Ŋilep. 13:5 - Ebaibul

⁵ Ani epete ŋirwa ŋikanikaarei, isyeme nabo esacaradoti ituŋanan ŋin, ani keryamu atemar nyiyatakina ibore ŋin, ido nyemino iwace anamuny ka akuwan, emaikina iŋes toseta ituŋanan ŋin neni keŋ bon ŋirwa ŋice ŋikanikaarei.

Ŋilep. 13:5 Iomraidhean Croise

Awos. 29:30

Emaikina lokoku keŋ ŋolo etupakini iŋes ikwapei esacaradoti tonap ŋilowi ŋul ŋirwa ŋikanikaarei ebuni tooma Eema ŋolo iryamununoi, akitiya anakibois a ŋina Asegan

Ŋilep. 13:4

Nai ani kekwaŋ ibore ŋini eyai nakuwan keŋ ŋin, ido nyicukuliyoro anamuny ka akuwan ka nyekwaŋak ŋajul ka a akuwan ŋuna eya neni elomunitor edeke, emaikina esacaradoti toseta ituŋanan ŋin neni keŋ bon ŋirwa ŋikanikaarei.

Ŋilep. 13:6

Ani epete ŋirwa ŋikanikaarei, isyeme nabo esacaradoti ituŋanan ŋin, ido ani keiniyarit ibore ŋin ka pa keminit iwace anamuny ka akuwan, elimori esacaradoti atemar emam ŋuna eronia ituŋanan ŋin; erae edeke ŋol akisorit koŋin. Emaikina nai ituŋanan ŋin kilota ŋilowi keŋ, toruwor alotooma ekisil ŋini nyitoroniyaritae.

Ŋilep. 14:8

Emaikina ituŋanan ŋini italeunio ŋin kilota ŋilowi keŋ, tobanya ŋitim keŋ daadaŋ, ido kiloŋar, eruwor iŋes ŋini nyitoroniyaritae. Ani kirikak ŋun, bu nai nalomar, nai emaikina toper kiŋa eema keŋ ŋirwa ŋikanikaarei.