Ŋilep. 1:3 - Ebaibul

³ Ani kerae ainakinet ŋin ŋina epeyo ŋina elemunitae alosipan a ŋibaren, emaikina iŋes tolemu etaok ŋolo ajokan ŋolo emam neni eŋwalit; yau lopuke ŋolo ke eema a ŋolo ilipere, ikotere Ekapolon ecamuni aŋuna keŋ ibarasit ŋin.

Ŋilep. 1:3 Iomraidhean Croise

Akisy. 22:13

Kikeu Aburaam ereet keŋ, toŋoleŋolek, kiŋolik emesek ikamunito ŋaten ŋuna ke elogilog anamoni ŋamomwar. Tolot Aburaam toriku emesek inak neni ka Akuj erae amuronot ŋina epeyo akilo ainakin Akuj lokoku keŋ.

Akisy. 22:2

Tema Akuj, “Ya lokoku kon Isaka ŋolo donupei ŋolo imina iyoŋ, toloto nakibois ŋina enyaritae Moria. Ani idolete nen, ikiinak iŋes ayoŋ erae amuronot ŋina epeyo alomukura a epei a nen, a ŋolo eketoodikini ayoŋ iyoŋ.”

Akisy. 22:8

Tema Aburaam, “Lokoku, Akuj alope elemuni imesek ŋini erae amuronot ŋina epeyo.” Torubakis ikes ŋiarei make elosete.

Akisy. 8:20

Todukok Noa Namuroet aŋuna ka Akuj, tolemu ŋityaŋ ka ŋikyeny ŋulu itojokitae, tope a Namuroet erae ainakinet neni ka Akuj.

2 Ŋakiro a ŋirwa 29:32

Arae ekimar a ŋainakineta a ŋuna epeyo a ŋuna apotu ŋituŋa yaut ŋimoŋin ŋatomonikanikaarei, ŋimeesekin amiat ka ŋikalei ŋulumesekin ŋamiae ŋaarei; arae ŋul daadaŋ ŋainakineta ŋuna epeyo aŋuna ke Ekapolon.

2 Ŋakiro a ŋirwa 35:12

Apotu ikes tosetasi nawae ŋainakineta ŋuna epeyo aŋuna ka ainakin neni a ŋatuketa a ŋatekerin, ikotere ŋun eayete neni ke Ekapolon, ikwapei igiritere lokitaabo ŋolo a ŋikisila a Moses. Apotu ikes kitiyata ikwaŋinapei neni a ŋimoŋin a ŋulu ayaunitae erae ŋainakineta.

Ŋikiru. 110:3

Einakinosi ŋituŋa kon anacamit akoloŋit ŋina irikio iyoŋ ŋikajiok kon lojie alokidiama ŋimukura ŋulu asegak. Alopite a ŋolo eponiata ŋakopi taparacu, epote ŋisorok kon neni kon.

Ŋikiru. 40:8

‘Alakara ayoŋ akitiya ŋuna icamit iyoŋ, okoe Akuj kaŋ, ewuakinit ayoŋ ŋikisila kon lotau kaŋ.’”

Awos. 12:5

Emaikina ŋibaren ŋulu ilemunete iyes erae ŋulumoŋin, ŋulu erae apolou ekaru epei, tomam neni ewanan anawat kec, ipedorete iyes alemun ŋibaren ŋul anamesekin, kori anamee.

Awos. 24:5

Ani kedau ŋun, abu kiyakiya ŋisorok a Ŋisirael, toloto ŋul inakis Ekapolon ŋainakineta ŋuna epeyo ka ŋamuronisya ŋuna a ŋimoŋin a ŋulu apolounok ikwapei ŋainakineta ŋuna ka akimorikina ke Ekapolon.

Awos. 29:18

tope nai emesek daadaŋ alokidiama Namuroet, anerae erae iŋes ainakinet neni ke Ekapolon ŋina epeyo, ŋina ebob eure keŋ ka ŋina emaikina topeoi einakinio Ekapolon.

