Ŋilep. 10:3 - Ebaibul

³ Tema nai Moses neni ka Aron, “Arae ŋakiro ŋun ŋuna esileereunit Ekapolon ŋinibore abaakar ebe, ‘Itoodiun asegis kaŋ aneni, a ŋulu eketopoloorito ayoŋ ka eketopoloorete ayoŋ ŋituŋa daadaŋ.’”

Ŋilep. 10:3 Iomraidhean Croise

Akisy. 18:25

Nyerae nu ŋuna emaikina iyoŋ kitiya; amunyar ŋulu iyookino kaapei ka ŋulu itiyaete aronis, akisican kaapei ŋulu iyookino ka ŋulu itiyaete aronis. Nyerae ŋun ŋuna emaikina iyoŋ kitiya. Nyemaikina mono ekatubon ŋolo ka akwap a daadaŋ itiyae ŋuna iyookino a?”

Yob 2:10

Nai abu Yob tema neni ka aberu keŋ, “Irworo iyoŋ abaŋao lopite ŋolo irworor aberu daadaŋ ŋina ebaŋaana. Epedoryo mono iwon aryamunun ŋuna ajokak aneni ka Akuj, ido nyeryamununuyo ŋuna aronok a?” Anakisicanet a ŋin, abu Yob nyesec alorwor keŋ.

Ŋikiru. 119:120

Emarani akuwan kaŋ aŋuna akakeritor ayoŋ iyoŋ, eketubulito ayoŋ ŋatubonokineta kon.

Ŋikiru. 148:14

Ainaki iŋes ŋituŋa keŋ agogoŋu, ikotere ŋituŋa ke Ekapolon daadaŋ ipurete iŋes. Ŋituŋa a Isirael ŋulu emina Ekapolon nooi. Kipuroe Ekapolon!

Ŋikiru. 39:10

Tolema akisicanet kon aneni kaŋ; eketapapanu ayoŋ akisicanet kon.”

Ŋikiru. 39:9

Eliliŋi ayoŋ; mam ŋakiro alimuni, anerae iyoŋ idau akiteryamun ayoŋ ŋican ŋul.

Ŋikiru. 46:10

Ebala Akuj, “Tojoŋoto ejie, toyenutu atemar arae ayoŋ Akuj; eketopolooritae ayoŋ anakwapin eketopolooritae ayoŋ anakwap.”

Ŋikiru. 89:7

Itopolooritae Akuj nooi anatukot aŋisubuna a ŋulu eya nakuj; ilipete neni keŋ daadaŋ ŋulu irimokinito iŋes kidiŋ.

Ŋikiru. 93:5

Okoe Ekapolon, erae ŋikisila kon ŋulu a jik, erae Akai kon ŋina asegan ŋikaru ka ŋikaru.

Awos. 14:17

Etogogoŋi ayoŋ ŋakyes a Ŋijipitian, tolomasi nanam kiwuapakis Ŋisirael. Eketopoloorete ayoŋ Parao ka ŋasigarya keŋ daadaŋ; ŋikametok ŋagaari keŋ ka ŋikametok ŋaŋolei keŋ.

Awos. 14:4

Etogogoŋi ayoŋ akou a Parao, ido ikiwuapak iyes, ikotere ayoŋ oryamu apolou anakiloun Parao ka ŋasigarya keŋ daadaŋ ka eyenunete Ŋijipitian atemar arae ayoŋ Ekapolon.” Apotu Ŋisirael kitiyata ŋun.

Awos. 19:22

Tari ŋisacaradotin daŋ ŋulu emaikina poneneete neni ke Ekapolon, emaikina ikes kitaleunos, ani pa kitiyata ŋun, esicani ayoŋ ikes.”

Awos. 19:24

Tema Ekapolon neni a Moses, “Ape totiyaiyar kwap emoru iyau Aron kitipeunio kidiama emoru; nai nyicamak ŋisacaradotin, kori ŋituŋa ilamete neni igeritoe potu neni ke Ekapolon. Ani kitiyata ŋun, esicani ayoŋ ikes.”

Awos. 30:30

Kiosak akimyet ŋin neni ka Aron ka neni a ŋidwe keŋ a ŋulusapa, kitaleu ikes, ikotere eketiyanakis ayoŋ ikwapei ŋisacaradotin.

Isa. 39:8

Tolimok nai Esekia Isaya tema, “Ejok akirot a Ekapolon ŋina ilimu iyoŋ.” Atamatamae Esekia ikona, “Abe ejok bo erae ca keyakaun ekisil, akinapakina alorwa a ŋulu ayarya ayoŋ.”

