Ŋilep. 10:19 - Ebaibul

¹⁹ Toboŋok Aron Moses tema, “Apotu ikes nakoloŋit na yaut ŋainakineta kec, aŋuna ka asecit ka ŋina epeyo alokiŋaren Ekapolon, nai atakanut ŋakiro ŋuna ikote ŋun neni kaŋ. Ani mono kerae onyamite ayoŋ ainakinet ŋina ka asecit ŋin nakoloŋit na, kelakara mono Ekapolon aŋuna kaŋ a?”

Ŋilep. 10:19 Iomraidhean Croise

Isa. 1:11

Irworo Ekapolon ebala, “Ŋakai kaŋ ŋamuronisya kus ŋuna alalak, akaupa ayoŋ ŋainakineta ŋuna epeyo ŋuna a ŋimesekin ka asepwae a ŋibaren a ŋulu atumak; nyeketalakarito ayoŋ ŋaokot a ŋimoŋin, kori a ŋikalei a ŋulumesekin, kori a ŋamee.

Isa. 1:15

Ani ikyaarete iyes ŋakan kus ilipete, nyeŋoliuni ayoŋ neni kus, tari daŋ kilipa iyes ŋakilipasinei ŋuna alalak, nyapupokini ayoŋ, anerae itereŋa iyes ŋakan kus anakiar ŋituŋa.

Yer. 14:12

Tari kiredakis ikes akiron, nyeirari ayoŋ akigworo kec, tari keyaut ikes neni kaŋ ŋainakineta ŋuna epeyo ka ŋainakineta ŋuna a ŋikinyom, nyacamuni ayoŋ ŋainakineta kec, nai aari ayoŋ ikes a ekileŋ, a akoro ka a ŋidekesinei.”

Yer. 6:20

Ekainyo kaŋ ekinyate ŋolo eyaunitae alo Seba, kori akasirimaete ŋina abobon ŋina eyaunitae anakwap a ŋina alwanan? Nyacamit ayoŋ ŋainakineta kus ŋuna epeyo, kori nyeketalakarito ayoŋ tari ŋamuronisya kus.

Osea 9:4

Nyepedorete ikes ainakin ŋainakineta ŋuna a epiini neni ke Ekapolon, nyitalakarete ŋamuronisya kec iŋes, ikwaanikin ŋamuronisya ŋun aneni kec ka akiriŋ ŋina ka apunyas, ŋituŋa daadaŋ ŋulu enyamete akiriŋ a ŋamuronisya a ŋun itoroniyaryo ikes, anerae eruwor akimuj ŋin ŋina kec, nyemaikina yaunae Kai ke Ekapolon.

Ŋilep. 10:20

Ani iirari Moses ŋakiro ŋun, abu tocamu.

Ŋilep. 9:12

Kedau ŋun, abu Aron toar ainakinet ŋina epeyo yaut ŋidwe keŋ ŋulusapa neni keŋ ŋaokot, ido kipakak iŋes lowaetin anamuroet daadaŋ.

Ŋilep. 9:8

Aŋun, abu Aron bu namuroet, toar etaok ŋol ŋolo arae ainakinet aŋuna ka asecit keŋ.

Mal. 1:10

Ebala Ekapolon ŋolo etiron ebe, “Okoe kerae ca topedori epei alokidiŋ kus agolokin ŋikekya ŋulu ka Akai ka Akuj, itogolo iyes tojoŋoto akinok ŋakimya ŋuna emam ajokis Namuroet kaŋ! Nyalakara ayoŋ aŋuna kus; nyacamuni ayoŋ ŋainakineta ŋuna iyaunete iyes neni kaŋ.

Mal. 1:13

Ibasi iyes, ‘Ikiup isua akitiya ŋun!’ Nabo iwunyonorete iyes ŋikumes kus kidiama ikijamuwarito ayoŋ. Iyaununete iyes neni kaŋ ŋibaren ŋulu ikokounito, kori ŋulu aŋwalak, kori ŋulu edyakasi. Itamete iyes atemar acamuni ayoŋ ŋul aneni kus a?

Mal. 2:13

“Icebore ŋini itiyaete iyes iŋes en: Iteleleete iyes ŋakiyo kus a Namuroet ke Ekapolon. Igworosi ka iwololoete, anerae nyeriŋa Ekapolon emitakinit ŋainakineta, kori nyeriŋa elakara akijaun ikes anakan kus.

Ŋikis. 12:7

Tosodi imujete iyes a nen aneni eyai Ekapolon Akuj kus, imujete iyes a nen kaapei ka ŋituŋa a ŋikalya kus, ilakara aŋuna a ŋakiro a daadaŋ a ŋuna itiyata iyes aŋuna ikiterereŋio Ekapolon iyes.

Ŋikis. 26:14

Nyenyama isua adio a atutubet a ŋina italeoritae, nyinyama isua ikes, apaki ŋina egworore, nyelemara isua ikes apaki ŋina ikitoroniyaritere, nyeinakina isua ikes adio erae ainakinet neni a ŋikatwak. Ewuapi isua ŋakiro ŋuna ke Ekapolon Akuj kosi, etiyae daadaŋ ŋuna ikicik iŋes isua akitiya.

Ŋipil. 4:4

Tolelyanete jwi jwi anakimorikina kus ka Ekapolon. Alimuni ayoŋ nabo atemar: tolelyanete!

Ŋibur. 7:27

Nyikwaan iŋes ka ŋisacaradotin ŋulu apolok nooi ŋuluce; nyiitana iŋes ainanakin ŋamuronisya neni ka Akuj a ŋinakoloŋit, mono, aŋuna a ŋasecisya keŋ ka aŋuna a ŋasecisya a ŋulucetuŋa, anerae apaki ŋina ainakinia akuwan keŋ, abu inak amuronot apeiinakinet ŋina itemokino jik.

Ŋibur. 9:8

Ikitatami iwon Etau ŋolo Asegan anakiro a ŋun daadaŋ atemar eriŋa nyeŋaara erot ŋolo elomarere nagule ŋina a ŋaarei, ŋina erae Akibois ŋina Asegan nooi, erae keriŋa agule ŋina esyaunan eyai.