Awos. 29:4

Kidau akitiya ŋun, yau Aron ka ŋidwe keŋ ŋulusapa lopuke ŋolo ke Eema a ŋolo iryamununoi ikes, kiloŋa ikes a nen a ŋakipi.

Awos. 29:42

Emaikina ainakinet na ŋina epeyo toruwor ŋina itiyaete ŋanyameta daadaŋ apaki ŋina emaikina kitiyaere. Kitiyata ŋun alopuke ke Eema a ŋolo iryamununoi alokiŋaren Ekapolon, aneni ikiryamun ayoŋ ka iyes okolimok iyes ŋakiro.

Awos. 32:6

Aŋun, apotu ŋituŋa tonyout taparacu sek akoloŋit ŋina atupakini ŋin, yaut ŋainakineta kec ŋuna apeyo ka ŋamuronisya ŋuna ke ekisil. Kiboikinos ŋituŋa nen kimuja ka tomata, ido tonyout tobolyata.

Awos. 35:21

Apotu nai Ŋisirael daadaŋ ŋulu apotu kiirasi ŋakiro a Moses ka kiburakis ŋitai kec tocamut daŋ ŋitai kec akitiya ŋun, yaut ŋainakineta kec neni ke Ekapolon, ikotere isitiyao alotooma Eema a ŋolo iryamununoi. Apotu ikes yaut ŋiboro daadaŋ ŋulu eitana adukio Eema ŋolo iryamununoi ka ŋuludonyunet ŋilowi a ŋisacaradotin.

Awos. 35:29

Apotu Ŋisirael daadaŋ ŋikilyok ka ŋaberu, ŋulu acamito alotai kec akitiya ŋuna abu Moses kicik ikes akitiya, yaut ŋainakineta kec neni ke Ekapolon emam akitiŋakinit.

Awos. 35:5

Alotooma ibore ŋini iyakar iyoŋ ŋinituŋanan daadaŋ, ya ainakinet adio neni ke Ekapolon. Ituŋanan daadaŋ ŋini ecamit ainakin Ekapolon ainakinet, emaikina yau egolid, esilipa ka eburonis;

Awos. 36:3

Inak Moses ikes ŋainakineta daadaŋ ŋuna apotu Ŋisirael yaut aŋuna ka adukio akibois ŋina Asegan. Apotu ŋituŋa torubakis a ŋina taparacu eyaununeete ŋainakineta emam akitiŋakinit.

Awos. 38:1

Abu Besalel kitiyau a ŋakito ke eewoi Namuroet ŋina ariyan ŋiwaetin ŋuluomwon daadaŋ, arae ŋisepyon ŋimitae ŋiarei, torae kiŋaren ka neni iteotor ŋimitae ŋiarei ka aoyau alokwap tari kidiama arae emita epei.

Isa. 1:11

Irworo Ekapolon ebala, “Ŋakai kaŋ ŋamuronisya kus ŋuna alalak, akaupa ayoŋ ŋainakineta ŋuna epeyo ŋuna a ŋimesekin ka asepwae a ŋibaren a ŋulu atumak; nyeketalakarito ayoŋ ŋaokot a ŋimoŋin, kori a ŋikalei a ŋulumesekin, kori a ŋamee.

Esek. 20:40

“‘Anerae alokidiama emoru kaŋ ŋolo asegan, emoru ŋolo eoya alo Isirael, epote Ŋisirael daadaŋ akitiyanakin ayoŋ ka acamuni ayoŋ ikes a nen, ido a nen, eiitani ayoŋ aneni kus ŋamuronisya, ŋainakineta ŋuna ajokak ka ŋiboro kus daadaŋ ŋulu italeunitoe

Esek. 40:39

Tooma agule ŋina ayai lopuke ŋol, ayakasi ŋimesae ŋiomwon, ŋiarei a ŋolowae, arae lomesae ŋul aarenenere ŋainakineta ŋuna epeyo, ŋuna a ŋasecisya ka ŋuna a akiilit anasecit.

