Ŋilep. 10:10 - Ebaibul

¹⁰ Emaikina iyoŋ toyenu ibore ŋini eseg ka ŋini isitiyao car, ibore ŋini nyitoroniyaritae ka ŋini itoroniyaritae,

Ŋilep. 10:10 Iomraidhean Croise

Yer. 15:19

Aŋun, abu Ekapolon tema neni kaŋ, “Ani kiboŋunit iyoŋ neni kaŋ, ekejauni ayoŋ iyoŋ nabo, ido ibuni iyoŋ akitiyanakin ayoŋ nabo. Ani kirwor iyoŋ ŋakiro ŋuna ajokak, meere ŋunacaryo, iruwor iyoŋ ekadwaran kaŋ. Eboŋunete ŋituŋa neni kon meere iyoŋ iboŋori neni kec.

Esek. 22:26

Etiyata ŋisacaradotin anakwap kec ŋakiro ŋuna nyecamakinito ŋikisila kaŋ, esitiyata ŋiboro kaŋ ŋulu asegak alopite a ŋolo aronon, nyeyenete atemar nyaalu ŋiboro ŋulu asegak ka ŋulu nyesegak, mam daŋ nyitatama ikes ŋituŋa toyenut ibore ŋini itoroniyaritae ka ŋini nyitoroniyaritae, aŋero ikes atamunit ŋarwa kaŋ ŋuna a Sabato, aŋun, adaut ikes ajamuwar ayoŋ alokidiŋ kec.

Esek. 44:23

Emaikina ikes kitatama ŋituŋa kaŋ toyenut ibore ŋini eseg ka ŋini nyeseg ka emaikina ikes kitoodikis ŋituŋa kaŋ ibore ŋini nyecamakinitae akinyam, kori akitap ka ŋini ecamakinitae.

Ŋilep. 11:47

emaikina iyes toyenut ŋulu itoroniyaritae ka ŋulu nyitoroniyaritae, ido toyenutu daŋ ŋisubuna ŋulu eyarete ŋulu emaikina tonyama ka ŋulu nyemaikina tonyama.’ ”

Ŋilep. 13:43

Emaikina esacaradoti kisyeme ituŋanan ŋin; ani kereŋiyarito tokwaŋiyarito ŋakemera ŋuna ilebulebunito ŋuna elomunito anaŋole keŋ, kori anapalore keŋ, kikwaan ka edeke ŋolo etapaana ŋolo ikamununui amuny ka akuwan,

Ŋilep. 14:57

Erae ŋul ŋikisila ŋulu eyenunere atemar itoroniyaritae ka nyitoroniyaritae ibore idio. Erae ŋul ŋikisila ŋulu a ŋidekesyo a ŋulu etapaaka anamuny ka akuwan ka ŋulu a ibore a ŋini ikunoikini ŋilowi, ŋijamu ka ŋakais.

Tito 1:15

Esegak ŋiboro daadaŋ aneni a ŋituŋa a ŋulu esegak ikes ŋilopeyek, nai emam ŋiboro esegak aneni a ŋituŋa a ŋulu nyenupito, anerae erae ŋatameta ka ŋitai kec esiilyaka.