Ŋilep. 14:14 - Ebaibul

¹⁴ Emaikina esacaradoti tolemu ŋaokot ŋadi anaikinet a ŋin a ŋina a ekaile aŋuna ka asecit, kiwuak lokabonibonit ŋolo ka akit a ŋina aloteten a ituŋanan a ŋini italeunio ka lokimoin ŋolo apolon ŋolo ka akan a ŋina aloteten ta lokimoin ŋolo apolon ŋolo ka akeju a ŋina aloteten.

Ŋilep. 14:14 Iomraidhean Croise

Awos. 29:20

Ani irikakinete, toar emesek, ido tolemu ŋaokot ŋadi alomesek, kiosak lokabonibonit ka akit ka Aron a ŋina aloteten ta lokabonibon a ŋaki a ŋidwe keŋ a ŋulusapa ŋuna aloteten. Kiosak daŋ lomoyo a ŋakan kec ŋulu apolok ŋulu aloteten ka lomoyo a ŋakejen kec ŋulu apolok ŋulu aloteten. Ani irikakini akitiya ŋun, towuatak nai ŋaokot Namuroet ŋiwaetin daadaŋ.

Isa. 1:5

Kaanukiro iwaritotor ŋakibuŋaeta ŋace? Kaanukiro irubakinitotor irae ŋikaŋerok? Idyakasi iyes ŋakyes ka alilimiyosi ŋitai kus.

Ŋilep. 14:19

Ya nai esacaradoti ainakinet aŋuna ka asecit tomookunia ituŋanan ŋini etaleunio alopite a ŋolo etoroniyaritere iŋes. Kedau ŋun, emaikina iŋes toar ainakinet ŋina epeyo,

Ŋilep. 14:25

Eari esacaradoti emesek ŋol ŋolo erae ainakinet ŋina a ekaile aŋuna ka asecit, ido tolemu ŋaokot ŋadi a ainakinet a ŋin, kiwuak lokabonibonit ŋolo ka akit a ŋina aloteten a ituŋanan a ŋini italeunio ka lokimoin ŋolo apolon ŋolo ka akan a ŋina aloteten ta lokimoin ŋolo apolon ŋolo ka akeju a ŋina aloteten.

Ŋirom. 12:1

Aŋun nai, ŋikaitotoi kaŋ, aŋuna ka akisyon a ŋina apolon a ŋina ka Akuj neni yok, ekemaimai ayoŋ iyes: kituruwosi ŋawat kus amuronot ŋina eyari aŋuna ka Akuj, ŋina einakinitae neni keŋ ka ŋina italakarit iŋes. Erae ŋol epite ŋolo itemokino iyes kilipyata.

Ŋirom. 6:13

Nyijalakis ediokineri kus neni ka asecit, ikotere nyisitiyae ikwa ibore ŋini ejiyere alowae a ŋolo ka aronis. Nai inakisi ŋakusiwat neni ka Akuj ikwa ŋuna eteyarun alokatwak nakiyar ŋina kitete. Tojalakisi ŋinerin kus daadaŋ neni ka Akuj, ikotere kisitiya ikwa ŋiboro ŋulu ejiyere alowae a ŋolo ka akiyookino.

Ŋirom. 6:19

(Erworo ayoŋ alopite a ŋolo irworotor ŋituŋa ikotere epataniar iyes ayenun ŋakiro kaŋ, anerae ipalag iyes anatameta.) Koloŋ sek ipotu iyes tojala ŋawat kus toruworos ŋipi ŋulu a ŋuna nyesegak ka ŋuna aronok aŋuna ka akitiya ŋuna nyiyookino alokiŋaren Akuj. Ikwaŋinapei, itemokino tokona iyes tojala ŋawat kus toruworos ŋipi ŋulu ka akiyookino, kitiyata ŋuna ka akiyookino alokiŋaren Akuj.

1 Ŋikor. 6:20

Anerae adau Akuj akigyel iyes a egyelit; aŋun nai, kisitiyata ŋawat kus aŋuna ka akitopolooritor Akuj.

2 Ŋikor. 7:1

Ŋikaakonei ŋuluminan, ikiinakinitae iwon ŋakiikineta nu daadaŋ. Aŋun, etesegutu ŋawat yok aloboro a daadaŋ a ŋulu nyitesegete akuwan ka etau, ido oruworos jik ŋulu ikisegak nooi alotooma akerit Akuj.

Ŋikis. 24:8

Tocoito nyielun nen kus edeke ŋolo ka amuny ka akuwan. Emaikina iyes kiwuapa daadaŋ ŋuna ikilimokinete iyes ŋisacaradotin ŋulu erae ŋilepi, lopite ŋolo ecikitor ayoŋ ikes.

Ŋipil. 1:20

eitanit ayoŋ nooi ka egeno atemar nyekerumete jik ayoŋ ŋileec, nai ayakaunor atitinyu ŋina itemokino, anapakio a daadaŋ, nooi tokona, ikwapei sek itopolooritere Kristo aŋuna kaŋ, eriŋa ayari kori katwana.

1 Pet. 2:5

Kimyekisi Akuj ikidukyo iyes ikwa ŋamoru ŋuna eyarete Akai keŋ ŋina ke etau, neni itiyaata iyes iraakasi ŋisacaradotin keŋ, ŋulu iinanakinete ŋamuronisya ŋuna eyaunit Etau, ŋuna ecamit Akuj alotooma Yesu Kristo.