Ŋilep. 1:10

Ani kerae ainakinet ŋin ŋina epeyo ŋina elemunitae alosipan a ŋakinei, a ŋamesekin, kori a ŋamee, emaikina tolemunae ibarasit ŋinimoŋ ŋini ajokan ŋini emam neni eŋwalit.

Ŋilep. 14:10

“Ani epete ŋirwa ŋikanikauni, emaikina iŋes tolemu ŋikaalei ŋulumoŋin ŋiarei ka ikale ipei ŋiniberu ŋinimesek. Emaikina ŋikaalei ŋul emam neni eŋwalito ka nyedeparit apolou kec ekaru epei, tolemu daŋ ainakinet ŋina a nyikinyom ŋina erae ŋakiloi ŋauni ŋuna a ŋakirya a ŋuna iguritoe ka akimyet a ŋina nyetalitae a atutubet apei alotooma ŋauni a elita.

Ŋilep. 16:7

Ani kitiya ŋun, ya ŋikorwa ŋul kiŋaren Ekapolon lopuke ŋolo ke Eema a ŋolo iryamununoi.

Ŋilep. 17:4

akilo iŋes ayaun lopuke ke eema a ŋolo ilipere, inak neni ke Ekapolon alokiŋaren eema keŋ erae ainakinet, emaikina ituŋanan ŋin toruwor ŋini esecit aŋuna abukorya ŋaokot, ikwapei abukorya iŋes ŋaokot, emaikina iŋes kiritarae alotuŋa keŋ.

Ŋilep. 17:8

“Tolimok nabo ikes atemar, ‘Esiraelit daadaŋ kori igelaanot daadaŋ ŋini iboiyete ka ikes ŋini ainakini ainakinet ŋina epeyo, kori amuronot adio,

Ŋilep. 17:9

ido nyeyau lopuke ke eema a ŋolo ilipere, ainakin neni ke Ekapolon, emaikina ituŋanan ŋin kiritarae alotuŋa.

Ŋilep. 23:12

Akoloŋit ŋina ikyaarere ŋaraito kus, emaikina iyes toara imesek ŋini erae apolou keŋ ekaru epei, ŋini emam neni eŋwalit; toruwor amuronot neni ke Ekapolon ŋina epeyo.

Ŋilep. 23:18

Yautu ŋabopuloe ŋun kaapei ka ŋikaalei ŋulumesekin ŋikanikaarei ŋulu nyeŋwalito, ŋulu erae apolou kec ekaru epei; yautu etaok epei ka ŋimeesekin ŋiarei. Eruwor ikes ŋainakineta ŋuna epeyo neni ke Ekapolon, kaapei ka ŋainakineta ŋuna a ŋikinyom ka ŋimaten. Eruwor ikes ŋainakineta ŋuna icunyio ŋuna ebob eure kec aneni ke Ekapolon.

Ŋilep. 3:1

Ani kerae ainakinet amuronot ŋina ke ekisil, ido tolemu ituŋanan ibarasit alosipan, kerae ŋinimoŋ, kori ŋiniberu, emaikina ituŋanan ŋin yau neni ke Ekapolon ibarasit ŋini ajokan, ŋini emam neni eŋwalit.

Ŋilep. 4:15

Tosodo nai ŋikasikou kidokokis ŋakan kec nakou ke emoŋ alokiŋaren Ekapolon, ido nai toarae emoŋ a nen alokiŋaren Ekapolon.

Ŋilep. 4:23

Ani keyenu iŋes asecit keŋ ŋina itiyat, emaikina iŋes yau ikwapei ainakinet ekoroe ŋolo ajokan ŋolo emam neni eŋwalit.

Ŋilep. 4:3

Ani kerae esacaradoti ŋolo Apolon nooi eseci, ido yau asecit keŋ ekaile lotuŋa, emaikina iŋes tolemu emoŋ ŋolosorokit, ŋolo ajokan, ŋolo emam neni eŋwalit, ido toar erae amuronot neni ke Ekapolon ŋinalemaret asecit keŋ.

