Ŋilep. 16:15 - Ebaibul

¹⁵ “Ani irikakin ŋun, elemuni iŋes ekoroe ŋolo erae ainakinet aŋuna ka asecit a ŋituŋa, toar ya ŋaokot yaaye anaŋga, kisitiya lopite ŋolo abunio kisitiyaa ŋuna ke emoŋ: kipakak kiŋaren akibois ŋina ka akisyonio ka kiŋaren Asaduku ŋina ka Acamunet.

Ŋilep. 16:15 Iomraidhean Croise

Ŋilep. 16:2

Tema Ekapolon neni a Moses, “Tolimok lokaato kon Aron atemar nyeloma adiopaki nakibois ŋina asegan nooi, nyeloma yaye anaŋga kiŋaren ekicoloŋ ŋolo ka akisyonio ŋolo eyai kidiama Asaduku ŋina ka Acamunet, ani kebu nen, etwani, anerae atakanuni ayoŋ alodou omin kidiama ekicoloŋ ŋol.

Ŋilep. 4:21

Ani kirikak ŋun, emaikina iŋes ya emoŋ kicuny alokiŋa alomar, lopite ŋolo abunio iŋes kicunyia ŋolo alemarere asecit alotuŋa.

Ŋilep. 4:5

Emaikina nai esacaradoti ŋolo Apolon nooi ŋol tolemu ŋaokot ŋadi alomoŋ, ido ya loeema ŋolo ilipere,

Ekim. 17:11

Kitiya Moses ŋun lopite ŋolo ecikitor Ekapolon iŋes.

Ekim. 28:15

Tosodi emaikina yaunae ekoroe epei erae ainakinet neni ke Ekapolon aŋuna ka asecit a ŋina emaikina yaunae kaapei ka ainakinet ŋina epeyo a ŋinakoloŋit ta ainakinet ŋina a ŋimaten.

Ŋibur. 2:17

Apolou a ŋakiro a ŋun atemar etemokino iŋes kikwaanikinos ka ŋikaitotoi keŋ alopitesyo a daadaŋ, ikotere toruwor Esacaradoti ŋolo Apolon nooi ŋolo isyoniono, ŋolo ikinyoma alotic ka Akuj, ikotere elemarere ŋasecisya a ŋituŋa.

Ŋibur. 5:3

Ido aŋuna epalagia iŋes daŋ, itemokino inak ŋamuronisya aŋuna a ŋasecisya keŋ, meere aŋuna a ŋasecisya a ŋituŋa bon.

Ŋibur. 6:19

Ikiyakar iwon akigeno na erae ŋina ikituruworit iwon ŋulu ikiuna ka ŋulu nyikiryaŋiryaŋa ka itogogoŋit akiyar yok. Edolit akigeno na tari yaaye anaŋga ŋina ineno alokai ka Akuj kiteriboorite akibois ŋina eyai kidiŋ jik Akai ŋina anakuj.

Ŋibur. 7:27

Nyikwaan iŋes ka ŋisacaradotin ŋulu apolok nooi ŋuluce; nyiitana iŋes ainanakin ŋamuronisya neni ka Akuj a ŋinakoloŋit, mono, aŋuna a ŋasecisya keŋ ka aŋuna a ŋasecisya a ŋulucetuŋa, anerae apaki ŋina ainakinia akuwan keŋ, abu inak amuronot apeiinakinet ŋina itemokino jik.

Ŋibur. 9:12

Abu Kristo toloma loeema akitodol Nakibois ŋina Asegan nooi apeilomaret ŋina itemokino jik; pa atiŋit iŋes ŋaokot ŋuna a ŋamee ka ŋuna a ŋitak a ŋulu moŋin, nai abu toloma a ŋaokot keŋ ke elope, ido eyau alakuno yok ŋina a jik.

Ŋibur. 9:13

Ewuatanakinete ŋisacaradotin ŋituŋa ŋulu esecito ŋitalyo ŋaokot a ŋamee ka ŋuna a ŋimoŋin ta ekuron ŋolo a ataok a ŋina icunyitae erae amuronot, ikotere kitaleunotor ikes.

Ŋibur. 9:3

Yaaye anaŋga ŋina eneno alotooma, ayai agule ŋina a ŋaarei ŋina anyaritae Akibois ŋina Asegan nooi.

Ŋibur. 9:7

nai arae Esacaradoti ŋolo Apolon nooi bon elomanari nagule ŋina a ŋaarei ŋina a yaaye anaŋga apeilomaret a ŋolokaru. Nyepedori iŋes alomar nen emam ŋaokot ŋuna ka ajulot, ŋuna einakini iŋes Akuj kisyoniyere ŋasecisya keŋ ka ŋasecisya ŋuna apotu ŋituŋa kitiyata pa eyenete atemar ikisecit.