Ŋilep. 14:7 - Ebaibul

⁷ Emaikina esacaradoti towuat ituŋanan ŋin ŋini italeunio ŋawuatakinet ŋakanikaarei, ido nai tolimo atemar mam ŋuna itoroniyaritere ituŋanan ŋin, kimyek nai ikenyit ŋin ŋini eyari toporo nariet.

Ŋilep. 14:7 Iomraidhean Croise

2 Ŋirw. 5:10

Kiyakiya Elisa ituŋanan alimokin Naaman ebe, “Tolot kiloŋari anaŋolol Yorodan ŋakiloŋaret ŋakanikaarei tosodi tojokyar akuwan kon toŋaleu.”

2 Ŋirw. 5:14

Aŋun abu iŋes tocamu atiyaar naŋolol Yorodan kiloŋari ŋakiloŋaret ŋakanikaarei lopite ŋolo kirworitor ekadwaran Elisa; tojokyar akuwan keŋ todeletet kikok ŋina a edya a ŋolo cici, toŋaleu.

Ŋikiru. 51:2

kilota aronis kaŋ jik, ido kitesegunae ayoŋ anasecit kaŋ.

Ŋikiru. 51:7

Kitesegunae ayoŋ oruwor ŋini aseg; kilotarae ayoŋ tokwaŋiar etau kya.

Isa. 52:15

aŋun, eumokinete ŋituŋa a ŋakwapin a ŋuna alalak, ililiŋete ŋirwosi aŋuna keŋ, anerae iŋolikinete ikes ŋakiro ŋuna pa alimokinitae ikes ka eyenunete ikes ŋakiro ŋuna pa eirarito.

Esek. 36:25

Akawuatakini ayoŋ iyes ŋakipi ŋuna aliwak, ido italeunosi iyes anakiro a ŋuna aronok a daadaŋ ka eketaleuni ayoŋ iyes anakujo kus a daadaŋ.

Dan. 9:24

“Erae ŋisabito ŋulutomonikanikaarei apaki ŋina etubunit Akuj akitiyakinia nu aŋuna a ŋituŋa kon ka aŋuna ke etaun a ŋolo asegan: Akitojoŋore ŋituŋa abilibil ŋikisila, akitojoŋore ŋituŋa asecenen, amookuun ŋituŋa anaronisya kec, ayaun lotuŋa akiyookino ŋinaruba ka akisiyookin akisileerekinet ka ŋakiro a ŋikadwarak ta akitaleun akibois ŋina asegan nooi.

Ŋilep. 13:13

emaikina kisyeme esacaradoti ituŋanan ŋin, ani kiburusiyarit edeke akuwan daadaŋ, emaikina iŋes tolimo atemar mam ŋuna itoronitere ituŋanan ŋin aŋuna akwaŋunia akuwan keŋ daadaŋ, erae iŋes ŋini nyitoroniyaritae.

Ŋilep. 13:17

Emaikina esacaradoti kisyeme ituŋanan ŋin, ani kekwaŋunito ŋiboorei ŋulu ilebulebunito anakuwan keŋ, emaikina esacaradoti tolimo atemar mam ŋuna itoronitere iŋes. Erae iŋes ŋini nyitoroniyaritae.

Ŋilep. 14:51

Tolemu nai akitoe a cedar, isop ka ausi ŋina kipurat-areŋan ta ikyeny ŋini idoŋit eyari ŋin, kilumok ŋul daadaŋ naokot a ikyenyit a ŋini aarakinio kidiama nakipi ŋuna keriŋa eokunio, ido towuat akai ŋawuatakinet ŋakanikaarei.

Ŋilep. 16:14

Emaikina iŋes tolemu ŋaokot a emoŋ ŋadi, kipakak ke ekimoin keŋ kiŋaren akibois ŋina ka akisyoniyo; kipakak ŋace ke ekimoin keŋ ŋawuatakinet ŋakanikaarei kiŋaren Asaduku ŋina ka Acamunet.

Ŋilep. 16:19

Emaikina iŋes kipakak ŋaokot ŋun ŋadi ke ekimoin keŋ ŋawuatakinet ŋakanikaarei namuroet ŋin, ikotere kitesegunae namuroet ŋin, ido kitaleunoe anasecit a ŋina a Ŋisirael.

Ŋilep. 16:22

Elosyo ekoroe ŋol aronis ŋin daadaŋ nakibois ŋina erae aloŋisat, ani edoli ekoroe ŋol nen, kimyekinae kipasaa bon nariet.

