Ŋikol. 4:5 - Ebaibul

⁵ Itemokino iyes toosok alopitesyo a ŋulu iboiyoto iyes alokidiŋ ŋituŋa ŋulu nyeraakasi Ŋikristo. Kisitiyata ejok apaki daadaŋ ŋina iyakatar iyes.

Ŋikol. 4:5 Iomraidhean Croise

Ŋikiru. 90:12

Aŋun, kitatamae isua oyenete atemar euruwuana akiyar kosi, ikotere ikiyakaunor aosou kon anakiyar kosi.

Dan. 2:8

Tolimu erwosit tema, “Ileere aneni kaŋ atemar icamito iyes akitooya apaki, anerae iyenete iyes atemar adau ayoŋ atubun ŋakiro,

Mat. 10:16

“Topupokisi, ekeyakiyarit ayoŋ iyes ikwa ŋamesekin alokidiŋ ŋipeei. Topiiryaka ikwa ŋimuno ka kiyapara alopitesyo kus ikwa ŋakuryo.

Mar. 4:11

Toboŋok Yesu ikes tema, “Ikiinakinitae iyes ayenun ŋuna imunono ŋuna ka Apukan ka Akuj. Nai ŋituŋa ŋuluce itatamio a ŋakitadapeta,

Ŋirom. 16:19

Eirasi ŋituŋa daadaŋ epite ŋolo iwuapitotor iyes ŋakiro ŋuna ka Akuj ka alakara ayoŋ nooi ikotere iyes. Acamit ayoŋ iyes toosok, toyenete ibore ŋini ejok ka tomam ŋuna ikikamunito anakiro a ŋuna aronok.

Ŋikol. 3:16

Kimyekisi ŋakiro a Kristo anapedor ka anaosou kec kiboiyoto alotai kus; kitatamas ka tolimonokinos ŋun make anaosou a daadaŋ. Toeos Ŋieosyo a Daudi, ŋieosyo ŋulu ipurore Yesu ta ŋieosyo ŋulu ke Etau; toeikisi ka alakara neni ka Akuj alotai kus.

1 Ŋites. 4:12

Alopite a ŋol, ikikerete iyes ŋituŋa ŋulu nyerae ŋikanupak, ido daŋ nyiitanete iyes adiokiŋarakinet aneni a ituŋanan a idio.

1 Tim. 3:7

Itemokino iŋes erae ituŋanan ŋini itojokito ŋituŋa ŋulu nyerae Ŋikristo daŋ, anerae acepaki eruwor ŋolo itoronitae, tosodi toloma nauno ŋina a Satan.

Yak. 1:5

Ani keyai ipei alokidiŋ kus ŋini icana aosou, itemokino iŋes kiŋit Akuj. Einakini Akuj iŋes ikwa einanakinia ŋituŋa daadaŋ anarimao emam akisibura.

Yak. 3:13

Ŋae alokidiŋ kus eyakar aosou ka ayenut? Itemokino iŋes kitoodiu alopitesyo keŋ a ŋulu ajokak atemar adau aosou alomar lopitesyo keŋ ŋulu ka akiyapara.

Yak. 3:17

Nai aosou ŋina anakuj, ejok iŋes mono jik, nabo eyakar ekisil, iyapara, ekoneono, ileleba akisyon ka eyauni ŋiticisyo ŋulu ajokak ikwaŋina eraunia ekitoe ŋaraito; emamukar atyakatyak ka ŋisoswae.

1 Pet. 3:1

Ikwaŋinapei, iyes daŋ ŋaberu, itemokino topupete ŋikilyok kus, ikotere ani keyai ŋolo nyenupit ŋakiro ŋuna ka Akuj, kitunupa ŋipitesyo kus, tari pa kilimut iyes akirot apei daŋ,