Ŋilep. 11:44 - Ebaibul

⁴⁴ Arae ayoŋ Ekapolon Akuj kus; aŋun, kitaleutu ŋawat kus, toruworos ŋulu isegak, anerae aseg ayoŋ. Nyimunaarosi anakinyam, kori anakitap ŋisubuna ŋulu elosete alokwap.

Ŋilep. 11:44 Iomraidhean Croise

Ŋikiru. 99:5

Kipuro Ekapolon Akuj yok; kilipa neni ke Ekapolon alokiŋaren neni ipukator iŋes. Erae iŋes ŋolo Eseg!

Ŋikiru. 99:9

Kipuro Ekapolon Akuj yok, kilipa neni keŋ alomukura keŋ a ŋolo asegan, anerae erae Ekapolon Akuj yok ŋina asegan.

Awos. 16:12

“Adau ayoŋ akiirar akiŋuruŋura a Ŋisirael, tolimok ikes ebe, ‘Ani eboŋ, inyamete iyes akiriŋ, ido ani taparacu, inyamete iyes akimuj ŋina iitanito; nen nai iyenuniata iyes atemar arae ayoŋ Ekapolon Akuj kus.’ ”

Awos. 19:10

tema Ekapolon neni a Moses, “Ape neni a ŋituŋa kitaleu ikes nakoloŋit na ka moi taparacu. Tolimok ikes kilotasi ŋilowi kec,

Awos. 19:6

iruworosi iyes aneni kaŋ ŋisacaradotin ŋulurwosi ka ŋituŋa ŋuluseuna. Ŋakiro ŋun ikes ilimokini iyoŋ Ŋisirael.”

Awos. 20:2

“Ayoŋ Ekapolon Akuj kus, ŋina abu okoyau iyes anakwap a Ijipit, anakibois a ŋina iraakatar iyes ŋipi.

Awos. 22:30

Kitiyata ŋun anaatuk ka anamesekin daŋ. Kimyekisi ŋitak ka ŋikaalei toruko ka atatoto kec ŋirwa ŋikanikaarei bon, ido ikiinakis ayoŋ edolete ŋirwa kec ŋikanikauni.

Awos. 22:31

Emaikina iyes irae ŋituŋa kaŋ ŋulu italeuno neni kaŋ. Aŋun, nyemaikina iyes tonyama akiriŋ ŋina enyamitor etyaŋ ibarasit, kori etyaŋ. Emaikina inakis ŋiŋokwo tonyama akiriŋ ŋin.”

Awos. 23:25

Kilipa neni ke Ekapolon Akuj kus, eterereŋi ayoŋ akimuj ka ŋakipi kus; ido alemari ayoŋ ŋidekesyo aneni kus.

Awos. 6:7

Akayai ayoŋ iyes irae ŋituŋa kaŋ ka aruwor ayoŋ Akuj kus. Iyenunete iyes atemar arae ayoŋ Ekapolon Akuj kus, ŋolo akalaku iyes anakisicaneta a Ŋijipitian.

Isa. 43:3

anerae arae ayoŋ Ekapolon Akuj kus, Akuj ŋina asegan ŋina a Isirael, ekaiunan kus. Ajali ayoŋ Ijipit aŋuna ka alacakinia iyes, ajali ayoŋ Esiopia ka Seba aŋuna ka akilokonyunia iyes.

Isa. 51:15

Arae ayoŋ Ekapolon Akuj kus, ŋolo ainakini ŋakipi a anam kimorokokokis ikotere totakanut ŋikaguragurae kec, erae ekiro kaŋ Ekapolon ŋolo a ŋajoresyo.

Ŋilep. 10:3

Tema nai Moses neni ka Aron, “Arae ŋakiro ŋun ŋuna esileereunit Ekapolon ŋinibore abaakar ebe, ‘Itoodiun asegis kaŋ aneni, a ŋulu eketopoloorito ayoŋ ka eketopoloorete ayoŋ ŋituŋa daadaŋ.’”

Ŋilep. 11:43

Nyituruwosi ŋipi kus ŋulu itoroniyaritae aŋuna itanyamyata iyes ikes ŋisubuna ŋulu cicik ŋulu elosete alokwap; nyimunaarosi kaapei ka ikes, ido toruworos ŋulu ikitoroniyaritae.

Ŋilep. 18:2

“Tolimok Ŋisirael ebe, ‘Arae ayoŋ Ekapolon Akuj kus.

