Ŋilep. 1:4 - Ebaibul

⁴ Emaikina ituŋanan ŋin kidokok akan keŋ nakou ka ainakinet a ŋina epeyo a ŋin, ikotere Ekapolon ecamuni ainakinet ŋin tomookunere iŋes asecit keŋ.

Ŋilep. 1:4 Iomraidhean Croise

Awos. 28:38

Emaikina enapit Aron akaparaparat ŋin aloreet keŋ. Adyakaret daadaŋ ŋina eyakaun nainakineta ŋuna adaut Ŋisirael akitaleun ainakin ayoŋ, eruwor nakou ka Aron. Eruwor adyakaret ŋinaruba aneni ka Aron, nai Ŋisirael ŋuluce eruwor ŋulu italakarito Ekapolon.

Awos. 29:10

“Emaikina iyoŋ tomyaa emoŋ kiŋaren Eema ŋolo iryamununoi, ido kimyek Aron ka ŋidwe keŋ ŋulusapa kidokokis ŋakan kec nakou ke emoŋ.

Awos. 29:15

“Ekaku a ŋun, tolemu emesek epei inak Aron ka ŋidwe keŋ ŋulusapa kidokokis ŋakan kec nakou a emesek.

Awos. 29:19

“Ekaku a ŋun, tolemu emesek, ŋoloce, yau Aron ka ŋidwe keŋ ŋulusapa kimyek ikes kidokokis ŋakan kec nakou a emesek.

Awos. 29:33

Emaikina ikes ŋikulepek kimuja akimuj ŋin ŋina ka alemaryo a ŋasecisya aŋuna ka akitaleun ikes kituruworoe ŋisacaradotin. Mam ituŋanan ice acamakinitae akinyam akimuj ŋin, anerae etaleo.

Isa. 56:7

ayaari ayoŋ ikes lomoru kaŋ ŋolo asegan, oinak ikes alakara alokai kaŋ a ŋinakilipet. Ecamunio ŋainakineta kec ŋuna epeyo ka ŋamuronisya kec anamuroet kaŋ, anerae enyarao Akai kaŋ Akai ŋina ilipyata ŋituŋa daadaŋ.”

Esek. 45:15

Amesek apei alotooma ŋamesekin ŋamiae ŋaarei a ŋinadakari a Ŋisirael. Emaikina iyes yaut ŋainakineta a ŋuna a ŋikinyom ka a ŋuna a ŋibaren, toruwor ikes ŋainakineta ŋuna epeyo ka ŋuna ekisil, ikotere ikimookunere iyes anasecit kus.

Dan. 9:24

“Erae ŋisabito ŋulutomonikanikaarei apaki ŋina etubunit Akuj akitiyakinia nu aŋuna a ŋituŋa kon ka aŋuna ke etaun a ŋolo asegan: Akitojoŋore ŋituŋa abilibil ŋikisila, akitojoŋore ŋituŋa asecenen, amookuun ŋituŋa anaronisya kec, ayaun lotuŋa akiyookino ŋinaruba ka akisiyookin akisileerekinet ka ŋakiro a ŋikadwarak ta akitaleun akibois ŋina asegan nooi.

Ŋilep. 16:21

Kidokok ŋakan keŋ nakou a ekoroe a ŋol, kirwor neni a ekoroe a ŋol aronis daadaŋ ka aŋecanut ta ŋasecisya a Ŋisirael daadaŋ, kimyek pena nakou a ekoroe, ido nai tolemu ituŋanan tomyaa ekoroe ŋol nariet.

Ŋilep. 16:24

Emaikina iŋes kiloŋar anakibois a ŋina asegan, ido tonap ŋilowi keŋ ŋulu sek enapenene. Tolomu nai kiŋa inak Ekapolon ainakinet keŋ ŋina epeyo ka ainakinet a Ŋisirael ŋina epeyo. Tomookun bon ka tomooku ŋituŋa.

Ŋilep. 22:21

“‘Ani keyau ituŋanan idio ainakinet ŋina ke ekisil neni ke Ekapolon, ŋina erae akisiyookinio ŋuna ikoŋit iŋes, kori ainakinet keŋ a ilope ŋina elemunit iŋes anacamit keŋ, ŋina elemunit iŋes anaatuk, kori anakinei, ecamunio erae kejok ka kemam neni eŋwalit.

Ŋilep. 22:27

“Ani eurunio itaok, kori imesek, kori imeot, emaikina toruko ka toto keŋ ŋirwa ŋikanikaarei. Ani epete ŋirwa ŋikanikauni ka ŋice, ecamakinio ibarasit eruwor ainakinet neni ke Ekapolon ŋina epeyo.

