Ŋilep. 10:13 - Ebaibul

¹³ Emaikina iyes tonyama ainakinet ŋin anakibois a ŋina asegan, anerae erae ŋina ikityakakinitae iyoŋ ka ŋidwe kon ŋulusapa, anainakinet a ŋina epeyo aŋuna ke Ekapolon; epite ŋol iŋes ekecikitor Ekapolon ayoŋ.

Ŋilep. 10:13 Iomraidhean Croise

Esek. 42:13

Tema ekile ŋol neni kaŋ, “Erae ŋagulei ŋuna alo Kuju ka ŋuna alo Kwap, ŋuna iteosi ka alapatu ŋuna asegak, erae ŋuna enyamyata ŋisacaradotin ŋulu elosete akiryamun ke Ekapolon ŋainakineta ŋuna asegak. Emaikina ikes kiwuanakinete ŋainakineta ŋuna asegak nen, ikwapei ŋainakineta ŋuna a ŋikinyom, ŋainakineta ŋuna a ka asecit ka ŋuna ka akiilit anasecit; anerae erae ŋagulei ŋun ŋuna asegak.

Ŋilep. 10:12

Tema Moses neni ka Aron ka ŋidwe keŋ ŋulusapa ŋulu edoŋito, Eleasar ka Isamar ebe, “Tolemutu ainakinet ŋina a ŋikinyom ŋina idoŋit anainakineta a ŋuna epeyo aŋuna ke Ekapolon, tonyama alodiyete namuroet emam ŋakinyalet, anerae erae ainakinet ŋina asegan nooi.

Ŋilep. 10:14

Nai atorobu ka amuro ŋinerin ŋulu ikiyaanaryo, emaikina iyoŋ ka ŋidwe kon ŋulusapa tonyama kaapei ka ŋapesur anakibois a daadaŋ a ŋina italeunitoe, anerae adaun atyakakin ŋinerin ŋul neni kon ka ŋidwe kon anainakineta a ŋuna ke ekisil a ŋuna eyaunete Ŋisirael.

Ŋilep. 2:3

Tosodi nai ŋikinyom ŋuluce ŋulu idoŋito anainakinet, emaikina kidoŋo erae ŋulu ka Aron ka ŋidwe keŋ ŋulusapa. Erae ainakinet ŋina ŋikinyom ŋina asegan nooi ŋina epeyo aŋuna ke Ekapolon.

Ŋilep. 6:16

Emaikina nai Aron ka ŋidwe keŋ ŋulusapa yaasi ŋakirya ŋuna idoŋito kimuja; nai emaikina ikes kimuja pa iwuakinitae ŋakinyalet, ido emaikina kimuja anakibois a ŋina asegan; analapatu ke eema a ŋolo ilipere.

Ekim. 18:10

Emaikina iyes kimuja ŋainakineta ŋun erae ŋuna asegak nooi, emaikina erae ŋisapa make enyamete; erae ŋainakineta ŋun ŋuna esegak aneni kus.

Ekim. 5:10

Ŋainakineta daadaŋ ŋuna italeunitoe ŋuna eauni ituŋanan, erae ŋuna a ilope, nai ŋainakineta daadaŋ ŋuna einakinio esacaradoti, erae ŋuna a esacaradoti.’ ”