Ŋilep. 14:34 - Ebaibul

³⁴ “Ani kidaut iyes alomar nakwap a Kanaan ŋina akainakini ayoŋ iyes toruwor ŋina kus, ido ewuak ayoŋ ibore ŋini ikunoikinit kai adio ŋina a ituŋanan a ŋini anakwap kus,

Ŋilep. 14:34 Iomraidhean Croise

Akisy. 12:7

Totakanu Ekapolon neni ka Aburam kirworik tema, “Ainakini ayoŋ akwap na neni a eletonit kon.” Aŋun, todukok Aburam Namuroet nen aŋuna ka atamunitor Ekapolon ŋolo abu totakanu neni keŋ.

Akisy. 13:17

Tonyou! Kirimok akwap ŋin daadaŋ etya neni etya, anerae abuni ayoŋ ainakin iŋes neni kon.”

Akisy. 17:8

Akainakini ayoŋ iyoŋ ka ŋiletok kon akwap na ŋina tokona iraakatar iyes ŋigelaanotin, akwap ŋina a Kanaan daadaŋ, toruwor ŋina kus jik, ido aruwor ayoŋ Akuj a ŋiletok kon.”

Awos. 15:26

tema, “Ani kiwuapa iyes ejok ŋuna irworo Ekapolon Akuj kus, ido kitiyata ŋuna iyookino alokiŋaren kaŋ, totamunito nooi akiwuapit ŋakiciketa ka ŋikisila kaŋ daadaŋ, nyayauni ayoŋ neni kus adio a ŋakisicaneta a ŋuna abu ayoŋ esicania Ŋijipitian, anerae arae ayoŋ Ekapolon ŋolo eketaŋaleununui iyes.”

Ŋakit. 3:33

Iceni Ekapolon ŋikalya a ŋulu aronok, nai iterereŋi ŋikalya a ŋulu iyookino.

Isa. 45:7

Etiyau ayoŋ akica ka etiyau akiryonut, etiyau ayoŋ ŋuna ajokak ka etiyau ayoŋ ŋican; ayoŋ Ekapolon etiyau ŋakiro ŋun daadaŋ.

Ŋilep. 14:33

Tema Ekapolon neni a Moses ka Aron,

Ŋilep. 14:55

ibore ŋini ikunoikini ŋilowi ka ŋakais,

Ŋilep. 20:24

Nai akalimokini tokona ayoŋ iyes atemar, eruwor akwap kec ŋina kus; akainakini ayoŋ iyes toruwor ŋina irumete iyes, akwap ŋin ŋina eleleata ŋakile ka ao. Arae ayoŋ Ekapolon Akuj kus, ŋina akaseu iyes alotuŋa a ŋakwapin a ŋunace.

Ŋilep. 23:10

“Tolimok Ŋisirael ebe, ‘Ani ilomarete iyes nakwap ŋina alosi ayoŋ ainakin iyes, ido tolema ŋikinyom ŋulu itaete iyes, emaikina iyes yaut neni ke esacaradoti ŋaraito ŋuna ilemunete iyes a nen ekiŋaren.

Ŋilep. 25:2

“Tolimok Ŋisirael ebe, ‘Ani ilomarete iyes nakwap ŋina alosi ayoŋ ainakin iyes, emaikina iyes totamunito ekaru ŋolo a ŋikanikaarei aŋuna ke Ekapolon.

Amos 3:6

Ani mono keruu abureryaŋ a emesek alotaun, nyetiŋi mono ekabule ŋituŋa a? Epedorete mono ŋican adolokin etaun pa kecamaki Ekapolon a?

Amos 6:11

Ŋina elimunio Ekapolon akirot keŋ, ielielaar ŋakais ŋuna apolok, inyaadiarosi ŋakais ŋuna cicik.

Mika 6:9

Erae ibore ŋini ejok akitopoloorit Ekapolon. Enyarit iŋes ŋituŋa ŋulu ke etaun ebala, “Topupokisi, iyes ŋituŋa ŋulu itukokina lotaun.

Sakar 5:4

Alimu Ekapolon ŋolo Etiron ŋakiro nu ebe, ‘Eyakiyari ayoŋ ŋicen ŋul, ido epete ŋicen ŋul kai a ŋolokokolan ka kai a ŋini ikoŋi alyokonu alokiro kaŋ. Erubakinete ŋicen ŋul anakais a ŋul, ido emunaarete ŋakito kaapei ka ŋamoru a ŋakais kec.’ ”

Ekim. 32:22

ido kikamarae akwap alokiŋaren Ekapolon, ekaku a ŋun iŋes nai iboŋunioto iyes ne, anerae idaut akiricakin ŋuna amaikina iyes kitiyata aŋuna ke Ekapolon ka aŋuna a Ŋisirael, ido eruwor akwap na ŋina kus alokiŋaren Ekapolon.

Ekim. 32:32

Ikilosi isua nakwap a Kanaan ikiŋarenikinit Ekapolon ka ikitenit aŋuna ke ejie, nai akwap ŋina ikiryamuni isua erae ŋina kosi, idoŋi erae ŋina kosi alowae a lo aŋolol Yorodan.”

Ekim. 35:10

“Tolimok Ŋisirael ebe, ‘Ani ituborosi iyes lowae ye Yorodan, tolomasi nakwap ŋina a Kanaan,

Ŋikis. 12:1

Erae nu ŋakiro ŋuna etubunitoe ka ŋikisila ŋulu emaikina iyes kiwuapa ejok anakwap a ŋina ikiinak iyes Ekapolon kus, Akuj atapapaa kus akiboiyo ŋirwa daadaŋ ŋulu ka akiyar kus anakwap.

Ŋikis. 19:1

Ani emunyari Ekapolon Akuj kus ŋituŋa a ŋakwapin aŋuna ikiini iŋes iyes ka kidaut iyes akiritar ikes, ido kiboikinos lotaunio kec ka nakais kec,

Ŋikis. 26:1

Ani idolete iyes nakwap ŋina ikiinit Ekapolon Akuj kus iyes aruwor ŋina kus, ido kidaut akituruwor iŋes ŋina kus ka kidaut akiboikin nen,

Ŋikis. 27:3

Kigirakis kidiama kec ŋakiro daadaŋ ŋuna a ŋikisila a lu, kidaut iyes adokar ekekwaye alomar nakwap ŋina ikiinit Ekapolon Akuj kus iyes, nakwap ŋina eleleata ŋakile ka ao, lopite ŋolo ikiikinia iyes Ekapolon Akuj atapapaa kus.

Ŋikis. 32:49

“Kitipeiyo lomoru ŋulu ka Abarim, todoka lomoru Nebo ŋolo eyai nakwap a Moab ŋolo iteosi ka Yeriko, torou akwap a Kanaan ŋina abuni ayoŋ ainakin neni a Ŋisirael aruwor ŋina kec,

Ŋikis. 7:15

Itiri Ekapolon aneni kus ŋidekesyo daadaŋ, ŋidekesyo daadaŋ ŋulu etubulok ŋulu ipotu iyes kiŋolikis alo Ijipit, nai imyekini iŋes ŋidekesyo ŋul pena neni a ŋituŋa a ŋulu ikitidiŋito iyes.

Yos. 13:1

Abu Yosua tomojoŋ nooi. Tolimok nai Ekapolon iŋes tema, “Imojoŋ iyoŋ nooi, nai eriŋa nyikamara ŋakwapin ŋuna alalak nooi.

1 Sam. 2:6

Earenene Ekapolon ka iteyarununui; eayenene ŋituŋa nakibois a ŋikatwak, ido inyakununui ikes a nen.