Ŋilep. 4:17

kilumok ekimoin keŋ naokot, ido kipakak ŋakipakakinet ŋakanikaarei alokiŋaren Ekapolon kiŋaren anaŋga ŋina ka akibois a ŋina asegan.

Ŋilep. 4:6

kilumok ekimoin keŋ naokot, ido kipakak ŋakipakakinet ŋakanikaarei alokiŋaren Ekapolon kiŋaren anaŋga ŋina ka akibois a ŋina asegan.

Ŋilep. 8:11

Abu nai iŋes kipakak akimyet ŋin ace namuroet ŋawuatakinet ŋakanikaarei. Kitaleu amuroet ka ŋiboro keŋ daadaŋ kaapei ka abesen ta neni ewuar namuroet.

Mika 7:19

Ikisyoni iyoŋ isua nabo; ikwaanikin ŋasecisya kosi ka ibore ŋini ipudaari iyoŋ a ŋakejen. Ilemari iyoŋ ŋasecisya kosi, ikwaanikin ka ibore ŋini imasaryo nanam kwap ŋakipi.

Ekim. 19:12

Epedorete ikes akiteseguno a ŋakipi edolete ŋirwa ŋiuni ka edolete ŋirwa ŋikanikaarei, ameun anakoloŋit a ŋina etoroniyarere ikes; aŋun, nyitoroniyaryo ikes. Nai ani pa kitesegunosi ikes edolete ŋirwa ŋiuni ka edolete ŋirwa ŋikanikaarei, nyitesegunio ikes nabo.

Yoa. 19:34

Nai kicum esigarit epei ka akwara Yesu losyep; toleleut atipei ŋaokot ka ŋakipi anakicuma.

Ŋibur. 10:22

Aŋun, oapiyasi neni ka Akuj a ŋitai a ŋulu iwuapito ŋuna a kire ka ananupit a ŋina egogoŋ; nabo a ŋitai a ŋulu iteseguna anasecisya ka ŋawat ŋuna adaun akilotar a ŋakipi a ŋuna asegak.

Ŋibur. 12:24

Arae neni a Yesu iponito iyes, ŋolo abu kitemok Acamunet ŋina Kitete ka anaokot a ŋuna etesegunak anasecisya, ŋuna eyai apolou nooi akilo ŋuna ka Abel.

Ŋibur. 9:13

Ewuatanakinete ŋisacaradotin ŋituŋa ŋulu esecito ŋitalyo ŋaokot a ŋamee ka ŋuna a ŋimoŋin ta ekuron ŋolo a ataok a ŋina icunyitae erae amuronot, ikotere kitaleunotor ikes.

Ŋibur. 9:19

Aŋun, abu Moses tolimok ŋituŋa ŋakiro daadaŋ ŋuna aponi kicikakinae iŋes lopite ŋolo egiritere Lokisila. Tolemu nai ŋaokot a ŋitak a ŋulu moŋin ka ŋuna a ŋamee kimorik ka ŋakipi. Ani irikakin, tolemu ateni ŋina aya ŋakwii alokitoe a ŋolo anyaritae Isop ka ŋajul ŋuna areŋak ŋuna a ŋamesekin, ido towuasya ekitaabo ŋolo a Ŋikisila ka ŋituŋa daadaŋ.

Ŋibur. 9:21

Ikwaŋinapei, abu Moses towuatak ŋaokot ŋun loeema ŋolo arae Akibois ŋina Asegan ka loboro daadaŋ ŋulu esitiyao ilipyo.

Ŋibur. 9:26

anerae kerae kikote nen, kisicanitae iŋes ŋarwa ŋuna alalak ŋinapei ka asubunet Akuj akwap. Akilo, abu iŋes bu abunet apei ŋina itemokino jik tari nasalunet, ikotere tolema asecit anamuronot keŋ ke elope.

1 Pet. 1:2

Ikiseu iyes Akuj Papa anayenut keŋ a daadaŋ ka ikituruwo ŋituŋa ŋulu ikiteseg Etau keŋ, akiwuap Yesu Kristo ka ikitesegun a ŋaokot keŋ. Tolalaar aneni kus ajokis ka ekisil!

1 Yoa. 5:6

Abu Yesu Kristo bu a ŋakipi a ŋuna ke ebatisimu keŋ ka a ŋaokot a ŋuna ka atwanare keŋ. Nyebuno iŋes a ŋakipi bon, nai abu bu a ŋakipi ka ŋaokot. Nabo daŋ elimorit Etau elope atemar erae nu ŋuna a kire, anerae erae Etau ŋolo a kire.