Ŋilep. 3:13

ido kidokok ituŋanan ŋin akan keŋ nakou ka ameot a ŋin; toarae nai alokiŋaren epuke ŋolo ke eema a ŋolo ilipere; ido kipakakis ŋidwe ka Aron ŋulusapa ŋaokot lowaetin anamuroet daadaŋ.

Ŋilep. 3:2

Emaikina ŋini eyaunit ainakinet ŋin kidokok ŋakan keŋ nakou ka ainakinet a ŋin, ido nai toar alopuke ke eema a ŋolo ilipere; kipakakis nai ŋidwe ka Aron ŋulusapa ŋulu erae ŋisacaradotin ŋaokot lowaetin anamuroet daadaŋ.

Ŋilep. 3:8

Emaikina ituŋanan ŋin kidokok akan keŋ nakou ka ainakinet keŋ a ŋin, ido toar alopuke ke eema a ŋolo ilipere. Kipakakis nai ŋidwe ka Aron ŋulusapa ŋaokot lowaetin anamuroet daadaŋ.

Ŋilep. 4:15

Tosodo nai ŋikasikou kidokokis ŋakan kec nakou ke emoŋ alokiŋaren Ekapolon, ido nai toarae emoŋ a nen alokiŋaren Ekapolon.

Ŋilep. 4:20

Emaikina iŋes kitiya aŋuna ke emoŋ a lo ŋuna abu iŋes kitiya lomoŋ ŋolo arae ainakinet aŋuna ka asecit. Alopite a ŋol emookuni iŋes ŋituŋa anasecit kec, ido isyonio ikes.

Ŋilep. 4:24

Emaikina iŋes kidokok akan keŋ nakou ke ekoroe a ŋol, ido toarak nakibois ŋina sek earanakinio ŋainakineta ŋuna epeyo alokiŋaren Ekapolon. Erae ainakinet ŋin aŋuna ka asecit.

Ŋilep. 4:26

Emaikina iŋes kicuny asepwae daadaŋ alokidiama namuroet lopite ŋolo ecunyia iŋes ŋina ka ainakinet a ŋina ke ekisil. Alopite a ŋol, emookuni esacaradoti ituŋanan ŋin anasecit keŋ, ido isyonio ituŋanan ŋin.

Ŋilep. 4:29

Emaikina iŋes kidokok akan keŋ nakou ka ainakinet a ŋina elemarere asecit a ŋin, ido nai toarak nakibois ŋina sek icunyere ŋainakineta ŋuna epeyo.

Ŋilep. 4:31

Emaikina esacaradoti tolema asepwae daadaŋ lopite ŋolo alemanarere ŋina ka ainakinet a ŋina ke ekisil, ido emaikina kicuny alokidiama namuroet ikwapei ainakinet ŋina epeyo, ŋina ebob eure keŋ aneni ke Ekapolon. Alopite a ŋol, emookuni esacaradoti ituŋanan ŋin anasecit keŋ, ido isyonio ituŋanan ŋin.

Ŋilep. 4:33

Emaikina ituŋanan ŋin kidokok akan keŋ nakou ka amesek a ŋin, toar erae ainakinet aŋuna ka asecit keŋ, toarak nakibois ŋina sek earanakinio ŋainakineta ŋuna epeyo.

Ŋilep. 4:35

Emaikina esacaradoti tolemu asepwae daadaŋ lopite ŋolo alemarere ŋina ka ainakinet a ŋina ke ekisil, ido emaikina kicuny alokidiama namuroet kaapei ka ŋainakineta ŋuna epeyo aŋuna ke Ekapolon. Alopite a ŋol, emookuni esacaradoti ituŋanan ŋin anasecit keŋ a ŋina abu kitiya, ido isyonio ituŋanan ŋin.

Ŋilep. 4:4

Emaikina iŋes yau emoŋ kiŋaren Ekapolon lopuke ŋolo ke eema a ŋolo ilipere, kidokok akan keŋ nakou ke emoŋ, ido toarak nen kiŋaren Ekapolon.

Ŋilep. 5:6

Nai ikwapei akisicanet aŋuna ka asecit keŋ, emaikina iŋes yau neni ke Ekapolon akine ŋinaberu alosipan kerae amesek, kori ameot ikwapei ainakinet aŋuna ka asecit keŋ; tosodi nai esacaradoti tomooku ituŋanan ŋin anasecit keŋ.

Ŋilep. 6:7

Alopite a ŋol, emookuni esacaradoti ituŋanan ŋin anasecit keŋ alokiŋaren Ekapolon, ido isyonio ituŋanan ŋin anakiro a daadaŋ a ŋuna abu iŋes kitiya toruworor ŋini esecit.”