Isa. 49:3

Abu iŋes tema neni kaŋ,“Irae iyoŋ Isirael eketiyan kaŋ, ŋolo aryamunia ayoŋ akitopolooro.”

Isa. 52:11

Torotokisi, torotokisi toloto a nen! Nyitapa ibore idio ŋini itoroniyaritae, toloto aneni eya ŋiboro ŋulu itoroniyaritae, kitaleutu ŋawat kus iyes ŋulu iyakatar ŋiboro ŋulu ke Ekapolon.

Esek. 20:41

Kadau ayoŋ ayaun iyes anakiboisyo a ŋuna ikielaritae ka acunakin iyes iwapei, acamuni ayoŋ ŋamuronisya ŋuna ipeyete iyes, ido etoodiun ayoŋ neni kus erae Akuj ŋina asegan ka iŋolikinete ŋituŋa a ŋakwapin ŋun.

Esek. 28:22

Tolimok ikes atemar, alimu Ekapolon Akuj ŋakiro nu, ‘Okoe ŋituŋa a Sidon, ekemanit ayoŋ iyes, eketopoloorete ayoŋ ŋituŋa kon. Eyenunete ikes atemar arae ayoŋ Ekapolon, eyenunete ikes ŋun apaki ŋina esicania ayoŋ ikes, etoodiun ayoŋ neni kec arae ŋolo asegan alotooma Sidon.

Esek. 38:16

Ipote iyes akirem ŋituŋa kaŋ Ŋisirael, ipote iyes ibutarito akwap ikwa edou. Okoe iyoŋ Gog, alorwa a ŋulu eponito akayauni ayoŋ iyoŋ torem akwap a ŋituŋa kaŋ, ikotere nai ŋituŋa a ŋakwapin okoyenut ayoŋ apaki ŋina etoodiunia ayoŋ asegis kaŋ neni kec aneni kon.’

Esek. 40:46

tosodi agule ŋina iŋoliyarit lowae ŋolo alo Kuju, erae ŋina a ŋisacaradotin a ŋulu erae etic kec akiyok namuroet. Erae ŋisacaradotin ŋul ŋidwe a Sadok ŋulusapa ŋulu erae ikes bon ecamakinitae aloletok a Lepi aponare akitiya etic alokiŋaren Ekapolon.

Esek. 42:13

Tema ekile ŋol neni kaŋ, “Erae ŋagulei ŋuna alo Kuju ka ŋuna alo Kwap, ŋuna iteosi ka alapatu ŋuna asegak, erae ŋuna enyamyata ŋisacaradotin ŋulu elosete akiryamun ke Ekapolon ŋainakineta ŋuna asegak. Emaikina ikes kiwuanakinete ŋainakineta ŋuna asegak nen, ikwapei ŋainakineta ŋuna a ŋikinyom, ŋainakineta ŋuna a ka asecit ka ŋuna ka akiilit anasecit; anerae erae ŋagulei ŋun ŋuna asegak.

Ŋilep. 21:15

Erae ŋun ikotere nyeruwor ŋidwe keŋ ŋulu ejamuwaritae alotuŋa keŋ. Arae ayoŋ Ekapolon, ŋolo abu eturuwo iŋes ŋolo eseg.’ ”

Ŋilep. 21:17

“Tolimok Aron ebe, ‘Ananyameta a ŋuna eponito, mam ipei daŋ alopapae kon a ŋulu eŋwalit iwadio, ŋini emaikina toapu neni kaŋ, yau akimuj ŋina ka Akuj keŋ.

Ŋilep. 21:21

Nyemaikina ipapait ka Aron ipei daŋ ŋini eyai adio a ŋakiro a ŋun toapu neni ke Ekapolon, yau ainakinet ŋina epeyo neni ke Ekapolon, anerae eya neni keŋ adio a ŋakiro ŋuna imarunitae ŋun, nyemaikina iŋes toapiya neni ke Ekapolon, ya akimuj ŋina ka Akuj keŋ.

Ŋilep. 21:6

Emaikina ikes erae ŋulu esegak aneni ka Akuj kec, ido nyemaikina ikes kiyanya ekiro ka Akuj kec, anerae ikes eayeneneete neni ka Akuj ŋainakineta ŋuna epeyo, akimuj ŋina ka Akuj kec, aŋun, emaikina ikes erae ŋulu esegak.

Ŋilep. 21:8

Emaikina iyes kitopoloorito ŋisacaradotin erae ŋulu esegak, anerae ikes eayeneneete akimuj ŋina ka Akuj kus. Kitopoloorito ikes erae ŋulu esegak, anerae ayoŋ Ekapolon ŋolo eketuruwonori iyes ŋulu isegak, arae ŋolo aseg.

