Ŋilep. 16:14 - Ebaibul

¹⁴ Emaikina iŋes tolemu ŋaokot a emoŋ ŋadi, kipakak ke ekimoin keŋ kiŋaren akibois ŋina ka akisyoniyo; kipakak ŋace ke ekimoin keŋ ŋawuatakinet ŋakanikaarei kiŋaren Asaduku ŋina ka Acamunet.

Ŋilep. 16:14 Iomraidhean Croise

Ŋilep. 16:19

Emaikina iŋes kipakak ŋaokot ŋun ŋadi ke ekimoin keŋ ŋawuatakinet ŋakanikaarei namuroet ŋin, ikotere kitesegunae namuroet ŋin, ido kitaleunoe anasecit a ŋina a Ŋisirael.

Ŋilep. 4:17

kilumok ekimoin keŋ naokot, ido kipakak ŋakipakakinet ŋakanikaarei alokiŋaren Ekapolon kiŋaren anaŋga ŋina ka akibois a ŋina asegan.

Ŋilep. 8:11

Abu nai iŋes kipakak akimyet ŋin ace namuroet ŋawuatakinet ŋakanikaarei. Kitaleu amuroet ka ŋiboro keŋ daadaŋ kaapei ka abesen ta neni ewuar namuroet.

Ekim. 19:4

Elemuni Eleasar ŋolo erae esacaradoti ŋaokot ataok a ŋin ŋadi a ekimoin keŋ, towuatak kiŋaren eema ŋolokilipet ŋawuatakinet ŋakanikaarei.

Ŋibur. 10:19

Ŋikaitotoi, ikiya tokona iwon ka atitinyu ŋinalomaret Nakibois ŋina Asegan nooi aŋuna ka atwanare a ŋina a Yesu.

Ŋibur. 10:4

Anerae nyepedorete jik ŋaokot a ŋimoŋin ka ŋuna a ŋamee alemar ŋasecisya a ŋituŋa.

Ŋibur. 12:24

Arae neni a Yesu iponito iyes, ŋolo abu kitemok Acamunet ŋina Kitete ka anaokot a ŋuna etesegunak anasecisya, ŋuna eyai apolou nooi akilo ŋuna ka Abel.

Ŋibur. 9:13

Ewuatanakinete ŋisacaradotin ŋituŋa ŋulu esecito ŋitalyo ŋaokot a ŋamee ka ŋuna a ŋimoŋin ta ekuron ŋolo a ataok a ŋina icunyitae erae amuronot, ikotere kitaleunotor ikes.

Ŋibur. 9:21

Ikwaŋinapei, abu Moses towuatak ŋaokot ŋun loeema ŋolo arae Akibois ŋina Asegan ka loboro daadaŋ ŋulu esitiyao ilipyo.

Ŋibur. 9:25

Elomanari Esacaradoti ŋolo Apolon nooi ŋolo a Ŋiyudayan Nakibois ŋina Asegan nooi alomaret apei bon a ŋolokaru etiŋit ŋaokot ŋuna a ibarasit, meere ŋuna keŋ. Nai pa alomari Kristo nen, ikotere inakinor ŋarwa ŋuna alalak,

Ŋibur. 9:7

nai arae Esacaradoti ŋolo Apolon nooi bon elomanari nagule ŋina a ŋaarei ŋina a yaaye anaŋga apeilomaret a ŋolokaru. Nyepedori iŋes alomar nen emam ŋaokot ŋuna ka ajulot, ŋuna einakini iŋes Akuj kisyoniyere ŋasecisya keŋ ka ŋasecisya ŋuna apotu ŋituŋa kitiyata pa eyenete atemar ikisecit.