Ŋilep. 14:12 - Ebaibul

¹² Tolemu nai esacaradoti ikale ŋinimoŋ ipei, ya erae ainakinet a ikale aŋuna ka asecit, ya kaapei ka akimyet, erae ŋainakineta ŋuna ikyaanaryo alokiŋaren Ekapolon.

Ŋilep. 14:12 Iomraidhean Croise

Awos. 29:22

“Emaikina daŋ iyoŋ tolemu asepwae ŋina a emesek, asonyok, asepwae ŋina a ŋiboro ka akook, ŋatune ŋuna ke emany, ŋiŋalur ŋuluarei, kaapei ka asepwae kec ka amuro ŋina aloteten. (Erae emesek ŋol ŋolo ituruworere ituŋanan esacaradoti).

Awos. 29:24

kiwuak ŋiboro ŋul daadaŋ nakan ka Aron ka nakan a ŋidwe keŋ a ŋulusapa, kikyaa kidiama iinakini ikes, toruworos ainakinet ŋina ikyaaritae alokiŋaren Ekapolon.

Awos. 29:26

“Ani kidau akitiya ŋun, tolemu atorobu a emesek a ŋolo eturuworere Aron esacaradoti; kikyaa kidiama ikwapei ainakinet ŋina ikyaaritae alokiŋaren Ekapolon, ani kirikak akikyaar, iya toruwor ainakinet kon.

Isa. 53:10

Kikote neni daŋ, arae acamit a Ekapolon atemar kisicanae ka toarae iŋes. Arae atwanare keŋ ŋina amaikina yau akisyon ka Akuj, tosodi ebuni iŋes akiŋolikin ŋipapae keŋ, ebuni iŋes akiyar apaki ŋina aoyan ka alotooma keŋ iyookin acamit a Ekapolon.

Ŋilep. 14:10

“Ani epete ŋirwa ŋikanikauni, emaikina iŋes tolemu ŋikaalei ŋulumoŋin ŋiarei ka ikale ipei ŋiniberu ŋinimesek. Emaikina ŋikaalei ŋul emam neni eŋwalito ka nyedeparit apolou kec ekaru epei, tolemu daŋ ainakinet ŋina a nyikinyom ŋina erae ŋakiloi ŋauni ŋuna a ŋakirya a ŋuna iguritoe ka akimyet a ŋina nyetalitae a atutubet apei alotooma ŋauni a elita.

Ŋilep. 14:11

Emaikina esacaradoti ŋolo italeuni ituŋanan ŋin yau ituŋanan ŋin kaapei ka ŋainakineta keŋ ŋun, kiŋaren Ekapolon lopuke ŋolo ke eema a ŋolo ilipere.

Ŋilep. 14:19

Ya nai esacaradoti ainakinet aŋuna ka asecit tomookunia ituŋanan ŋini etaleunio alopite a ŋolo etoroniyaritere iŋes. Kedau ŋun, emaikina iŋes toar ainakinet ŋina epeyo,

Ŋilep. 5:15

“Ani kesec ituŋanan idio alokidiŋ kus nyelemu ainakinet ŋina emaikina inak neni ke Ekapolon, emaikina ituŋanan ŋin yau neni ke Ekapolon alosipan keŋ emesek ŋolo ajokan ŋolo emam neni eŋwalit. Emaikina emesek ŋol erae ŋolo epedoryo akigyel a ŋisilipae alotyae a ŋicekelya a ŋulu ecamunito ŋituŋa daadaŋ isitiyao anakibois a ŋina asegan. Erae ŋin ainakinet aŋuna ka asecit.