Ŋilep. 10:11 - Ebaibul

¹¹ ido emaikina iyoŋ kitatam Ŋisirael ŋakiro daadaŋ ŋuna atubu Ekapolon ŋuna adau alimun aneni a Moses.”

Ŋilep. 10:11 Iomraidhean Croise

2 Ŋakiro a ŋirwa 15:3

Eboiyoto Ŋisirael ekaoyan pa eyenete Akuj ŋina a kire, emamukatar esacaradoti ŋolo itatami ikes ka emamukatar ŋikisila.

2 Ŋakiro a ŋirwa 17:9

Yaasi ikes ekitaabo ŋolo a ŋikisila ke Ekapolon, kitatama ŋituŋa alo Yudaya daadaŋ, toloto lotaunio a Yudaya daadaŋ, kitatama ŋituŋa ŋikisila ŋulu ke Ekapolon.

2 Ŋakiro a ŋirwa 30:22

Kirwor Esekia neni a ŋilepi a daadaŋ ŋakiro ŋuna esimukekinak nooi, anerae etoodiunito ŋilepi ayenut kec nooi etic ŋolo ke Ekapolon. Apotu ŋilepi kimuja ŋirwa ŋikanikaarei ŋinerin a ŋibaren ŋulu ainakinitae ikes, inanakis ŋainakineta ŋuna ke ekisil ka kipuro Ekapolon Akuj atapapaa kec eosi.

Neem. 8:2

Ikwapei alimunioto ŋituŋa, abu esacaradoti Esira yau ŋikisila kiŋaren atukot a ŋituŋa, kiŋaren ŋikilyok ka ŋaberu ta ŋituŋa daadaŋ ŋulu apedorito akiirar ka ayenun ŋakiro. Etiyakin ŋun akoloŋit ŋina esyaunan alolap a ŋolo a ŋikanikaarei.

Neem. 8:8

Aŋun, apotu ikes tosyoma alokitaabo a ŋolo a ŋikisila ka Akuj ikeunito ŋitoilon ka apotu ikes tolimokis ŋituŋa apolou a ŋakiro a ŋuna asyomyo, ikotere ŋituŋa eyenunete.

Yer. 18:18

Apotu nai ikes temasi, “Potu, oyeutu ŋarurumae emana Yeremia, anerae nyedaunun ŋakitatameta aneni a esacaradoti, kori ŋakiro ŋuna ajokak aneni a ŋikaosok, kori akirot aneni a ekadwaran. Potu esitakisi iŋes a ŋakiro a ŋadi, nyikiwuap ŋakiro keŋ ŋadi daŋ.”

Yer. 2:8

Nyetemara ŋisacaradotin ebe, ‘Ai eyai Ekapolon?’ Pa akayenete ayoŋ ŋulu atubete ŋakiro; apotu ŋikepukak okoŋero ayoŋ, apotu ŋikadwarak todwara ŋuna a Baal, ido kiwuapa ŋakiro ŋuna emam ibore iryamunia.

Mal. 2:7

Erae etic ke esacaradoti akitatam ŋuna ka aosou, ido emaikina ŋituŋa kiwara ŋakiro ŋuna itatami iŋes, anerae erae iŋes ekiyakia ŋolo ke Ekapolon a ŋolo Etiron.

Mat. 28:20

Kitatama ikes toyenut ka kiwuapa ŋakiro daadaŋ ŋuna adau ayoŋ akicikakin iyes; ka daŋ toyenete atemar ikirukit ayoŋ ka iyes ŋirwa daadaŋ tari ŋina esalunia akwap.”

Ŋitic. 20:27

Anerae nyimunono ayoŋ akiserakin iyes ŋuna daadaŋ ecamit Akuj.

Ŋikis. 17:10

Kitiyata ŋakiro daadaŋ ŋuna etubunete ikes anakibois a ŋina eseuni Ekapolon ka kiwuapa ŋakiro daadaŋ ŋuna ikilimokinete ikes iyes.

Ŋikis. 17:11

Emaikina iyes kiwuapa ŋakiro daadaŋ ŋuna a ekisil ŋuna ikisileerekinete ikes iyes, kori ŋakiro daadaŋ ŋuna ikilimokinete ikes iyes akitiya, nyiesikis akitiya ŋuna ikilimokinete ikes iyes.

Ŋikis. 24:8

Tocoito nyielun nen kus edeke ŋolo ka amuny ka akuwan. Emaikina iyes kiwuapa daadaŋ ŋuna ikilimokinete iyes ŋisacaradotin ŋulu erae ŋilepi, lopite ŋolo ecikitor ayoŋ ikes.

Ŋikis. 33:10

Itatamete ŋilepi ŋituŋa a Yakob ŋakiciketa kon ka itatamete Ŋisirael ŋikisila kon. Eyaununeete ikes ekinyate kiŋaren kon ka eyaununeete ŋainakineta ŋuna epeyo Namuroet kon.

1 Ŋites. 4:2

Anerae iyenete iyes ŋuna aponi isua itolimokin iyes alokiro ke Ekapolon Yesu.