Ŋikol. 4:2 - Ebaibul

² Torubakisi jik ilipete ka totenito anakilip, tolakara neni ka Akuj.

Ŋikol. 4:2 Iomraidhean Croise

Yob 15:4

Nai itiditeu iyoŋ aneni kon akitopoloorit Akuj, ido ikitukuruwo iyoŋ nen akilip neni ka Akuj;

Ŋikiru. 109:4

Tari ketiyae ayoŋ neni kec ŋuna ka amina, ekesitanakinete ikes ayoŋ tari kelipi ayoŋ aŋuna kec.

Mat. 26:41

Tokienyete ka kilipete, ikotere nyilomasi nakitemyet. Ecamit etau, nai epalag akuwan.”

Mar. 13:33

Tocoito, tokienyete, anerae nyiyenete apaki ŋina edolunio esaa ŋol.

Luk. 18:1

Tosodi Yesu tolimok ŋikeekasyomak akitadapet aŋuna ka akitatamya ikes atemar itemokino ikes akilipenen jwi jwi tomam akiup.

Luk. 21:36

Torubakisi ikienyete, nabo kilipete jwi jwi, ikotere toryamut agogoŋu ŋina ibucarotor anakiro a daadaŋ a ŋuna etakanunete ka towueta alokiŋaren Lokoku a Ituŋanan.”

Ŋitic. 1:14

Acunakina ikes daadaŋ kilipeneneete kaapei ka ŋaberu ka Maria daŋ toto a Yesu ta ŋikaitotoi a Yesu.

Ŋirom. 12:12

Kimyekisi akigeno kus ikiturubak iyes ilelyanete, kidaŋidaŋete alocan kus ka kilipete jwi jwi.

Ŋiep. 6:18

Kitiyata ŋun daadaŋ alotooma akilip, iŋitasi akiŋarakino aneni ka Akuj. Kilipeneneete ŋapakio daadaŋ anapedor a ŋina ke Etau a ŋolo ka Akuj. Totenito, nyijamakis akilipanakin jwi jwi ŋituŋa ŋulu ka Akuj daadaŋ.

Ŋipil. 4:6

Nyiyaloloŋete aŋuna a idiobore, nai anakiro a daadaŋ, kimaimaa ka tolimokisi Akuj ibore ŋini iitanito iyes, tolimonokinete iŋes a ŋitai a ŋulu elakara neni keŋ.

Ŋikol. 1:9

Aŋun, ameun anakoloŋit a ŋina eirarere isua ŋuna itiyaete iyes, ikilipanakini isua iyes jwi jwi. Ikilipi isua neni ka Akuj ikiinak iyes aosou ka ayenut daadaŋ, ŋina ebunit aneni ke Etau keŋ, ikotere nai toyenut ejok acamit keŋ.

Ŋikol. 2:7

Torubakisi icasito aneni keŋ ikwa isicasitotor ŋataagor ekitoe alokwap, ido toduko akusikiyar neni keŋ; kicasito ananupit kus, ikwapei ikitatamitere iyes. Torubakisi ilakanarosi neni ka Akuj!

Ŋikol. 3:15

Kimyekisi ekisil ŋolo a Kristo ikipuka iyes alotai kus--ekisil ŋolo aponere itonyaraunere iyes aruwor akuwan apei. Itemokino tolakaros neni ka Akuj.

Ŋikol. 3:17

Ŋinibore daadaŋ itiyaete kori irworosi iyes, itemokino kitiyata alokiro ke Ekapolon Yesu, tolakara neni ka Akuj Papa alotooma Yesu.

Ŋikol. 4:12

Ikimalae iyes Epapuras, ŋolo erae ekaatukot kus, eketiyan ŋolo a Yesu Kristo. Ikitamunit iŋes iyes nooi jwi jwi anakilip keŋ, ilipenene iŋes atemar ikisicat Akuj iyes ikwapei ŋulu iyenete ŋakiro ŋuna ka Akuj nooi ka ŋulu itiyaete anacamit keŋ.

1 Pet. 4:7

Aapuu asalunet ŋina a ŋiboro a daadaŋ. Aŋun, itemokino iyes iyokiuno make ka itenito, topedorito akilip.

1 Sam. 1:12

Ani eriŋa iŋes erubakinit ilipi alokiŋaren Ekapolon, torubak Eli ite akituk keŋ.

1 Sam. 12:23

Ani eruwor ayoŋ, nyikiryama ca ka akisec neni ke Ekapolon anajoŋore akilip aŋuna kus, ido eketatami ayoŋ iyes ŋipitesyo ŋulu ejokak ka ŋulu iyookino.