Ŋilep. 8:14

Toriku Moses kiŋaren emoŋ ŋolo arae ainakinet aŋuna ka asecit, ido apotu Aron ka ŋidwe keŋ ŋulusapa kidokokis ŋakan kec nakou ke emoŋ a ŋol,

Ŋilep. 8:18

Toriku nai Moses kiŋaren emesek ŋolo erae ainakinet ŋina epeyo. Kidokokis Aron ka ŋidwe keŋ ŋulusapa ŋakan kec nakou ke emesek a ŋol,

Ŋilep. 8:22

Toriku nai Moses emesek ŋolo a ŋiarei kiŋaren, arae emesek ŋol ŋolo ituruworere ituŋanan esacaradoti. Apotu Aron ka ŋidwe keŋ ŋulusapa kidokokis ŋakan kec nakou a emesek a ŋol,

Ŋilep. 9:7

Tema nai Moses neni ka Aron, “Toapiya namuroet, ido ya ainakinet kon aŋuna ka asecit ka ŋina epeyo, ikotere tomookun bon ka tomooku ŋituŋa ŋuluce daŋ, ya ainakinet ŋina a ŋituŋa daŋ, ikotere tomooku ikes; lopite ŋolo adaunia Ekapolon akicik.”

Ekim. 15:25

Emaikina esacaradoti tomooku atukot a Ŋisirael a daadaŋ, ido isyonio ikes, anerae pa eredakinete ikes akiŋer akiwuap ŋakiciketa a Ekapolon, tosodi adaut ikes ayaun neni ke Ekapolon ainakinet kec ŋina epeyo kaapei ka ainakinet kec aŋuna ka asecit neni ke Ekapolon aŋuna ka adyakaret kec.

Ekim. 15:28

Emookuni nai esacaradoti ituŋanan ŋin alokiŋaren Ekapolon aŋuna ka adyakaret keŋ a ŋina pa eredakini akitiya, isyonio nai ituŋanan ŋin asecit keŋ.

Ekim. 25:13

Eruwor aneni keŋ ka aneni a ŋiletok keŋ acamunet ŋin ŋina ka asacaradotonu ŋinaruba, anerae ainakina iŋes aŋuna ka Akuj keŋ, ido amooku iŋes Ŋisirael anasecit.’ ”

Ekim. 8:10

Apaki ŋina iyaunia iyoŋ ŋilepi kiŋaren Ekapolon, emaikina Ŋisirael kidokokis ŋakan kec neni a ŋilepi,

Ekim. 8:12

Idokokinete nai ŋilepi ŋakan kec nakyes a ŋimoŋin, ido inak Aron ŋimoŋin ŋul neni ke Ekapolon, epei erae ainakinet aŋuna ka asecit, epei erae ainakinet ŋina epeyo aŋuna ka amookunia ŋilepi.

Ŋirom. 12:1

Aŋun nai, ŋikaitotoi kaŋ, aŋuna ka akisyon a ŋina apolon a ŋina ka Akuj neni yok, ekemaimai ayoŋ iyes: kituruwosi ŋawat kus amuronot ŋina eyari aŋuna ka Akuj, ŋina einakinitae neni keŋ ka ŋina italakarit iŋes. Erae ŋol epite ŋolo itemokino iyes kilipyata.

Ŋirom. 3:25

Abu Akuj kipoto Yesu Kristo, ikotere akeetwanare eruwor ŋina isyoniyere ŋasecisya a ŋituŋa a ŋulu enupete iŋes. Abu Akuj kitiya ŋun, ikotere kitoodiunia atemar iyookino iŋes alope. Koloŋ sek abu Akuj totitinyik ka nyemitak ŋasecisya a ŋituŋa.

Ŋirom. 5:11

Meere a ŋun bon, nai ikilelyani daŋ alotooma Akuj aŋuna a Yesu Kristo a ŋolo ikituruwo iwon ŋikonei ŋulu ka Akuj.

Ŋipil. 4:18

Adau ayoŋ aryamun ainakinet kaŋ, itemokino ka elal daŋ nooi! Ayakar tokona ayoŋ ibore ŋini eitanit daadaŋ, ikwapei ayaunia Epapurodito ŋainakineta ŋuna ipotu iyes kiyakuut. Erae ikes amuronot ŋina akukunyon, ŋina ecamuna ka ŋina italakarit Akuj.

Ŋibur. 10:4

Anerae nyepedorete jik ŋaokot a ŋimoŋin ka ŋuna a ŋamee alemar ŋasecisya a ŋituŋa.

1 Yoa. 2:2

Iŋes erae amuronot ŋina isyoniyere ŋasecisya yok; meere ŋasecisya yok bon, nai ŋasecisya a ŋituŋa a daadaŋ.