Ŋilep. 19:10

Nyemaikina iyes isokataete emanikor kus ŋolo ke epiini, kori ilosete akidep ŋaraito a epiini ŋuna ecakanakina kwap. Kimyekisi ŋul aŋuna a ŋulu a ŋican ka ŋigelaanotin. Arae ayoŋ Ekapolon Akuj kus.

Ŋilep. 19:2

“Tolimok Ŋisirael daadaŋ ebe, ‘Toruworos ŋulu asegak, anerae aseg ayoŋ Ekapolon Akuj kus.

Ŋilep. 19:3

Emaikina ŋinituŋanan alokidiŋ kus kitopoloorite toto keŋ ka papa keŋ, ido totamunite akoloŋit ŋina a Sabato. Arae ayoŋ Ekapolon Akuj kus.

Ŋilep. 19:4

Nyilipa neni a ŋakujo a ŋunacaryo, kori nyitiyaut anasuwa ŋitorubei a ŋakujo kus. Arae ayoŋ Ekapolon Akuj kus.

Ŋilep. 20:26

Emaikina iyes irae ŋulu asegak aŋuna kaŋ, anerae arae ayoŋ Ekapolon, arae ayoŋ ŋolo aseg, ido akaseu ayoŋ iyes alotuŋa a ŋakwapin toruworos ŋituŋa kaŋ.

Ŋilep. 20:7

Aŋun, kitaleunos, toruworos ŋulu isegak, anerae arae ayoŋ Ekapolon Akuj kus.

Ŋilep. 21:8

Emaikina iyes kitopoloorito ŋisacaradotin erae ŋulu esegak, anerae ikes eayeneneete akimuj ŋina ka Akuj kus. Kitopoloorito ikes erae ŋulu esegak, anerae ayoŋ Ekapolon ŋolo eketuruwonori iyes ŋulu isegak, arae ŋolo aseg.

Amos 3:3

“Epedorete mono ŋituŋa ŋiarei arukit alorot elosete pa sek keyeunito ikes alosit kaapei a?

Ekim. 15:40

aŋun irubakinete iyes itamunito ka iwuapito ŋakiciketa, ido iruworosi iyes ŋulu asegak aneni ka Akuj kus.

Mat. 5:48

Itemokino iyes tojokak nooi, ikwaŋinapei eraakar Papa kus ŋolo anakuj ŋolo ajokan nooi!

Ŋikis. 14:2

anerae irae iyes ŋituŋa ŋulu asegak aneni ke Ekapolon Akuj kus, iyes ikiseu Ekapolon alotuŋa a ŋakwapin a daadaŋ aruwor ŋulu keŋ, ŋituŋa keŋ ŋulu emina iŋes nooi.

1 Ŋites. 4:7

Nyenyara Akuj iwon akiboi alokibure a ŋolo ka amalao, nai akiboi anakiyar a ŋina asegan, a ŋina itoodiunit atemar ikirae ŋulu keŋ.

Yos. 24:19

Nai abu Yosua tolimok ŋituŋa tema, “Nyipedorete iyes akitiyanakin Ekapolon. Erae iŋes Akuj ŋina Asegan; erae iŋes Akuj ŋina alilyan. Nyisyoni iŋes ŋasecisya aŋuna ka aŋerit kus iŋes.

1 Pet. 2:9

Nai irae iyes ebuku ŋoloseuna, ŋisacaradotin ŋulurwosi, ŋituŋa ŋulu etyakaritae neni ka Akuj, ŋituŋa keŋ ka alope. Ikiseu iŋes iyes akisera ŋiticisyo ŋulu apolok nooi, ŋulu a ŋolo ikinyarau iyes anakiryonut tooma nakica keŋ, ŋina ka aumokin.

Akis. 22:11

Iŋes ŋini itiyae ŋuna aronok, torubak itiyae ŋuna aronok; iŋes ŋini esiilyana, torubak itiyae asiilyo; iŋes ŋini itiyae ŋuna iyookino, torubak itiyae ŋuna iyookino ka iŋes ŋini erae ŋini ka Akuj, torubak erae ŋini ka Akuj.”

1 Sam. 2:2

Mam ice eseg ikwaan ke Ekapolon; mam ipei daŋ ikwaan ka iŋes, mam ekedaran ikwaan ka Akuj yok.

1 Sam. 6:20

Temasi nai ŋituŋa a Bes-Semes, “Ŋae epedori akiwo alokiŋaren Ekapolon Akuj na ŋina Asegan? Neni a ŋae emaikina Asaduku yae aneni yok?”