Ŋilep. 4:32

Ani keyau ituŋanan ŋin amesek ikwapei ainakinet aŋuna ka asecit keŋ, emaikina iŋes yau amesek ŋina ajokan, ŋina emam neni eŋwalit.

Ŋilep. 5:15

“Ani kesec ituŋanan idio alokidiŋ kus nyelemu ainakinet ŋina emaikina inak neni ke Ekapolon, emaikina ituŋanan ŋin yau neni ke Ekapolon alosipan keŋ emesek ŋolo ajokan ŋolo emam neni eŋwalit. Emaikina emesek ŋol erae ŋolo epedoryo akigyel a ŋisilipae alotyae a ŋicekelya a ŋulu ecamunito ŋituŋa daadaŋ isitiyao anakibois a ŋina asegan. Erae ŋin ainakinet aŋuna ka asecit.

Ŋilep. 5:18

Emaikina ituŋanan ŋin yau alosipan keŋ neni ke esacaradoti emesek ŋolo ajokan ŋolo emam neni eŋwalit, kori ibore ice ŋini ke etyae a ŋolo ke emesek, ikwapei ainakinet aŋuna ka asecit. Emaikina nai esacaradoti tomooku ituŋanan ŋin anadyakaret keŋ a ŋina abu kitiya pa iredakinit, ido isyonio ituŋanan ŋin.

Ŋilep. 6:2

“Ani kesec ituŋanan idio alokidiŋ kus aneni ke Ekapolon; tomodiya ekidunyet keŋ ibore ŋini icikakinitae iŋes aŋuna ke edeni, kori todema ekidunyet keŋ ibore keŋ, kori tomodiya,

Ŋilep. 6:8

Tema Ekapolon neni a Moses,

Ŋilep. 7:16

Nai, ani kerae ainakinet keŋ ŋin ŋina ikoŋitor iŋes, kori ŋina emam ŋakiro elemunitere, emaikina tonyamae akoloŋit ŋina eyaunia ituŋanan, nai ibore ŋini idoŋi, emaikina kimujae akoloŋit ŋina etupakini ŋin,

Ŋilep. 8:18

Toriku nai Moses kiŋaren emesek ŋolo erae ainakinet ŋina epeyo. Kidokokis Aron ka ŋidwe keŋ ŋulusapa ŋakan kec nakou ke emesek a ŋol,

Ŋilep. 8:21

Kilot nai a ŋakipi ŋiboro ŋulu ka akook a emesek kaapei ka ŋimolokony, ido kicuny emesek daadaŋ erae ainakinet ŋina epeyo, ŋina ebob eure keŋ aneni ke Ekapolon, ŋina erae ainakinet neni ke Ekapolon ŋina epeyo, lopite ŋolo ecikitor Ekapolon iŋes.

Ŋilep. 9:2

Tema neni ka Aron, “Tolemu etaok ŋolo erae ainakinet aŋuna ka asecit ka emesek ŋolo erae ainakinet ŋina epeyo, emaikina ŋibaren ŋul erae ŋulu emam neni eŋwalit. Ya ikes neni ke Ekapolon ikwapei ainakinet.

Sakar 13:7

Ebala Ekapolon ŋolo Etiron ebe, “Okoe ekileŋ toten kicum ekeyokon kaŋ, kicum ekile ŋolo itiyae etic kaŋ! Toar iŋes, ikotere kielar ŋamesekin; etijikini ayoŋ ŋamesekin keŋ ŋuna adaun ekeyokon ŋolo iyoki,

Mal. 1:14

Ilamam ituŋanan ŋini emodiyana, ŋini ani kiik ainakin ayoŋ ibarasit ŋini ajokan alosipan keŋ, yau neni kaŋ ibarasit ŋini nyejok; arae ayoŋ Erwosit ŋolo apol akilo ŋuluce, ido itopolooritae ekiro kaŋ anakwapin.”

