Ŋilep. 11:25 - Ebaibul

²⁵ Ituŋanan daadaŋ ŋini elemuni ekiner edio alotyaŋ a lu kori alobaren a lu, emaikina ituŋanan ŋin kilota ŋilowi keŋ, ido erubakini erae ŋini itoroniyaritae akitodol eboŋ.

Ŋilep. 11:25 Iomraidhean Croise

Ŋikiru. 51:2

kilota aronis kaŋ jik, ido kitesegunae ayoŋ anasecit kaŋ.

Ŋikiru. 51:7

Kitesegunae ayoŋ oruwor ŋini aseg; kilotarae ayoŋ tokwaŋiar etau kya.

Awos. 19:10

tema Ekapolon neni a Moses, “Ape neni a ŋituŋa kitaleu ikes nakoloŋit na ka moi taparacu. Tolimok ikes kilotasi ŋilowi kec,

Awos. 19:14

Abu nai Moses totiyaiyar alomoru, tolot neni aya ŋituŋa kitaleu ikes, ido kilotasi ŋilowi kec.

Ŋilep. 11:24

“‘Iruworosi iyes ŋulu ikitoroniyaritae alotooma ŋakiro nu: Ituŋanan daadaŋ ŋini etapi akuwan ke etyaŋ, kori a ibarasit a ŋini adau atwanare, a ŋini italeo iŋes akitap, eruwor ŋin ŋini itoroniyaritae akitodol eboŋ.

Ŋilep. 11:26

“‘Etyaŋ daadaŋ, kori ibarasit daadaŋ ŋini erae ŋigece ŋiarei, nai nyetyakak ileerete, kori nyiyerununui akimuj keŋ kinyadot, erae ŋini itoroniyaritae aneni kus, ido ituŋanan daadaŋ ŋini etapi etyaŋ, kori ibarasit ŋin itoroniyaritae aneni kus,

Ŋilep. 11:28

Ituŋanan daadaŋ ŋini elemuni akuwan a etyaŋ kori a ibarasit a ŋin kedau atwanare, emaikina kilota ŋilowi keŋ, ido erubakini ituŋanan ŋin erae ŋini itoroniyaritae akitodol eboŋ erae ŋawat a ŋityaŋ a ŋul, kori a ŋibaren a ŋul ŋuna itoroniyaritae aŋuna kus.

Ŋilep. 11:40

Emaikina ŋituŋa ŋulu enyamete etyaŋ ŋol kilotasi ŋilowi kec, ido erubakinete ikes erae ŋulu itoroniyaritae akitodol eboŋ; ŋulu iwokete akiriŋ a etyaŋ a ŋol, emaikina ŋul daŋ kilotasi ŋilowi kec, ido erubakinete erae ŋulu itoroniyaritae akitodol eboŋ.

Ŋilep. 13:6

Ani epete ŋirwa ŋikanikaarei, isyeme nabo esacaradoti ituŋanan ŋin, ido ani keiniyarit ibore ŋin ka pa keminit iwace anamuny ka akuwan, elimori esacaradoti atemar emam ŋuna eronia ituŋanan ŋin; erae edeke ŋol akisorit koŋin. Emaikina nai ituŋanan ŋin kilota ŋilowi keŋ, toruwor alotooma ekisil ŋini nyitoroniyaritae.

Ŋilep. 14:46

Ituŋanan daadaŋ ŋini elomari kai ŋin eriŋa egolitoe, eruwor ŋini itoroniyaritae akitodol eboŋ.

Ŋilep. 14:47

Ituŋanan daadaŋ ŋini eperi, kori imuji alokai a ŋin, emaikina kilota ŋilowi keŋ.

Ŋilep. 14:8

Emaikina ituŋanan ŋini italeunio ŋin kilota ŋilowi keŋ, tobanya ŋitim keŋ daadaŋ, ido kiloŋar, eruwor iŋes ŋini nyitoroniyaritae. Ani kirikak ŋun, bu nai nalomar, nai emaikina toper kiŋa eema keŋ ŋirwa ŋikanikaarei.

Ŋilep. 15:13

“‘Ani italeunio ekile ŋolo elele ibore anakuwan ŋol emaikina iŋes kiriya ŋirwa ŋikanikaarei eyai lotal ŋolo ka akitaleuno; emaikina iŋes kilota ŋilowi keŋ, kiloŋar anakipi a ŋuna keriŋa eokunio, toruwor nai ŋolo nyitoroniyaritae.

Ŋilep. 15:15

Emaikina nai esacaradoti ya ŋainakineta ŋun, apei erae ainakinet aŋuna ka asecit ka ŋinace erae ŋina epeyo, ido emookuni esacaradoti ekile ŋol alokiŋaren Ekapolon aŋuna a ibore a ŋini alele anakuwan keŋ.

Ŋilep. 15:5

Ituŋanan daadaŋ ŋini etapi ibore ŋini eperyo ekile ŋol, emaikina kilota ŋilowi keŋ, kiloŋar, ido erubakini ituŋanan ŋin, erae ŋini itoroniyaritae akitodol eboŋ.

