Ŋilep. 15:13 - Ebaibul

¹³ “‘Ani italeunio ekile ŋolo elele ibore anakuwan ŋol emaikina iŋes kiriya ŋirwa ŋikanikaarei eyai lotal ŋolo ka akitaleuno; emaikina iŋes kilota ŋilowi keŋ, kiloŋar anakipi a ŋuna keriŋa eokunio, toruwor nai ŋolo nyitoroniyaritae.

Ŋilep. 15:13 Iomraidhean Croise

Awos. 29:35

“Emaikina iyoŋ kitiya neni ka Aron ka neni a ŋidwe keŋ a ŋulusapa, ŋakiro ŋun daadaŋ ikwapei ekecikia ayoŋ iyoŋ. Kituruwo ikes ŋisacaradotin alotooma ŋirwa ŋikanikaarei.

Awos. 29:37

Emaikina iyoŋ iya ŋirwa ŋikanikaarei iyayenene Namuroet ainakinet ŋina elemarere asecit ka itale Namuroet. Ŋun nai ituruworete Namuroet ŋin ŋina Asegan nooi, ido ibore daadaŋ ŋini etapakin neni keŋ, eruworŋini eseg.”

Yer. 33:8

Etaleuni ayoŋ ikes anasecit a daadaŋ a ŋina esecito ikes neni kaŋ, esyoni ayoŋ ikes aŋuna ka asecit kec a daadaŋ a ŋina aponiata okoŋeryoto ayoŋ.

Ŋilep. 14:10

“Ani epete ŋirwa ŋikanikauni, emaikina iŋes tolemu ŋikaalei ŋulumoŋin ŋiarei ka ikale ipei ŋiniberu ŋinimesek. Emaikina ŋikaalei ŋul emam neni eŋwalito ka nyedeparit apolou kec ekaru epei, tolemu daŋ ainakinet ŋina a nyikinyom ŋina erae ŋakiloi ŋauni ŋuna a ŋakirya a ŋuna iguritoe ka akimyet a ŋina nyetalitae a atutubet apei alotooma ŋauni a elita.

Ŋilep. 14:8

Emaikina ituŋanan ŋini italeunio ŋin kilota ŋilowi keŋ, tobanya ŋitim keŋ daadaŋ, ido kiloŋar, eruwor iŋes ŋini nyitoroniyaritae. Ani kirikak ŋun, bu nai nalomar, nai emaikina toper kiŋa eema keŋ ŋirwa ŋikanikaarei.

Ŋilep. 15:28

Ani italeunio aberu ŋina aleleete ŋaokot ŋin, emaikina iŋes kiriya ŋirwa ŋikanikaarei eyai lotal ŋolo ka akitaleuno, toruwor nai ŋina adaun akitaleun, ŋina nyitoroniyaritae.

Ŋilep. 15:5

Ituŋanan daadaŋ ŋini etapi ibore ŋini eperyo ekile ŋol, emaikina kilota ŋilowi keŋ, kiloŋar, ido erubakini ituŋanan ŋin, erae ŋini itoroniyaritae akitodol eboŋ.

Ŋilep. 8:33

Nyemaikina iyes ŋirwa ŋikanikaarei toloto kiŋa epuke ŋolo ke eema a ŋolo ilipere akitodol akoloŋit ŋina edaunotor ŋirwa ŋulu ikituruworere iyes ŋisacaradotin, anerae iayete iyes ŋirwa ŋikanikaarei anakituruworo ŋisacaradotin;

Ŋilep. 9:1

Ani edolete ŋirwa ŋikanikauni, tonyarau Moses Aron ka ŋidwe keŋ ŋulusapa ta ŋikasikou ŋulu a Ŋisirael.

Ekim. 12:14

Nai toboŋok Ekapolon Moses tema, “Ani kerae kimwaakinete papa keŋ iŋes loreet, pa mono kidaŋidaŋit iŋes ŋileec keŋ ŋirwa ŋikanikaarei a? Kimyek togoloroe iŋes kiŋa alomar ŋirwa ŋikanikaarei, ani elunyar ŋirwa ŋul kinyakunae iŋes nalomar.”

2 Ŋikor. 7:1

Ŋikaakonei ŋuluminan, ikiinakinitae iwon ŋakiikineta nu daadaŋ. Aŋun, etesegutu ŋawat yok aloboro a daadaŋ a ŋulu nyitesegete akuwan ka etau, ido oruworos jik ŋulu ikisegak nooi alotooma akerit Akuj.

Yak. 4:8

Toapuutu neni ka Akuj, eapuuni iŋes daŋ neni kus. Kilotasi ŋakan kus iyes ŋikasecak! Kitesega ŋitai kus iyes ŋituŋa ŋulu a ŋitai a ŋiarei!

Akis. 1:5

ta aneni a Yesu Kristo ŋolo erae esuuda ŋolo ikinyomitae, ŋolo esyaunan ayarun alokatwak, torae daŋ ekepukan ŋolo a ŋirwosi a ŋulu ka akwap. Ikimina iŋes iwon, ka aŋuna ka atwanare keŋ abu itolacak iwon anasecisya yok.