Ekim. 15:3

ido inakis neni ke Ekapolon ainakinet ŋina epeyo ŋina elemunitae alosipan a ŋaatuk, kori alosipan a ŋamesekin, kerae ainakinet ŋin ŋina epeyo, kori amuronot aŋuna ka akisiyookin akikoŋet, kori ainakinet ŋina elemunit ituŋanan ka acamit keŋ, kori aŋuna a ŋasuban a ŋuna etubunitoe;

Ekim. 15:8

Ani ilemunete iyes emoŋ erae ainakinet neni ke Ekapolon ŋina epeyo, kori amuronot aŋuna ka akisiyookinio akikoŋet, kori erae ainakinet ŋina ke ekisil,

Ekim. 19:2

“Erae nu ŋakiro ŋuna etubunitoe anakiciket a ŋina alimu Ekapolon,” tolimok Ŋisirael ikiinut iyoŋ ataok ŋina areŋan, ŋina emam neni eŋwalit, ŋina nyitoroniyaritae ka emam ayokot keponi toenikinae.

Ekim. 23:19

Nyirworo Akuj alyokonu ikwa ituŋanan, ka nyiloconokini Akuj ikwa ituŋanan ŋatameta keŋ. Ŋuna daadaŋ iikini iŋes isiyookini, ŋuna daadaŋ elimuni iŋes, itiyakini

Ekim. 23:27

Aŋun, tolimok Balak Balaam tema, “Bua tokona, akayai ayoŋ iyoŋ nakibois ace, acepaki italakari Akuj akicen ikes aŋuna kaŋ anakibois a ŋin.”

Ekim. 23:3

Tosodi Balaam tolimok Balak tema, “Kiboiye a ne alodiyete ŋainakineta kon ŋuna epeyo, alosi mono ayoŋ nawae; acepaki ebuni Ekapolon akirwor ka ayoŋ, ŋuna daadaŋ eketoodikini iŋes ayoŋ abuni ayoŋ alimokin iyoŋ.”

Ekim. 23:30

Abu nai Balak kitiya lopite ŋolo alimokinitor Balaam iŋes, tosodi inak erae amuronot emoŋ epei ka emesek epei alokidiama ŋinamuroet.

Ekim. 28:11

Ŋirwa ke elap epei a ŋololap, emaikina iyes yaut ŋainakineta nu ŋuna epeyo neni ke Ekapolon: Ŋimoŋin ŋulusorok ŋiarei, emesek, ŋikaalei ŋulumesekin ŋikanikaarei ŋulu erae apolou kec ekaru epei, ido tomam neni eŋwalilt

Ekim. 28:19

Emaikina yaunae neni ke Ekapolon ŋainakineta ŋuna epeyo: Ŋimoŋin ŋulusorok ŋiarei, emesek ka ŋikaalei ŋulumesekin ŋikanikaarei ŋulu erae apolou ke ekaru epei ŋulu emam neni eŋwalit.

Ekim. 28:31

Einakinio ŋainakineta ŋun kaapei ka ŋainanakineta ŋuna epeyo ŋuna a ŋinakoloŋit kaapei ka ŋainakineta ŋuna a ŋikinyom ta ainakinet ŋina a ŋimaten. Emaikina ŋibaren ŋul daadaŋ emam neni eŋwalit.

Ekim. 29:13

Emaikina iyes yaut neni ke Ekapolon ŋainakineta nu ŋuna epeyo, ŋuna ebob eure aneni ke Ekapolon: Ŋimoŋin ŋulusorok ŋitomon ka ŋiuni, ŋimeesekin ŋiarei ka ŋikaalei ŋulumesekin ŋitomon ka ŋiomwon ŋulu erae apolou kec ekaru epei, ido tomam neni eŋwalit.

Ekim. 29:2

ido emaikina iyes yaut ŋainakineta nu ŋuna epeyo ŋuna ebob eure kec aneni ke Ekapolon: Emoŋ ŋolosorokit, emesek ka ŋikaalei ŋulumesekin ŋikanikaarei ŋulu erae apolou kec ekaru epei, ŋulu emam neni eŋwalit.

