Ŋilep. 13:45 - Ebaibul

⁴⁵ “Emaikina ituŋanan ŋini eyakar edeke ŋolo ka amuny ka akuwan totapaana tonapite ŋilowi ŋulu enyamuna, nyikeri ŋitim keŋ, ido kimukite ereet keŋ, kiworoe ebala, ‘Itoroniyaritae, itoroniyaritae.’

Ŋilep. 13:45 Iomraidhean Croise

Akisy. 37:29

Ani eboŋori Ruben kare ŋin, kiŋolik emam Yosepu alotooma akare, tocil ŋilowi keŋ.

2 Sam. 13:19

Nai abu Tamar kiwuak ekuron nakou keŋ, ido tocilicili elou ŋolo anapit iŋes, kidokok akan keŋ nakou keŋ, torotok a nen igworo nooi, iwololoe elosi.

2 Ŋirw. 7:3

Ayakasi kiŋa epuke ŋolo ke etaun a Samaria ŋikilyok ŋiomwon ŋulu adyakasi atapon. Apotu ikes kirworikis make temasi, “Kaanukiro mono ikiboiyo iwon a ne akidiŋ akidarit atwanare?

Yob 1:20

Abu nai Yob tonyou, tocil ekaaso keŋ, tobanya ŋitim anakou keŋ, toramakin kwap ido kilip.

Yob 42:6

Aŋun, ajamuwar ayoŋ bon aŋuna a ŋakiro kaŋ, ido akii ewuakinit apuwa ka ekuron nakuwan kaŋ.”

Ŋikiru. 51:3

Ayeni ayoŋ ŋadyakanareta kaŋ, ido etakani asecit kaŋ a ŋinapaki.

Ŋikiru. 51:5

Kire jik, arae ayoŋ ikasecan ŋinapei anakidouno kaŋ, ikasecan ŋinapei akapotiunio ayoŋ toto kaŋ.

Isa. 52:11

Torotokisi, torotokisi toloto a nen! Nyitapa ibore idio ŋini itoroniyaritae, toloto aneni eya ŋiboro ŋulu itoroniyaritae, kitaleutu ŋawat kus iyes ŋulu iyakatar ŋiboro ŋulu ke Ekapolon.

Isa. 6:5

Otema nai ayoŋ, “Oitakoi! Acakar bare ca, anerae arae ayoŋ ituŋanan ŋini nyerworo ŋakiro ŋuna ajokak ka ikiboi ayoŋ ka ŋituŋa ŋulu nyirworosi ŋakiro ŋuna ajokak, nai adau ayoŋ akiŋolikin erwosit, Ekapolon ŋolo a ŋajoresyo!”

Isa. 64:6

Ikikwaanikin tokona isua ka ituŋanan ŋini nyeseg, ekwaanikin ŋiticisyo kosi ŋulu iyookino daadaŋ ka elou ŋolo eoŋoryana. Ikiiniya isua ikwa ŋakwii, ikiwokosi isua ŋasecisya kosi ikwa ekuwuam iwokori ibore.

Yer. 3:25

Emaikina iwon opero alokwap ka ŋileec yok, emaikina ikirapuwasi iwon ŋileec ŋulu nyitopolooritere iwon Ekapolon, anerae ikisec iwon aneni a Ekapolon Akuj yok, iwon kaapei ka atapapaa yok; ameun anasoroko yok tari nakoloŋit na, ido nyiwuapa iwon ŋuna irworo Ekapolon Akuj yok.”

Yer. 36:24

Kikote neni daŋ, mam ekabule abu toyakaun neni a erwosit, kori neni a ŋiketiyak keŋ a idio a ŋulu apotu kiirasi ŋakiro ŋun daadaŋ, apotu ikes nyecila tari ŋilowi kec.

Aum. 4:15

Acelasi ŋituŋa neni kec ebasi, “Kiyotokis a ne! Irae iyes ŋulu ikitoroniyaritae! Nyikitap ayoŋ!” Aŋun, apotu ikes toruwor ŋikaŋopoŋopotok ka ŋikerimitok ŋakwapin, ido mam ituŋanan abu kijau ikes.

Esek. 24:17

Igeuni iyoŋ akisuta, nai meere ŋina epupo; nyigwor aŋuna a ŋikatwak. Kimyek akopiya kon eenikina nakou ka ŋamuk kon eenikina nakejen; nyirap kwap ereet kon, kori nyinyam akimuj ŋina enyamete ŋikegworok.

Esek. 24:22

Itiyaete nai iyes lopite ŋolo adaunia Esekiel akitiyaa. Nyirapete iyes kwap ŋireetin kus, kori nyinyamete iyes akimuj ŋina enyamete ŋikegworok.

Yoel 2:13

Tokodosi ŋitai kus, nyicila ŋilowi kus. Toboŋutu neni ke Ekapolon Akuj kus, anerae ejok iŋes ka isyoniono, nyeŋoyenene atipei, epol nooi amina keŋ ŋina nyiryaŋiryaŋa, etenit iŋes jwi jwi akisyon akilo akisican.”

Ŋilep. 10:6

Tema nai Moses neni ka Aron ka ŋidwe keŋ ŋulusapa Eleasar ka Isamar, “Nyimyekis ŋitim ijaanaete, ido nyicila ŋilowi kus, ani kitiyata iyes ŋun, itwakete iyes, ido eŋoikini Ekapolon ŋituŋa daadaŋ. Nai ecamakinitae Ŋisirael ŋuluce daadaŋ kigworo aŋuna ka atwanare a ŋin a ŋina etoruni nakim ŋina eyakuuni Ekapolon.

Ŋilep. 13:44

erae ituŋanan ŋin ŋini kemin edeke ŋolo etapaana, ido erae iŋes ŋini itoroniyaritae. Emaikina esacaradoti tolimo atemar itoroniyaritae ituŋanan ŋin; elomunit edeke anakou keŋ.

Ŋilep. 21:10

“‘Esacaradoti daadaŋ ŋolo itopolooryo topolok ŋuluce, ŋolo iosakinio akimyet nakou keŋ ituruworyo ŋolo enapenene ŋilowi ŋulu ke esacaradoti, nyemaikina iŋes kimyek ŋitim keŋ pa ikyerara, kori tocili ŋilowi keŋ.

Mika 3:7

Irumete ŋikadwarak ŋileec. Nyelakarosi ŋimurok, ituruworyo ikes daadaŋ ŋicaryo, anerae nyeboŋokini Akuj ŋakiro kec.

Ekim. 5:2

“Tolimok Ŋisirael kiritasi analomar kec ituŋanan daadaŋ ŋini eyakatar atapon, kori ŋulu eyakar ibore ŋini elele anakuwan keŋ ka ituŋanan daadaŋ ŋini itoroniyaritae aŋuna ketapitor akuwan a ituŋanan a ŋini etwanit,

Luk. 17:12

Ani eapiyari lore ŋolo alosi, kiryamun ka ŋikilyok ŋitomon ŋulu erumit atapon ŋulu apotu towua anawae.

Luk. 5:8

Ani iŋolikini Simoni Petero ŋakiro ŋuna apotu kitiyakin, toryedik alokiŋaren Yesu tema, “Ekapolon, kiyotok aneni kaŋ, anerae arae ayoŋ ekasecan!”