Ŋilep. 16:26

Emaikina ekile ŋolo etemyaaryo ekoroe nariet kiloŋa ŋilowi keŋ, kiloŋar, ani irikakin bu nai tolomu nalomar.

Ŋilep. 16:28

Emaikina ekile ŋolo icunyi ŋul kiloŋa ŋilowi keŋ, kiloŋar, ani irikakin, bu nai tolomu nalomar.

Ŋilep. 17:15

Ituŋanan daadaŋ, kerae Isiraelit kori igelaanot, ŋini enyami ibore ŋini etwani bon, kori ŋinikeari etyaŋ ŋoloce, emaikina kilota ŋilowi keŋ, kiloŋar, ido erubakini itoroniyaritae akitodol eboŋ, toruwor nai ŋini nyitoroniyaritae.

Ŋilep. 22:6

Ipapait ka Aron daadaŋ ŋini etapi ŋulu imarunitae ŋul tari ipei, erubakini erae ŋini itoroniyaritae akitodol eboŋ. Nyemaikina iŋes tonyam ŋainakineta ŋuna asegak ŋun adio, mati mono kiloŋar.

Sakar 13:1

“Akoloŋit ŋin, eŋakinio elelya neni a ŋituŋa a ekal a Daudi ka neni a ŋulu iboiyete alo Yerusalem, ikotere kitaleun ikes anasecit ka anaronis.”

Ekim. 19:10

Emaikina ŋolo amudari ekuron a ataok kilota ŋilowi keŋ, ido erubakini itoroniyaritae akitodol eboŋ. Eruwor ŋun ŋakiro ŋuna etubunitoe aŋuna a Ŋisirael ka ŋigelaanotin daadaŋ ŋulu iboiyete ka ikes, ŋuna emaikina kiwuapae ŋikaru ka ŋikaru.

Ekim. 19:19

Ewuatakini ituŋanan ŋini nyitoroniyaritae ŋituŋa ŋulu itoroniyaritae ŋakipi edolete ŋirwa ŋiuni, kori edolete ŋirwa ŋikanikaarei, aŋun, kitaleu ikes edolete ŋirwa ŋikanikaarei. Ekaku ilotarete ikes ŋilowi kec ka kiloŋarosi, ani edoli eboŋ eruworosi ikes ŋulu nyitoroniyaritae.

Ekim. 19:7

Emaikina nai esacaradoti kilota ŋilowi keŋ ka kiloŋar, kedau ŋun epedori alomar nalomar, nai erubakini esacaradoti itoroniyaritae akitodol eboŋ.

Ekim. 19:8

Emaikina ŋolo ecunyi ataok daŋ kilota ŋilowi keŋ ka kiloŋar; erubakini iŋes daŋ itoroniyaritae akitodol eboŋ.

Ekim. 31:24

Emaikina iyes kilotasi ŋilowi kus epete ŋirwa ŋikanikaarei, ido iruworosi ŋulu italeuno, ani ekaku ipedorete iyes alomun nalomar.”

Yoa. 13:8

Tolimok Petero Yesu tema, “Mam jik nyilotari iyoŋ ŋakaakejen!” Toboŋok Yesu iŋes tema, “Ani pa kelota ayoŋ ŋakejen kon, nyikiruki iyoŋ ka ayoŋ nabo.”

Ŋitic. 22:16

Nyo nai tokona eriŋa iyoŋ idarit? Tonyou, ikibatisae ka kilip alokiro a Yesu, ido kisyoni ŋasecisya kon.’

Ŋibur. 10:22

Aŋun, oapiyasi neni ka Akuj a ŋitai a ŋulu iwuapito ŋuna a kire ka ananupit a ŋina egogoŋ; nabo a ŋitai a ŋulu iteseguna anasecisya ka ŋawat ŋuna adaun akilotar a ŋakipi a ŋuna asegak.

Ŋibur. 9:10

anerae etapito ikes ŋitalyo ŋulu italeunitere akuwan bon ikwa ŋamuja ka ibore ŋini emasyo ta ŋace ŋuna alalak ŋuna emookere ŋitalyo. Nai edaunosi ŋun apaki ŋina isyakinia Akuj akituruwor ŋinibore ŋini ekitetyana.

1 Pet. 3:21

Erae ŋakipi ŋun akitaanyikinet, ŋina ka akibatisao a ŋina tokona ikiununui iyes. Nyerae iŋes alemaret elos ŋolo eyai nakuwan, nai erae adyekit Akuj akitesegun ŋatameta yok, alotooma ayarun ŋina a Yesu Kristo,

1 Yoa. 1:7

Nai ani kikiboi iwon anakica, ikwapei eyakar iŋes nakica, ikiyakar iwon akimorikina ka ŋuluce ka ikitesegunete iwon ŋaokot a Yesu a Lokoku keŋ anasecit a daadaŋ.

Akis. 7:14

Abu ayoŋ oboŋok iŋes otema, “Ekapolon, iyoŋ iyeni.” Okolimok iŋes ayoŋ tema, “Erae ŋituŋa lu ŋulu adaut akitorun nakisicanio ŋina aronon nooi, elotasi ikes ŋikaasoi kec ka etokwaŋut kya a ŋaokot a ŋuna a Imesek.