Luk. 1:35

Toboŋok emalaika tema, “Ebuni Etau ŋolo Asegan neni kon, nabo ikirapuwari iyoŋ apedor ŋina ka Akuj a ŋina alokidiama, ikwa aribo ŋina ke edou. Aŋun, ikoku ŋini idouni iyoŋ, eruwor ŋini ka Akuj ka enyarao Lokoku ka Akuj.

Yoa. 1:36

Kiŋolik iŋes Yesu elosi, tolimok ŋikasyomak keŋ tema, “Kiŋolikisi Imesek ŋini ka Akuj.”

Yoa. 10:7

Aŋun, tolimok Yesu ikes nabo tema, “Akalimokini ayoŋ iyes kire atemar, Arae Ayoŋ epuke ŋolo a ŋamesekin.

Yoa. 10:9

Arae Ayoŋ epuke; ituŋanan ŋini elomuni kitoru neni kaŋ, eiun iŋes; elomuni iŋes tooma ka elomari kiŋa, toryamu akimuj.

2 Ŋikor. 8:12

Ani kiitanito iyes ainanakin, ecamuni Akuj ainakinet kus alotyae a ŋolo iyakatar iyes ŋiboro kus, meere alotyae a ŋolo nyiyakatar.

2 Ŋikor. 9:7

Itemokino nai ŋinituŋanan inak ikwapei etubunitor iŋes elope, meere ka alejeo kori ka akitiŋakinit, anerae emina Akuj ŋini einanakini ka alakara.

Ŋiep. 2:18

Erae aŋuna a Kristo aponere iwon daadaŋ Ŋiyudayan ka ŋulu nyerae Ŋiyudayan, topedorere aponare neni ka Akuj a Papa alotooma Etau ŋolo ka Akuj epei.

Ŋiep. 5:27

ikotere eyauni atukot a Ŋikristo neni keŋ erae ateran anakibuses keŋ a daadaŋ--tomam akemer, nyerinyit ereet, kori tomam ibore daadaŋ ŋini nyitesegi iŋes; aŋun, epedori ayakau kiŋaren keŋ erae ŋina ajokan nooi ka ŋina eseg alotau.

Ŋikis. 12:27

Emaikina iyes inakis ŋainakineta kus ŋuna epeyo akiriŋ kaapei ka ŋaokot namuroet ŋina ke Ekapolon Akuj kus, nai ŋaokot ŋuna a ŋamuronisya kus a ŋunace tobukokisi kwap diyete namuroet ŋina ke Ekapolon Akuj kus, ido ipedorete iyes akinyam akiriŋ.

Ŋikis. 15:21

Nai ani eyai neni eŋwalit alobaren a ŋul, kori kemudukana, nyiinakis ikes erae amuronot neni ke Ekapolon Akuj kus,

Ŋikis. 17:1

Nyiinakis erae amuronot neni ke Ekapolon Akuj kus emoŋ, kori emesek, ŋibaren ŋulu eyai neni eŋwalit, kori idiobore daadaŋ ŋini nyejok, anerae eŋerit Ekapolon Akuj kus ŋun.

Ŋibur. 7:26

Yesu nai erae Esacaradoti yok ŋolo Apolon nooi, ŋolo ikitemokino iwon anakiitanit a daadaŋ. Eseg iŋes alotau, emam asecit ka emam ŋuna inyasito iŋes; etyakaritae iŋes alokasecak ka ekyaar iŋes kidiama nakuj.

Ŋibur. 9:14

Ikwaŋina eraakatar ŋakiro ŋun ŋuna a kire, etya nai ai ŋakiro ŋuna erikakis ŋaokot ŋuna a Kristo! Alotooma Etau ŋolo Asegan, abu iŋes inak akeekuwan neni ka Akuj ikwapei amuronot ŋina asegan. Itesegete ŋaokot keŋ ŋitai yok alotalyo a ŋulu ikirikorete natwanare, ikotere ejaanakisi iwon Akuj ŋina eyari.