Ŋilep. 11:10 - Ebaibul

¹⁰ Nai ŋisubuna daadaŋ ŋulu eya nakipi ŋuna a ŋanamyo ka ŋuna a ŋaŋololin, ŋulu nyeyakatar ŋibebenuk, kori ŋakabebekwa, ŋulu elyato anakipi ka ŋisubuna daadaŋ ŋulu iboiyete anakipi. Erae ikes ŋulu ikitaleo iyes akinyam, kori akitap.

Ŋilep. 11:10 Iomraidhean Croise

Akisy. 1:20

Tema Akuj, “Toyakaun nakipi ŋityaŋ ŋulu elyato, ŋulu eyarete ka toporo ŋikyeny anariwo a ŋina alokidiama akwap.”

Ŋakit. 13:20

Ituŋanan ŋini erukito ka ŋikaosok, eruwor ŋini eos, nai ituŋanan ŋini erukito ka ŋibaŋaanotin, eryamuni ŋican.

Ŋakit. 29:27

Erae ŋituŋa ŋulu nyiyookino asiilyo aneni a ŋulu iyookino, ido erae ŋulu iyookino asiilyo aneni a ŋulu aronok.

Ŋilep. 11:11

Aŋun emaikina iyes torubakis pa inyamete ikes, nyinyama akiriŋ kec, kori nyitapa ŋawat kec kedaut atwakare.

Ŋilep. 11:9

“‘Alotooma ŋisubuna daadaŋ ŋulu eya nakipi ŋuna a ŋanamyo ka ŋuna a ŋaŋololin, ipedorete iyes akinyam ŋulu eyakatar ŋibebenuk ka ŋakabebekwa.

Ŋilep. 7:18

Ani kenyama ituŋanan akiriŋ ŋina ka ainakinet a ŋina ke ekisil ke Ekapolon kepena ŋirwa ŋiuni, nyecamuni Akuj ainakinet ŋin. Nyimarakinio atemar abu ekalemunan ainakinet a ŋin tolemu ainakinet adio, eruwor ainakinet ŋin ŋina nyejok; ido ituŋanan ŋini enyami ainakinet ŋin, eruwor ikasecan.

Ŋikis. 14:10

tosodi ityaŋ ŋini eyari alotooma ŋakipi daadaŋ ŋini emamukar ŋibebenuk ka ŋakabebekwa, nyemaikina iyes tonyama, anerae itoroniyaritae aneni kus.

Ŋikis. 14:3

Nyinyama idiobore ŋini itoroniyaritae.

Akis. 21:8

Nai ŋikakuryanak, ŋikalukinok, ŋulu nyenupito, ŋikaarak, ŋimalaanotin, ŋikekukujak, ŋulu ilipete neni a ŋakujo ka ŋikalyokonok daadaŋ imasakinio ikes nanam ŋina ka akim ka ŋina a Sulpa. Erae ŋin atwanare ŋina a ŋaarei.”