Ŋilep. 22:9

Emaikina ŋisacaradotin kirica ŋakiro kaŋ, ikotere nyeruwor ŋulu iilit, ido totwaka anakibois a ŋina asegan aŋuna emunaaryata akibois ŋin. Arae ayoŋ Ekapolon ŋolo abu eturuwo ikes ŋulu esegak.

Ŋilep. 8:35

Emaikina iyes kiboiyoto ŋirwa ŋikanikaarei apaaran ka akuwar alopuke ke eema a ŋolo ilipere, kitiyata ŋuna ecamit Ekapolon iyes kitiyata, ikotere nyitwaka; anerae ŋuna abu Ekapolon ekecikak ayoŋ ikes ŋun.”

Ekim. 16:5

Tosodi tema Moses neni a Kora ka ŋirukitos keŋ, “Moi taparacu ikiteyenikini Ekapolon iwon ŋini erae ŋini keŋ ka ŋini eseg ka ŋini ecamakini iŋes alosit diyete keŋ. Ituŋanan ŋini eseuni Ekapolon iŋes ecamakini Ekapolon elosi diyete keŋ.

Ekim. 20:12

Nai tolimok Ekapolon Moses ka Aron tema, “Aŋuna pa ikikinyomitotor iyes ayoŋ, ikotere itoodiunete apedor kaŋ ŋina asegan iteete Ŋisirael, nyeruwor iyes iyaarete ŋituŋa lu nakwap ŋina ainakinit ayoŋ ikes.”

Mat. 10:37

“Ituŋanan ŋini emina papa keŋ kori toto keŋ akilo ayoŋ, nyitemokino aruwor ekewuapan kaŋ; ŋini emina lokoku keŋ kori nakoku keŋ akilo ayoŋ, nyitemokino aruwor ekewuapan kaŋ;

Yoa. 12:28

Papa, kitopoloo ekiro kon!” Kirworik nai etoil anakuj ebala, “Etopoloo ayoŋ iŋes ka etopoloori iŋes nabo.”

Yoa. 14:13

Ŋinibore daadaŋ iŋisete iyes alokiro kaŋ, etiyakini ayoŋ, ikotere kitopolooroe Papa aneni a Lokoku.

Ŋikis. 32:51

anerae ipotu iyes daadaŋ ŋiarei nyikikinyoma ayoŋ alotuŋa a Isirael apaki ŋina iyakatar neni aya ŋakipi ŋuna a Meribas-Kades analoŋisat a Sin ka aŋuna pa itoodiuniata iyes asegis kaŋ alokiŋaren Ŋisirael.

2 Ŋites. 1:10

Itiyakinio ŋun Akoloŋit ŋina ebunio iŋes aryamun akitopolooro aneni a ŋituŋa keŋ ka aryamun aumokinet aneni a ŋulu enupito iŋes. Iyakaunosi iyes daŋ kidiŋ kec, anerae inupa iyes ŋakiro ŋuna aponi isua ikilimokin iyes.

1 Pet. 4:17

Adolu apaki ŋina isyakinia atubokino; isyaunio mono atubokin ŋituŋa ŋulu erae ŋulu ka Akuj. Ani kisyaunio aneni yok, ikokini nai eŋetakin aneni a ŋulu eŋerito Ŋakiro ŋuna Ajokak, ŋuna eponito aneni ka Akuj ai?

1 Sam. 2:30

Aŋun, alimu Ekapolon Akuj a Ŋisirael ebe, ‘Abu ayoŋ eik atemar eketiyanakinete ayoŋ ŋituŋa a ekal kon ka ŋulu a ekal a papaa kon erae ŋisacaradotin ŋikaru ka ŋikaru.’ Nai tokona, alimu Ekapolon ebe, ‘Acakus ŋun! Etopoloori ayoŋ ikes ŋulu eketopoloorito ayoŋ, nai ikes ŋulu akajamuwarito ayoŋ, ituruworyo ŋicaryo.’

1 Sam. 3:18

Aŋun, abu Samuel tolimok Eli ŋakiro daadaŋ, mam ŋuna abu iŋes kimunon Eli. Tema nai Eli, “Erae iŋes Ekapolon, kimyek iŋes kitiya ŋuna ejokak aneni keŋ.”

1 Sam. 6:20

Temasi nai ŋituŋa a Bes-Semes, “Ŋae epedori akiwo alokiŋaren Ekapolon Akuj na ŋina Asegan? Neni a ŋae emaikina Asaduku yae aneni yok?”