eneno alotooma, ayai agule ŋina a ŋaarei ŋina anyaritae Akibois ŋina Asegan nooi.

Ŋibur. 9:5

Kidiama Asaduku ŋina ka Acamunet, ayakasi ŋisubuna ŋulu a ŋabebenuk ŋulu esileereunito ayakau ŋina ka Akuj, emukunito ŋabebenuk kec akibois ŋina ka akisyonio. Nai meere tokona apaki na ŋina isisyaunere ŋakiro daadaŋ ŋuna ikamunito ikes.

Akis. 15:8

Kilelebun Kai ka Akuj apuru ŋina abunit anakica ka anapedor a ŋina ka Akuj. Amam ituŋanan ŋini apedori alomar Kai ka Akuj akitodol ŋina asaluniata ŋakisicaneta ŋunakanikaarei ŋuna ayaunete ŋimalaikan ŋulukanikaarei.